"If we open a quarrel between the past and the present, we shall find that we have lost the future."
Winston Churchill (1874 - 1965)
naškrabano -30.12.2008. utorak - 18:10
Bija je oni ca je uskrsnija,znate vec koji…..a bija je i oni ca mu ni virova pa je mora turnit prst u buze na rukan mu a zva se Toma.
E pa sad da mani nebi moje Tome , ostale i dalje nevirne Tomice evo ga moja današnja pokora.
Prvo i osnovno na stol valja stavit plasticnu tavaju jerboa zna se ( e nije adz) jelte…........usrat cu cili stol i oko njega dok ovo radin …..Lipo se sve skuvalo i pripremilo za sickanje
Nakon dva sata i kusur sic ovde sic onde …. pa tako jedno miljun puti siccccc……ala ca mi je dopizdilo….. napokon se sve sasickalo i uvalilo u mastel
E u mastel ,jerbo a di ce stat tolika kolicina martijala za gospu blazenu,nebi njanko u mišalicu za beton
Ala zanemarite cikopeljnicu ,jebiga moralo se fumat dok se radi,ka pravi kogo
A onda na red dolazi ubacivanje cimenta oli ti ga sastavnih dilova koji vezuju sve skupa i onda ala udri misaj i misaj i misaj……..a o neredu ca san ga ucinija necu ni govorit…….zaklopite jedno oko pa necete vidit kako san sredan dok cakod cinin
I ekola finalni proizvod…….sad se samo triba dobro pripremit za sve ovo salamastrat……e tako se kili nabacivaju………a onda posli se pati sa djetan i gladovanjen .........
a sad ala ponovo kad nisan moga mucat ....... svima skupa .....
aj dobro necu grintat ,..........a opet a bi li ja bija ja kad nebi cakod balnija i ovon prigodon……..ma dobro necu baš previše …............
………..zato šta je ovi krug od dvanajst miseci oko ove balote na kojon živimo bija prilicno dosadan,…………..zato ca neki od nasi jemaju cetrdeset i kusur godina i svit više nikad nece parit ka kad smo jemali šest ,petnajst oli dvadeset pet godina……………zato ca smo mi još uvik jadno i mižerno društvo kojemu sve ovo oko nas izgleda normalno i prirodno……zato ca i ne pokušajemo prominit stvari oko nas vengo ih prihvacamo ovakima kake jesu…..zato ca je magija nove godine ostala nigdi daleko iza nas………….
E roge ...........…..a zato i postoju nove godine….
triba ucinit plan i valja od prvega dana krenit naprid drugacije ……more bit da ce to upalit baš ovega puta,u novoj i friškoj 2009 .godinici……
Neka Vama svima skupa a falinte bože i meni skupa s vama iduca godina bude puno lipša i veselija od svih koje su dosad proletile………
SRITNA NOVA GODINA
evo san još jednu izvuka iz naftaline , i to u cetiri verzije.....ma koja pisma ,ma koji gusti je slušat.....ala vi mlaji sad vidite ca se slušalo u našu mladost a ne ovo sad ................
ne mogu odolit a ne podilit ovo s vama:
STARI ODGOVOR NA NOVI NACIN
-Tata,kako san se ja rodija?
_dobro sine,zna san da ces me jednom to pitat.
Evo kako je to bilo.Tata i mama su malo chat-ovali,
pa je usljedija copy/paste fotografija.
Tata je onda zakaza mami sastanak e-mail-om.
Našli smo se u Cyber cafeu,malo pricali i onda
otišli u WC.Onda je mama napravila nekoliko downloada s tatinim memory stickom.Kad je
tata bio spreman za upload,
primjetili smo da nemamo firewall.
Ali vec je bilo kasno za undo,a ni delete više
nije pomoglo.
Devet miseci posli virus je poceja djelovat
i ko sad kaze da danas dici nije lakse to objasnit
aha evo ga jošjedan:
Prije vincanja:
On: Yes! To! Konacno sam doceka!
Ona:Oceš da gren ca?
On: Ne! Ni pomislija nisan na to.
Ona:Voliš li me?
On: Naravno
Ona: Jesi li me ikad privarija?
On: Ne! Kako to moš pitat?
Ona:Želiš li me poljubit?
On: Jos pitaš!
Ona:Želiš li me udrit?
On: Nema šanse! Nisan ja takav covik!
Ona: Mogu li ti virovat?
Nakon vincanja... Procitajte text prema gori
ala poceja san valjat pizdarije,nije mi baš pemetno u kraj godine.....mogla bi mi cila iduca proc u pizdarijama.......DAJ BOŽE
Nikad kao Božicne noci covik nije tako blizak coviku. Neka taj osjecaj što duže bude prisutan u našim srcima
SRITAN BOŽIĆ
Sumrak,šušur po ulicama,pijace predbožicno okicene,parangali svitala na sve strane……svugdi naokolo nika priša……
Kad vako gledan Božić je posta ludnica koja se svake godine ponavlja……,
nekad davno to je bija događaj,a sad? Sad se sve svelo na dobar posal i kupovanje …..manito kupovanje po svin mogucin butigama ….
slavi se rođenje Isusovo…..a šta se slavi i kako….samo izvanka,okicenin borovima,darovima,dobron spizon………a ne srcem
Nebi tija na ovi dan previše balit ali za mene je Božic radost koja traje,vracanje u ditinjstvo,dar s neba…......
dan okupljanja obitelji …….okupljanja davno raspršenih naraštaja…….dan povratka drevnim obicajima…………
Nažalost taj osjecaj se polako gasi jer sve više taj dan pokazuje svoje drugo lice,onu tamniju stranu,gorak okus neimaštine i bjede……razlike među ljudima…….nesta je onaj duh ljudskosti i brige za bližnje……postali smo žrtve materijalizma………
Ka dite san dobija na dar jednu knjigu koja je sad vec toliko stara da jon se jedva listovi drže na okupu……cita san je ja……cita san je svojon dici …..a danas je citan svome unuku…….jema u njon jedna prekrasna prica gospodina Andersena -“Djevojcica sa šibicama”…….ta prica probudi razmišljanja o današnjam danu onako kako bi ga tribalo vidit i osjecat ,a ne onako kakav je danas………
Petak je i nema šanse uvatit se velikoga pisanja,.....e pa ce mo pouceni tajnama starih blogera ulimpetat koju slikicu i to je to .........
Ekola evo ga da i vi morete malo uzivat u pogledu na moj akvarijic od 5 stolitri
pošto s vrimena na vrime ovo triba neko i ocistit -nema spavanja danas popodne
milina kad se ugasi letrika i nako u mraku izvališ na kauc ,a duša se odmara dok gledaš
cek slabo se vidu jedrenjaci na njemu......aha evo bolji pogled......
jema jos tih jedrenjaka/maketa .......cek da ih litretan.......
CA BI SE REKLO.......MALI UPDATE ......(nedilja popodne a ja ne corin )
Falite me usta moja lalalalalala.....evo malo mojih rukotvorina tek toliko da se zna koliki san pacijent :D......ajmeeeee a kad triba cistit prašinu sa ovega nije mi baš ništo drago ......ala pinelic u ruke i pffffffff pušiiiiiiii
Šetajuci laganim korakon po ovome našen blog svitu primjecujen da se jugo i ovo sumorno vrime poigrava našim mislima,osjecajima ........da se bude prekapanja po životima,da se traže rezlozi padova i pogrešaka..........
sad ce te rec a sta ovi stari prdonja ovod prodaje pamet........
nije mi namjera previše moralizirat i pravit se pametan (jerbo to i nisan-e a ca se smijete,triba znat to i priznat).....ali opet ne mogu odolit a ne osvrnit se na to stanje duha........
ala svitu ostavite se cirenja kroz škure života,otvorite ponistre širon.....dišite punin plucima.......jemate samo ovi jedan život....... ma kakvi on bija vaš je........
Viruj te ovon sidon glavi......prošla je ona životne bure i nevere.....padove i ponore......nema vitra koji me nije mlatija.........ali uvik ima ono ali..........pojavi se duga,duga koja nagovjesti prestanak tih mracnih dana .........tocno je da se poslije kiše uvik pojavi sunce
Ništa nije toliko crno da nema baren mali tracak nade u bolje sutra,u sutra koje ce vam donit onaj komadic koji van nedostaje u puzzlama vaših života...............
ne odustajite ,ne zatvarajte se u svoju samocu.......pristanite tražit ono cega nema.......budite svoji.......
Znan da je velika umjetnost bit svoj u današnje vrime........ma se triba pristat pritvarat , i nastojat bit neko drugi......jerbo se to eto ocekuje od vas,jerbo to ocekuje neko drugi........e ti drugi su u iston prici ka i vi....samo ca je znadu drugacije ispricat........
Zasto glumatat i pretvarat se da ste neko drugi.....cemu?
Zasto glumatat da ste nšto šta niste????
........mogu ja vama ovod sad pricat bajke koje ce van pasat samo tako i koje ce bit u „poželjnom „ tonu
......ali ne hvala ja nisan taj......ja volin bit ono ca jesan i neznan drugacije......pa kome paše nek ga s menon........a kome ne,evala mu bilo ,al nek se movi ca od mene........
To bi bija moj kratki komentar na ono životno...... vruce/hladno,na ono crno /bilo.......e nemore to tako .......triba bit SVOJ
Ne mogu a ne komentirat misli jedne meni drage osobe: gabori se pritvarju da su lipi......budale se pravidu kada su završili 3 fkulteta.....majmuni pokušavaju pjesnici bit.....frigidni se nastoje predstavit kao sexy........
A ja na to mogu samo rec ko ih jebe.......ja san ja i uvih cu bit JA ....e sa velikin J ....jerbo me se jebe za sve kompleksaše na ovome svitu,za sve moralne pacijente.......ocu i eto baš ocu na cili glas rec ca mislin ,ocu balit koliko me volja .....jer to san ............JA
Ono san šta jesan .....jebe me se jel me volite ili ne
E sad se vi pitate a koji ce kurac sad ovi pisat o nikon Coca Coli,ca se jema o temu pisat.......e nije tod bitna cola ka pice vec njena botilja......e ja jeman jednu lipu uspomenu na tu šesnu botilju iz moga ranog ditinjstva......hahahaha.....pa normalno da nije obicna uspomena,jerbo ja nebi bija ja kad se moje uspomene nebi vezivale za monade ..........
E misto radnje je falin te bože Trogir i moja taraca.........za one ca znaju i one ca neznaju sa nje se baca lipi pogled na Požarinu (oni plac ispri ljekarne) i oma je povise glavne gradske ulice (a ca se cinite blesavi pa pokaza san van di je)....aj aj dobro ....evo petacu sliku da bude jasnije
ala ajmo pocet sa storijon.......bilo je to nike davne godine kad san ja jema nikih 6-7 godin......asti gospu pa to je stvarno davno bilo.....ajmeeeeeeeeeeee.......ala ca san ostarija........
e u ta doba se taman kod nas pojavija novi sokic po imenu Coca Cola,do tad se moglo srknit jedino Coctu i onu crvenu narancadu ......a falin te bože ,mi dica smo padali na te novitade ka musice na govno........svaki dinar ca bi dobili oma je partija u butigu ispo kuce ,jerbo ko je moga odolit a ne pofalise sa botiljon Coca Cole u rukan.......
neka ona druga dica malo patidu .......hehehe....ca ti je ljudska priroda,celici se to odma od najranijeg doba kako bit "coviku je covik vuk"
E u ovon storiji je uz mene glavni akter i moja dvi godine starija sestra.......
tega dana samo ka dobra ditca jerbo smo mi to inace i bili ( no coment) ucinili svoje dobro dilo i poslusali babu Stanu koja je stala ispod nas ,pa smo jon isli u spizu.....kupit kruv,mliko i par sitnica......jerbo di ce stara žena to poc cinit kad jema nas dicu tod u susistvo........
ala da nebi ispalo da san ja tod bija niki anđel to smo mi cinili jerbo je ta dobra baba bila široke ruke pa bi nan uvik uvalila koji dinar za ucinjeno dobro dilo......
E i tega dana je stvarno bila široke ruke pa je mene i sestru lipo nagradila sa 5 dinari .......ala koja je to lova bila u ono vrime...ona zelena novcanica.......ala cili svit je bija naš........odma je pocelo dogovaranje ca ce mo kupit ,na šta ce mo spiskat to naše bogastvo ......
Ja san bija zato da gremo kupit slicice „Flora i fauna“ jerbo san ja skuplja te slicice pa aj da zajeben sestru (prava bratska ljubav) a sestra je bila zato da gremo cakod kupit za popit i pojist (uvuk je volila lipe bokune-ca me podsjeca na stanovitu belecu ovod )............
i falin te bože,dogovora nije bilo.......uz sva nagovaranja i pregovaranja,mi kao dostojni predstavnici svoga naroda nismo se mogli nikako dogovorit oko i te najmanje sitnice........pala je podila dobara dva ipo dinara meni dva ipo dinara njon.......pa nek svak sa svojin cini ca ga volja..........
Ja san kupija one nesritne slicice.....za kojima je bija poludija cili svit.....ali o temu drugon prigodon,jerbo to je prica zase......a moja mila i draga sestra je kupila štapice i Coca Colu.............
Hm slicice san peta u album i normalno da san poceja žicat sestru da da koji štapic i guc Cole.....jerbo ko je vidija da ona sama uživa u svojin trudima hehehehehe........oces roge dobit,ca i ti nisi kupija ka ja nego si kupija one pizdarije .........ala kako mi je lipo odgovorila dok je onako puna sebe mumala štapic za štapicen zalivajuci ih sa onon karameliziranon tekucinon.......a ja san moga samo prigucavat nasuvo i cinit mot da me eto ka nije brige......a ko je smija pokazat da mi je stalo .......jerbo to bi jon dalo još veca krila da me more ca bolje zajebavat............
Ja i ona smo vjecito visili po ton nason taraci ,to nen je bilo ka glavno misto za igrat se ......to je bija oni naš diciji kuatk di smo baš uživali ,to je bija oni naš svit u malome....a cli grad je bija ispod nas....sve smo mogli sinjat odgori.........
Iscidila je ona i zadnju kap ,da je ogla štrukat i to bi meni za dešpet ucinila......samo da ja patin ca više...........a jemala je i prav...........ma ca je sasrkala nije bila muka nego me je pocela i cikavat sa onon praznon botiljon..........cilo vrime je držala uruke i pizdila kako je dobra,kako jon Cocta i Narancada nemogu pera odbit.......ajme ca san bija đelozzzzzzzzzz...............
Hehehehe e neces ti mene cinit pizdon,vraticu ja to tebi sestrice moja draga.....samo ti mene podjebaji...........
Zove ti nju mater doli ,i cace drugo nego ostavit botilju meni na milost i nemilost.....jerbo mater ni smila znat za našu rastrošnost tega dana..............
Aha moja si......neš ti mene više zajebavat sa ovon botiljon.......ca ucinit,kako jon se osvetit.......kako je zajebat.......misli Marine misli......vratice se brzo gori.......ajme ca ucinit.......nima druge..........izvadin ja ono moje žalosti iz gaca i popisan se u botilju ..........hahahahaha........eto ti sad tvoja botilja pa me sad s njon zajebaji ..........
Bice nastavak do kraja dana,jebiga piše se na poslu.....
ala necu vas muštrat sa pustin nastavcima ....ekola evo ga posli marende je gotov nastavak:
Dotrcala je sekica puna sebe nazad na taracu i odma onin svojin velikin crnin ocima pocela tražit di jon je njeno blago s kojin je jemala brata u šah mat pozicjunu..........di mi je botilja.......ala na sunce s njon.........
Eno ti je u šufitu iza grede,u kurac ti i ona,neš ti .....kada si sad uvatila boga za bradu izdiguzice kad si srknila Colu i smumala štapice..........
aaaaaaaaaaaaaaajjjjjjjjjjjjjjjjjjjjjjjjjjjjjjjjmeeeeeeeeeeeeeeee raskrivila se ka da je ko davi ........
ajmeeeeeeeeee upiša mi se u bocicu............
suza suzu tira niz lice, zaškrpunila se ,mislija san da ce puknit ka balun ................
ala kako san bija pun sebe,
hehehehe eto ti sad tvoja botilja...u kurac ti i ona.......
recu te materi ,sad odma,platices ti meni ovo........maaaaaaaaaaaaaaammmmaaaaaaaaaaaaaa.......asti gospu koji je gucak jemala za onako malo dite.....odzvonila je cila kuca i po ulice sa tin njezinin guckon................mmmaaaaammmmaaaaaa........
ajme protrnija san,ako ona opet dođe gori najeba san,odnija vrag botilju i pišanje,......
zgrabin jon iz ruke na brzinhen onu botilju i trk do bande o tarace i nako pun sebe izlijen ja sadrzaj vanka –doli na ulicu........kurac san ja onda u onon paniki mislija na koju cu stranu izlit,bilo je bitno unistit dokaze ............
ajmeeeeeeeeee ljudi kaj je ovo,koji bezobrazluk,kak se usuđujete bezobraznici jedni .......majn got
asti gospu a ca je sad......??????????????????
di ce suza neg naoko,ka i ja di nego iz pizdarije u pizdariju.......prolija san pišoton furešte doli na ulici......enti isukrsta tek san sad usra šefa i stanicu........
biž Marine doli ,biži biži sakrivaj se kako god znaš.......trk ja nizaskale a sestra za menon........trk u sobu ka dvoje ludih kada nije naš posal.......
ma dobra je moja sestra,nije ona mene izdala a mogla je....mogla mi je vratit za sve ca san jon cinija,ma nije..........mislila je ona i na svoje prkno,jerbo bi i ona ovanjcala o matere......bila je starija pa ca nije fermala brata da ne cini pizdarije ..........
odma smo izbacili sve igracke iz sanduka i kada nije naš posal nastavili se igrat u sobi.......
kroz ponistru se cuje vika,šušur......uzpizdili se oni furešti kada in je pa cili svit na time a ne pinku mlakaste tekucine ........
i normalno izasli svi kurijožasti susidi na ponistre vidit ca se to dešaje.......izašla je i baba Stana jerbo je ona bila najbliža pa sve tiši one ljude doli ,ka evo donila san van ja šugaman pa se morete otrat......
ma kaj obrisat,kaj vi mislite prostaci jedni...nebu ovo prošlo tek tako........
ma neš ti malo vode vas je poškropilo......brani opet baba cast dalmacije i trogira........
ma kaj voda,ovo smrdi ovo nas je neko popišal kroz prozor .....koji prostaciiiiiiiiiiiiiii
briše baba stana šugamanon ono jedno dite ca ga je uvatija moj škropac .....i sama neznajuc da je ta voda došla iz nike druge špine a ne one o vodovoda..........
pocela je istraga....ko i kako,zašto........normalno cula je i naša mater ti cili konfužjun i pridružijla se događanjima na ulici.....
bice oni tvoj odgori ovo ucinija ,nima ko drugi nego mali Marin......
Ne nije on,stala je mater u obranu svoje dice ka prava mater....moja dica su u sobi igraju se sa igrackama.....oni nisu nikako mogli......nema šanse......nisu oni......
Marineeeeeeeeeeeeee.......Lorandaaaaaaaaaaaaaaaa...........tarleknila je mater,doli dođite odma
Ajme kako me steglo oko srca kad san cuja kako vice.......e mama ca je ca ti triba....eto nas......
Složija san facu nevinašca,a sestra je davala moralnu podršku, .......
Ne vjerujem da su oni......ko bi i moga pomislit da je to ucinilo ovako milo dijte ....odma je ka iz topa ispalija ovi zagorec......(ma ke naivac)
Onda nima ko drugi nego su Matići.....
U moj dvor da buden precizniji između moje kuce i Đimbekovih (danas je tod oni lipi kafic Malibu) stali su Matići(tod di su oni stali danas je advokatski ured) brat i sestra Ivica i Cvjetana....bili su koju godinu stariji od mene i sestre a oca u in zvali Fićo ...bogati neznan mu ni dansa pravo ime....samo znan da je radija na škveru oko letrike i da je on taj kojime infeta radio telegrafijon i radio amaterstvon ca je kasnije prišlo na internet ....ma bas mu fala.......
E napad se proširija na njih,odma su susidi izvukli zakljucak ako nisan ja da su onda oni jerbo nima ko drugi......
moga je to bit i Vjekica(gazda Malibua) ali opet on je bija dalje a i bija je puno dobro i fino dite.......
Zaludu je Ivica objašnjava da nije on ni sestra mu .....da neznaju o cemu je ric......isuka je Fico kaiš iz gac i tako ih dobro obodvoje naniza onod na sri ulice da mi ih je i dan danas žaj ca su uvatili bubac umisto mene...........
A mozda i saznaju sad ko in je krivac za te bubce ako citaju bogove i ako ih ko zna.....istini za volju niman poima ca se sve s njima kasnije dešavalo.....mater Lucija je brzo umrla,Cvjetana se udala u Kaštila,Fico je bija iz Backe palanke pa neznan jel ga rat pomeja na drugu stranu štali a o Ivici nezan ništa...........
Eto vidite da Coca Cola jema i moju pricu .......asti gospu moga bi prodat licencu za reklamu amerima hahahahahahaha
Škrrriiiiiiiiiiii škripjedu ruzinave britvele onih velikih zelenih vrat o biskupova dvora dok se zatvaradu za menon..........a ca sad??????........kako doc doma i ca rec materi ........ajme Marine najeba si ,ovanjcat ces samo tako..........ala ala smišljaj ca ces rec ...........a ca cu rec,ca reka reka opet cu uvatit bubac ,maja je maja-asti gospu a još i nova,
..........vec je vidin kako pocima onako zajapurena sa bestimama i prodikan..........ala vaja nikako izbacit ovi grop iz prsiju i zaputise doma..........ali noge kada su o olova,kada ih je niko peta za onu kamenu plocu ,nikako se movit,
.........mijuni misli prolazidu kroz glavu ma nikako nac ca rec materi............. e a asti gospu ako dojden prije vrimena doma eto opet sranja..........oli si pobiga sa dotrini,oli te istiralo ????.......ajme vec cujen te batude.......
skupi san sve ono force ca je ostalo u meni i nako cili pun salamaštrani misli , misto livo oma prima kuci , ja san smota na desnu bandu priko piace pa cu eto ja pomalo nogu pridnogu naokolo pu doma......možda se cega i sitin u putu.....
Mravljin korakon polako ispri lože .........eeeeeeeeeee Marineee maliiiii a ca si to ucinija o sebe,cujen poznati glas kako me dozivje.......
e teta Domina, a ca mislite-a ništa pa san upark pa sad gren doma prominise........
teta Domina je bila materina daljnja svojta ,stala je oma kraj velega volta i uvi je visila na ponistru......stara gospoja koja se ni udavala,...... a kad je i mogla asti gospu kad jon je bilo prišnije stalno visit na tu ponistru i sinjavala ca ostali svit cini po mistu......ma koji CNN,koja CIA..... ....ta je znala sve......i falin te bože ništa se ni moglo desit a da ta nezna.............
potulija san glavu i gren ja dalje o svome poslu jerbo san zna ako bilo ca recen da ce to znat oma po Trogira,a o dotrinan nisan smija ni beknit,jerbo je to bilo ka ništo ca se nesmi ca ni dobro.......
polako ispo volta javit se babi Strizinici koja je držala tod na livu bandu pekaru.........Marine mali oces jedan kiflic oli slaki kolac ...........fala me ne triba ,nisan danas ništo o voje.............cudno me žena pogledala jerbo to kada nisan bija ja ,oni mali vrag o kojega je ozvanjala cila ulica koji je uvik bija vesel i koji njanci sekunde mira ni jema.........javi san se i barba Tonku ca je radija u knjizari ,oma tod priko puta pekare........on je uvi jema dobru ric za nas dicu,on i dobri stari makedonac ca je drža zlatariju na podanak Dujine kuce.............malo danas jema tako dobrega svita,takih duš o judi.........
ferma........Duuuujjjjeeeeeeeeeeee........dreknija san koliko god san moga.......Duuuujeeeeeeeee..........
nima ga doma Marine........nigdir je vanka,javila se dujina mater priko ponistre ......a oli vas dva niste skupa..................
eto ga na sad san i njega zajeba,bice jon proda pricu da gre ko mene ..........ajme oceu li jos cakod zajebat danas.......
Marrrrrrriiiiiiiiiiiiiinnnnnnnnnnneeeeeeeeeeeeeeeeeeee!!!!!!!!!!!!!!!!!!!!!!!!!!!!!!!!!!!!!!!!!!!!!!!
Stoji mater na taracu i iza svega glasa zove........
alaaaaaaaaaaaa domaaaaaaaaaaaaaaa!!!!!!!
Ajme prisiklo me ,ajme cula me je .......koja san ja mona ,ma di san iša zvat Duju,sad ga moš jebat,propa je cili plan odugovlacenja i škivavanja ............
Eto me greeeeeeeeeeennnnnnnnnnn............
gren ,a di gren .....otvaradu se vrata pakla polako.......oškrinija ih je vrag.............
Eeeee merlo ,a ca si sad ucnija ,koja je nova pizdarija izasla iz tvoje butige????....pita posprdno sa vrat barbirije Rajko barbir..........
(Rajko je bija furešti covik ma se opet cutija nikako ka naš domaci ,nikako se bija saživija sa nama domacin sviton.posli su mu barbiriju pribacili na autobusnu stanicu a u njegovu butigu se falin te boze otvorija jos jedan od mijun kafici ugrad)..........
kako te lipo mater zove sve mi se cini da bi moga ovanjcat...........
Uletija san kroz vrata u kucu i trkon uza skaline.......ajme a ca sad ,valja se pripremit na najgore.......
Ma dobro ca si to ucinija,ja te lipo svitovala ca i kako a ti?????!!!!!?????......ca san ti govorila????!!!!!!.........a i di si dosad,casna je bila prije uru ovod i izvinjavala se radi tebe i tvojih monadi......vamooooo dođiiiiiiiii.......
Aha ocu roge mislin sam use,jos cu ti i doc blize ,kako da ne......
U tinelu je bija veliki ovalni stol....bogon dan za šlivavanje naokolo.....pa aj ti mene sad uvati ako moreš hehehehe.......to je bila stara ispitana taktika .......a oladice se ona .....polako ............
Ma ca oladit,ca san ja vise biža ona je bila sve juca i juca...... u onon mojon priši nisan ni sinja da ona nakon svakega đira zamenon oko stola pomalo gurne stol prima kredenci ........ajme propala taktika.....nima više uzmaka.........capalo me.............ajmeeeeeeeeeeeeeeeeeeeeeeeeeeeeeeeeeeeee.............
svitu moj ma koji plavi telefoni ......... koja prava dice hahahahaha ....da je to bilo onda objasnit mojon materi..............enti gospu danas bi je u ludnicu strpalo da onako dite naniže..........................
E a jemala je moja mater i posebno sredstvo za ucinit me mirnin......e sad se vi pitate koje........nije to bila ni šiba ni kaiš.....ne ne moja mater je jemala jednu lipu plasticno/gumenu mrižicu za ic u spizu......onako pletenu sa mijardu gropi nanju.........a zvizdala je kroz ariju ka mlazni avjon kad bi se jemala spustit na moje noge oli guicu..........ajme i danas me zaboli kad se te mrižice sitin..........
Ma ne jidin se ja ni danas za sve te bubce ca san ih dobija.....ovako je vrag osta u meni a bože mi oprosti kakvi bi tek bija izaša da me nije bubalo..........moš zamislit
Inkanta san se na srid sride te sobe dok se mater tamo ništo došapljavala sa švoron,ajme ca mi je sve prolazilo kroz glavu.............zna san ja da nece to poc na dobro cin me mater ovako ušestila,nova maja ca je pape doni iz Trieste ,krake gace ca su bile samo za poc u likara i nove sandalice a ka kruna svega bile dokoljenice....... hahahahahaha....... ala ca san bija šestan a tek kako mi je vlasi bila zalizala vodon hahahaah..........e ni slutilo na dobro......njih dvi su jema bit kovale niki pakleni plan,jerbo inace a ca bi se dosapljavale asti gospu.
Bacija san oko na dicu koja su sva blejila ume kanda jeman na sebi tri kila govan pa je eto ka ništo interesantno na meni .......sad bi in ja najradje pokaza ............ma jopet a ko smi oma na prvu ucinit monadu,isprobijala bi me mater doma ka pasa................jerbo ni zaludu ona davala sve one upute kako i ca ....ali neka neka,polako se prdi u raj.............doce i mojih pet minuti.
Fermale su njih dvi i mater se polako zaputila prima vratima a švora je ispratila sa ricima „ a ne bojte se gospojo pazicemo mi ovega vašega maloga anđelcica“ .........asti.............. ajme.............a ca je ovo ............da anđelcica,ova mora bit da je išempijala,dosad san jedino sluša o svi susidi da su svi vrazi ume a vidi ove sad ,mora bit da ni svoja...........ma necu ja ostavljat krive dojmove.....ala pocecu ja po svome sad kad je mater partila........
Uvati švora mene za ruku ka oce mi pokazat di cu sest....a ja ka iz topa.......a koji me kurac vataš kada neznan sam odat.......ala koji šok ,koja nevirica.......muk ,tišina.......moga si cut muvu u zraku......ona dica razjapila žvale ka da su prvi put culi otu lipu socnu ric ca samo tako zunzi..............
oplaaaaaaaaaaaaa...............capala me sad ona za uvo i tiraje ........magarac dabili magarac.......
asti isukrsta a di je nestala ona skrušena mirna žena o malopi,ca je parila ka svetica dok je cakulala sa materon.......prova san se ja iskoprcat ,ma ni išlo,držala je ona moje uvo utvrdo i tiravala na svoju bandu.......
jebate Marine neš uspit lako ca si naumija,i ovi znadu zube pokaza.........
odvukla me do katrige u zadnji red i mašuci prston uputila se naza prima klaviru di je pocela svirat niku pismu a ovi su opet svi u jedan glas poceli pivat .......ala a ca je ovo......sad ni meni ni bilo ništa jasno,niko me više ne obadaje ,nijanci bacija pogled prima meni ka da me nima tod........a ca san moga ,osta san sedit tod ka mona i kurijožasto promatrat sve oko sebe onin svojin dicijin ocima ca in je sve novo zanimljivo ......
ovo je bija niki novi svit za mene,svit u kojemu cu falin te boze stec svoje misto na samo meni svojstven nacin,je je jema san samo taku reputaciju kasnije.......hahahahaha
Nakon pivanja digne se švora i pocme ništo o nikome ocu našemu ,a ovi oko mene ka papagala ponavljaju.........kad su fermali sa tin nabrajanjen i ponavljanjen ala svi veselo na dvor jerbo je to sad ka niki odmor,a o cega odmor za gospu blaženu,kada su ca cinili osin ca su laprdali cilo vrime...oli se covik i o tega mora odmarat.........
E dvor,ti dvor je bija ka zraka sunca u mome sivilu tega dana....izletija san ka metak vanka ......sta san malo sa bande nebi li skonta ca ko s kin i kako .......a oko mene se skupile sve šinjorinice bože mi prosti ka muve na govno.....a koji si ti,okle si,koliko godin jemaš......koja lipa mužika od onih ženskih glasici..........
opalaaaaaaaaaaaa sad san vec bija u svome motu............onako pun sebe poceja san se šepurit ka pivcic i nalagano odgovarat jednon po jednon i tako zadovoljavat njihovo zanimanje zame.........
e da su se barenko samo one zanimale............... evo ga na...........pojavija se niki pample ispri mene i ka iz topa....a ca se ti novi praviš važan tod.......
odmirija san ga od glave do pete.....bija je za glavu veci o mene a jema je i koju godinicu više..........
a ja mucin i mirkan ga daje,zna san odma vrag je doša po svoje ,bice tuce............
.......ja smo i mlaji brat glavni ovod i nemoj se kurcit tod.......aha tako to pocima..........ma mucin ja i daje jerbo zna san ako beknen da ce bit svašta,a bija je i jaci ,tribalo je znat svoju miru i ne padat lako na baketinu i dobit bubac bez potribe..........
a je kurac,da je sve tako lako u životu i da covik more priko svega pric a di bi nan bija kraj...........
( e to su bila braca Milovac,starijeme san zaboravija ime a mlaji Cvjetan je bija kasnije moj nerazdvojni kompanjo ali o temu kasnije)
e vako su me oni vidili tega dana
....onako naduven gurne ti on mene i okrene se ka ono ko te mali jebe ja san ovod glavna cunka........ajmeeeeeeeeeeee uskuvalo oma u meni,ma koga ces ti gurat pizda ti materina,ma ca mislis da san ja mona na koju ces se ti išvogavat ,e neš gospe mi,tvrd san ti ja oraj ...........
capan ja njega za rame okrenen,zaskocin se i bubnen ga šakon drido posri nosa.......
škrika,cika ,razbižale se one šinjorinice,.....casna...... casna....... pocele su tarlekat,eno ih tucedu seeeeeeeeee..........enti od onih smisnih šinjorinica oma su se pritvorile u švrake.......
Osta oni inkantan,ukocija se bidan,capa se za oni njegov nos.........a kad je ono pocelo cidit....majke ti božje kada si špinu otvorija.....krvi na sve strane...........
skoci mi niko na leđa i povali me ,capalo me za kosu i bacilo natlej,bacija se i oni papmple na mene......ala koliko san bubac uvatija.......branija san se koliko san moga .........ma je kurac ubilo baju u meni........e to je bija moj prvi susret sa ta dva brata,ali pripitomija san ja njih kasnije ,jerbo ni mi niko osta dužan pa nisu ni oni......jemacu i ja konja za cinit trke.........
Ala dotrcala je i švora,uzpizdila se rastavila nas i falin te boze po komen ce nego po meni.....mali divljak neotesani kaj si to napravil..........,capala me za bafu i tiraje......onega ti isusa sve san zvizde vidija,ma diš za bafu kad tod najviše boli......e sad ces ti vidit ,idemo kod velecaskog pa ce ti on pokazat............prova san ja rec da nisan ja kriv vengo ona dva...... ali je ko me je sluša,ta oni su ipak na vjeronauk i jemali su malo veci status ,bili su ministranti .....ali to san tek kasnije dozna da se tin statuson more dobro proc hehehehe.....
ma istini za volju ta casna sestra Zdravka nije bila toliko loša ka ca san je ja na prvu doživija ali jema bit da se nije mogla nosit sa našin dalmatinskin temperamenton oli da ne recen špiriton,ni dugo ni ostala u Trogir,dobila je brzo prekomandu,...........
odvuklo me u susidni dvor i na prvi pod.....kad tamo niki covik cili u crno......i podbocija se i strogo me gleda..............majko moja mila a ca sad ovi oce............e jema li ovi ludi dan kraja.......
šta je bilo i kako i fala ti bože opet ja kriv da krivlji nemoren bit........
casna je išla ca a ovi mi je poceja utiho držat predavanje,ma kruv od covika moga bi ga na rane privijat......nije glasa podiga,sve polako i ufino......i na kraju je ipak prihvatija moju pricu o pravemu krivcu.......ali ni dan danas nemogu razmit onu njegovu“ ako te ko udre okreni mu i drugi obraz“ ma di cu mu okrenit drugi obraz a ne vratit oli je ovi popizdija skroz,e i po temu opet san ja bija kriv jerbo san se branija i nisan da nase ,ma di to jema.................
taj dobri fini covik je bija don Ivo Đurđević ,umra je bidan prije koji misec ,bog mu da pokoj ,bija je stvarno dobar covik,ali štaš jema bit oni ca su dobri da in je u kodu zapisano da ne trajedu dugo.......
Aj ti lipo sad doma on ce meni.....malo se smiri i prikosutra opet dojdi na dotrine,vidices da ce sve bit dobro a ja cu izgrdit i ona dva brata.......
a e kada mi je to nika velika pomoc.....a kako cu sad doc doma materi naoci ......odnija je vrag novu maju ,u cilemu onome šušuru nisan se ni ošerva da se isparala po šavu..............
ajmeeeeeeeeeeeee tek san sad najeba............
Ronjali vi ne ronjali ma opet nastavak slidi....a diš više pisat za milost isukrstovu
.......najeba si Marine ka žuti,jebali su ti znaje.....
naškrabano -03.12.2008. srijeda - 13:35
ili kako od
ovega ucinit ovo nikako ,ali barenko su pokušali
Ala kad san se vec capa crikve,valja bacit i koju besidu o nama dici i crikvi.....o našem „posebnom“ odnosu sa crikvon i crkvon.............e dva puta jerbo se tod mora ucinit razlika između onega ca smo mi zvali crikva i onega ca su nas tantali da zovemo crkva.
Crikva je za nas bila u ono vrime nisto puno više nego crkva( crikva=građevina,crkva= intitucija e to je ta razlika koju smo mi onda cinili )....hahaha ali smo radi jednoga i drugoga više bubac dobijali neko nan dlak na glavi.....
Ajmo ispocetka ....tili mi ne tili ma je tako bilo.....ni bilo vrtici i jaslic ka danas pa smo od najranijeg naseg doba bili vezani za crikvu....jerbo je crkva jemala mota u temu kako ca bolje zabavit dicu i naucit ih na njihove užance.
Moj pape i mater su ka pravi katolici o tradicije oma svatili da je najbolje malega maknit ca sa ulice i odvest ga u casni na dotrinu(vjeronauk) jerbo barenko tamo nece cinit monade.........hahahaha.............ka ono jemace mali rišpekta prima crkvi i svetin judima .....hahahaha.......jerbo tribalo je ona dva merla iz price oprije nikako razdvojit jerbo su bili ka elementarna nepogoda za cilo susistvo........je moš mislit ca su nas razdvojili........uspili su skroz u temu .......nije nas bilo vise samo dva merla nego smo nasli cilo jato istih tici.....svi smo pivali istu pismu hahahahaha........
Tako me je jednega dana moja dobra mater ,obukla u novu monturu i nakon ca je odrzala svoj monolog kako se triba ponašat jerbo su tamo druga dica i niki judi ca ce me svašta dobrega naucit,capala za ruku i odvela 3 kale dalje –u biskupovu kucu................ulizi smo u niku veliku sobu pri tleju di je bila ta dotrina ,a u nutra klavir,stol za stolni tenis, stoli ,katrige.....sve je bilo po špagu stivano,ma lipo nema šta......
ali cin su se za nan zatvorila ona velika drvena vrata odma san zna.......najeba si Marine ka žuti,jebali su ti znaje....ovod je ka u cibu,ovod se mora sidit sa pacjencon......nima laprdanja po kalan i parkovin više,stavili su ti redine (uzde) ka konju.......a jmeeeeeeeeeeeee cili je moj svit propa.
Istini za voju bilo je tamo druge dice,ma se nikako nisu uklapali u ono moje svacanje dice.....sidili su na katrigan na mumije,ka kipovi prikrizenih ruk i ni makac......
..................isukrsta ti oli ce ovo ucinit i o mene,odma mi je proslo kroz oni moj vitreni mozak.......e necete ne zva se ja Marin,polako polako docete vi na moje.....razjebacu ja cilu ovu kumpaniju, jemace oni posla s menon.....a gospe mi i jemali su.........
Nastavak slidi sutra(kraj radnog vrimena) e moj duh je onda bija ka ona pisma gori....pa aj ti to smiri
Vako gledat sliku crikve sv.Lovre olitoga katedrale sv.Ivana je ka ništa novega ,tod je i tod je uvik bila...ma za nas dicu trogira je ta crikva bila i ostala sasvin jedna druga prica.....
Prica o bezbrižnin danima ditinjstva o nikon drugon vrimenu i nikin drugin ljudima......a da ne govorin o nikin drugin obicajima......
Sami pogled na nju budi cilu navalu sicanja ............
Danas ljudi tu crikvu vididu ka misto di se more isprid bokun sist, dušnit i bacit oko na šinjorine oli muškice ca prolazidu ulicon,misto di ce se eto slikat za uspomenu.....di ce poc na misu i eto bit vidjeni,jerbo su oni oni dil drustva koji gre na misu a to je ka danas poželjno jerbo ako ne greš odma si ka manje vridan......
E svitu moj to misto ima niku drugu magicnu vridnost ,niku drugu dušu ca je mogu razumit i osjetit samo oni ca su ka dica tod odrastali , dica koja su bila i ostala dil te crikve , jerbo je dil naše duše osta upijen u svaki njen kamen, svaku poru njene lipote.
Minjala su se vrimena i dica koja su se igrala u njenin skutima a ona je uvik bila ona ista –naša crikva.
Lipo se vratit u njenu blizinu ,osjetit onu njenu toplinu kojon samo majka docekuje svoju dicu –dicu koja su se eto razbižala po svitu ali se uvik vracaju u skute svoje majke koja je tod i uvik ih ceka puna ljubavi i uspomena.
Još pantin svaki kamen,svaki detalj,svaku skrivenu kamaru ,svaki sritni momenat koji san proveja u njenon blizini.......
Lipo se sitit nekih detalja kojih više nima......ka konopi o zvona......onih konopi koji su bili spona koja veže covika i zvono,koji daju zvonu dil covikove duše.......
tamo nike (ne sican se tacno koje)godine došli su Pujizi (Talijani) i zaminili te konope letrikon-makinon koja je zaminila našega Špiru Pulelu.
Jel se još ko sica toga malog pogrbljenog covika koji je bija dil naših zvona,koji je potiza konope kako bi zvona pricala svoje price ,price radosti i tuge.......nadan se da nisan jedini i da ipak sicanja žive.
Još je tod slika konopi i covika koji srastaju u jedno....covika koji iako slabašan daje dušu zvonima,a ona su jaka ,mocna i pricajuci svoju pricu dižu covika u ariju...a on neda se ,ne pušta konope jer ako ih pusti i zvona ce pristat sa svojon pricon............
To je isti oni covik koji je nas mulariju vata kad bi se eto mi malo „opustili“ i capali se tih konopi kako bi kazali svitu da smo i mi tod.....da nan oni crvi u guici nisu dali mira ........
Zvonidu ta zvona i danas ali ne više onako sa dušon ka prije....sad ih tiraje letrika,a ona nima duše.....sad niko utipka program doli u sakristiji a makina onda cini svoje .....a opet to su naša zvona,zvona naše crikve......
Kad se iduci put nađete blizu crikve,pogledajte (oma iza ulaza sa juga) prima gori.....nađite pogledon buže u kamenu ,buže o konopi ,buže koje su još tod i koje su živo sicanje na sve zvonare naše crikve.
Te buže pricaju svoju pricu o vrimenu i ljudima koji su živili sa našon crikvon , pogledon na njih sitite se i vi tih dobrih malih ljudi .........sitite se prošlosti našega grada.
, i to u cetiri verzije.....ma koja pisma ,ma koji gusti je slušat.....ala vi mlaji sad vidite ca se slušalo u našu mladost a ne ovo sad ................
a ja ne corin )
e vako su me oni vidili tega dana
ucinit ovo 
nikako ,ali barenko su pokušali
