"If we open a quarrel between the past and the present, we shall find that we have lost the future."
Winston Churchill (1874 - 1965)
Price iz ditinjstva- litovanja u Planome
naškrabano -06.11.2009. petak - 14:04
Kad me ono priselilo u Split bija san cili izgubljen iako san odma naša nove kompanjone koji nisu ništa manje bili merla od mene........i da dite nebi bilo izgubljeno i da bi mi malo ka život ucinili zanimljivijin odma su me za prve školske ferije (praznike) moji dobri starci poslali kod strica na selo .......naka maloga malo na friškon ariji ....... nek se malo makne iz pustega betona jer ipak je on dite kamenon poplocanih ulica pa ce mu lakše past kad se malo izšvoga po brdima i zelenilu..... ca bi se ono reklo pa našu domacu-izace mu bis iz guzice............
.......e to lito je bilo nešto posebno za mene.......pogodili su starci .......ona sloboda laprdanja po brdima,ledinan,poljima, kamenjaru ostavila je dubok tinbar (pecat) na mene........ne da se nisan smirija vengo san kontra njihovih ocekivanja bija još više na svoju ruku .......nisan se ja da baš tako lako osedlat kako bi to reka naš svit : )))))....
Slika „dalmacija moja inspiracija“-dil još uvih netaknute prirode u tom dilu Planoga-prema Labinu dalmatinskom.....na slici se vidi stari Napoleonov put koji nikad nije završen .....a zašto me to podsjeca odma na ovu našu cestu od Trogira do Splita aaaaaaaa??? Jel se to povist ponavlja ili????
Selio je bilo Plano ..... e isto ono Plano koje je danas naselje grada Trogira(mjesni odbor) koje je za razliku od ovega ca je sad, bilo jedno tako lipo malo pitomo misto sa di kojon kucon i to u pravilu sa kucama grupiranin po prezimenima....nešto kao plemensko/rodoslovna zajednica .......znalo se tacno di koja obitelj živi po prezimenu.....a sve skupa bilo je tu nekih 20-25 kuca ......a dice.....dice je bilo ka u prici ....... svi onako cupavi ,priplanuli o sunca jemali su svi onu niku bakrenu boju koju san i ja falin te bože jema nakon par dana..... a kako ne kad nikad nismo bili u kuci ......neg stalno vanka na ariji i suncu koje je nas je nemilo frigalo po cile dane..........ali ko je to onda obadava......ni onda bilo ozonskih buži ka danas i onega upozorenja da se ne priporuca izlagat suncu u određene ure.......
Cesta kroz danas-naseljeno Plano ......nekad davno je na onome mistu bila ploca u spomen onemu drugomu ratu i ljudima koji su u njemu sudjelovali pa je i nju ka i vecunu takvih ploca stuklo za vrime kad se palilo svitlo demokracije u lipon našon.Ovi put je onda bija teški prašnjavi makadam ....ali o tomen u jednom od nastavaka iz ovog serijala o litovanju u Planome......:) je je znan da obožavate price u nastavcima : )
Mater je s memon spakovala puste valiže robe ...ka ono da dite jema za prominit se ......sve novo ispeglano i skockano......hahahahaa.......a da ste vidili kako je to izgledalo nakon 3-4 dana.....a morete zamislit o svega onega puzanja , penjanja, skakanja ,zapinjanja,padanja po kamenjaru,stabliman a najviše po kamenin gredama (kamenin gredama se naziva podrucje koje je u stvari jedana ogromna kamena ploha sa bezbroj rascjepa,škrapa,rupa ).......e te kamene grede su mi bile posebno privlacne....to su bila naša dicija mista di smo baš ono guštali.......a morete zamislit koji je gušt tu bija igrat se na kauboje i indijance ,na partizane i njemce ,na kukalo......
Pitomi krajolik ili ti ka krajobraz naše prilipe Dalmacije
Od cilega tega terena kojega smo mi pokrivali sa svojin laprdanjen jedno je misto imalo posebanu draž....ono nešto šta van se uriže u lipa sicanja za cili život.......to je bila „Baba lokva“ .......ispod jedne ogromne kamene gromade mištani su ucinili misto za napajanje stoke......kamena greda je ujedno slušila kao naplov za kišnicu.......a stoke je bilo u to vrime .....beštija svake vrste:ovaca,koza,konja,magaraca.......a ze mene ka gradsko dite i te beštije su bile poseban doživljaj .....
E da se ja vratin na tu Baba lokvu.......nama dici je ona bila misto di smo vatali žabe,zmije (bjelouške)....one nike letece baje ca jemaju krila ka helihopteri ( da se razumi : ) zrakomlati ).....koje se zovedu službeno Vilin konjić.......a koji se tek gušt bija uvalit u tu lokvu gologuz i rasfriškat se od onega zvizdana ca je pržija svon silinon taj naš dalmatinski kamenjar.........a ko bi me sad utira u tu zelenu vodurinu na cijoj površini plivaju raznorazne biljke i koja vrvi životon svih moucih beštija i baja hahahahah moš mislit ......
to je ta leteca baja ca pari helihopter da nerecen zrakomlat jelte....vilin konjic
