Oala koliko je prošlo vrimena da nisan pisa. Evo redom.
PETAK
U kasnim večernjim satima smo zgotovili projekt. Kad je iz plotera izaša zadnji list bija san sritan ka malo dite. Kako ćemo proći na natječaju to samo nebo zna, ali mi smo odradili svoje.
SUBOTA
E, subota, moja sveta subota počela je sa jutarnjom kupovinom ribe na peškariji, pa kavica na rivi, pa doma lignjice i škampi na gradele, a hit jutra je bila ova neman od 7 kili ča san je uslika na peškariji.
Moja draga i ja smo u jednoj ekipi od četiri para koji se svake godine nađu zajedno za Valentinovo. Kako Valentinovo ovu godinu pada zajebano na ponediljak mi smo se odlučili profeštat u subotu. I tako smo se našli lipo u konobi Bracera, uz trio Agava, uz rižote bile i crne, brbavice i mušule, uz jednoga zubaca, dva tri arkaja i dikojeg arbuna. Normalno da smo sve to lipo zalili vinom, pismom i smijem do ranih jutarnjh sati.
NEDILJA
Oporavak od svega.
Zdravi i veseli bili.
Ps.
Gren sad čirnit ča jema nova u vas.
|
