Planica, 2007.leta
Roč, 2007.leta
Rupa, 2007.leta (autocross)
Buzet, 2007. leta (autocross)
Vodice, 2007. leta (Sv.Martin)
Fiorin
Bohinj, 2007.leta
Bled, 2007. leta
Planica, 2008.leta
Gračišće, 2008. leta
Oliver Afrić - MJESNI ODBOR
Edvard Radan - PUSNI ODBOR
Vlč. Ante Zovko - ŽUPNIK
< | ožujak, 2008 | > | ||||
P | U | S | Č | P | S | N |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
by Jagermeister
Važne stvari za Brgud i Brgujce by Željka
Za se prigovore, pohvale, predloge ili bilo ča drugo ča van rabi, javite se na: zeljka17brgud@hotmail.com
Sada ste ovde:
Naša crikva i del sela
Del Brguda-slikano ziz aviona
Del Brguda - slikano ziz turma
Brgud va snigi, ča ni lipo?!
Opet snig
Malo proljeća
Ono po čin smo najpoznatiji - BRGUJSKI KAPUZ
Stara brgujska kartulina
Stari brgujski oltar
I sami znate da smotra vina bez Brgujci nebi bila prava, tako smo i ovo leto šli malo ziz one "druge" strane Učke. Zmočili smo se, oblatili, ma nismo se žalili, za pravu feštu more se čuda tega potrpit. A to je još jedan dokaz da Brgujce niš ne more frmat, ni daž, ni snig, ni niš!
Evo, da ne mislite da samo feštamo, mi držimo i do naših Vazmenih običaji. Tako je naš vlč.na Veliki četrtak ministranton „opral noge“ isto kod ča jih je i Isus opral apostolon. Na Veliki petak održali su se obredi, a na Veliku sobotu; blagoslov ognja, sviće, vode i hrane za Vazmeno jutro. Isto tako, sobotu je cel dan bil otprt Isusov grob na kin su stražarile mlade snage Brguda – naši ministranti. Tuliko od tega, pa pogljedajte malo slike! I još jedan put, sretan Vazam!
Drage Brgujke, Brgujci i si ljudi dobre volje ki čitate ovaj blog, prišlo je vrime Vazma, vrime kada se si parićivamo za naš najveći kršćanski blagdan. Ne triba puno tega pisat, saki neka se za Vazam parića onako kako to osjeća, kako misli da je najbolje. Želimo van da va svojoj familiji, okruženi ziz van dragin ljuden va miri dočekate Dan Isusovega uskrsnuća!
Matija i Željka
Evo, pust je finil, Vazam je pred vrata, a ono ča se je najviše čekalo od kada je finil pust - to je Planica! Mislin da nikemu ne triba posebno objašnjavat po ča se gre na Planicu!
Za feštu- Brgujci su vavik tu. Tako smo se i ovo leto dogovorili i organizirali kurjeru, muziku, pijaču, puno dobre volje... Sobotu, za one ki moru najveć zdržat počel je „Planica party“, početak fešte (ka nan nikad ni ne prestane) , bilo se je va Fiorini, Tini i kadi se je arivalo, a na 5 ujutro našli smo se na stanici. Niki se je komać stal, a niki je već bil „pod gason“. Kurjera je krenila, parićana za najveću feštu va Sloveniji. Kadi god smo se frmali, napravili smo feštu – onakovu kakovu samo mi moremo! A na Planici - odličan štimung, kantalo se je, plesalo, pilo, zafrkavalo... Nima se tu ča jako reć, prava fešta i to je to! Za nazad, kad smo se vrnjali va najliplju državu i najliplje mesto na ovin sviti, tribalo je ča i pojist, pak smo se frmali na večeri. A fešte ni tu ni falilo! I onda, mesto kadi smo ko doma – Fiorin! Zakantali smo, zaplesali, popili ča i pomalo se parićali za doma. Dug je bil ovi dan, ki bi se više puti va leti tribal ponovit. Neka je žal onemu ki ni bil!
Evo malo slik,a bit će još tega!
Drage Brgujke, Brgujci i si drugi ki čitaju ovaj blog, evo,malo obavijesti!
Sako drugo leto održava se "SUSRET HRVATSKE KATOLIČKE MLADEŽI". Ovo leto čast domaćina pripala je gradu Varaždinu i Varaždinskoj biskupiji. Gre se sobotu 26. i nedilju 27.aprila. Bilo bi lipo da se i Brgujci odazovu i da još jedan put pokažemo kuliko nas je. Se informacije najdite na
službenoj stranici. Zainteresirani neka se jave na blog ili velečasnemu!
„Prišal je h Matuljan voz kapuza, voz kapuza brgujskega…“ tako se je od vavik kantalo o kapuzi ki je prihajal na Matulje ziz Velikega Brguda.
Po čin je to brgujski kapuz zaslužil tako veliku čast?!
Brgujski kapuz je črljeni kapuz, trdih velikih glavic ki raste samo va velikih, dubokih brgujskih dolci. Sije se va Josipovskoj šetemani, na otprtoj njivi, a onda se presajiva ručno ziz prližon, od Ivanje do Petrove, kada se čeka veliki daž – biju naši nonići rekli – kapužnjar. Taj naš kapuz je otporan na bolesti i štetnike, tako da ga se ne šprica, a njiva se gnoji samo ziz stajskin gnojen, pa moremo reć da je stvarno «ekološki». Kapuz se je kiselil i još se vavik kiseli, na stari način – va velikin drvenin čabri. Na dno se staviju glavice ke se posipaju ziz krupnu sol, na glavice se stavlja naribani kapuz i dobro se napešta, i tako do vrha. Se to se dela va pravoj brgujskoj konobi, kadi se i čuva priko zime. A kada je kapuz kisel, najbolje se parićiva kisel ziz palentu kumpiricu, u joti, na padelu ziz suhin meson ili kobasicami i na salatu. To je bila težačka hrana, a i danas ju si rad vide na stoli.
Mi, mladi Brgujci smo se organizirali za spas tega našega kapuza. 2006. leta na dan Sv. Kuzme i Damjana, naših velikih zaštitniki, “napravili” smo “PRVU BRGUJSKU KAPUZIJADU” . Povorka je šla ziz muziku po celin seli do Tišljarovega saliža, kadi je bil održan celi program: ribanje, mašćenje i kiseljenje kapuza, ziz starin orudjen i ziz pravin vozon kapuza kakovega su vozili naši nonoti. Bila je degustacija, da ljudi provaju kako to Brgujci delaju i kakov je to naš kapuz. Leta 2007. bila je i “DRUGA BRGUJSKA KAPUZIJADA” na koj se je održalo i proglašenje najdeblje glavice kapuza. I matuljski načelnik, gosp. Bruno Frlan prišal je vidit ča to mi delamo ziz našin kapuzon. Nadamo se da ćemo ovu tradiciju držat još čuda, čuda let!