Pregled posta

Adresa bloga: https://blog.dnevnik.hr/velikibrgud

Marketing

Planica

Evo, pust je finil, Vazam je pred vrata, a ono ča se je najviše čekalo od kada je finil pust - to je Planica! Mislin da nikemu ne triba posebno objašnjavat po ča se gre na Planicu!
Za feštu- Brgujci su vavik tu. Tako smo se i ovo leto dogovorili i organizirali kurjeru, muziku, pijaču, puno dobre volje... Sobotu, za one ki moru najveć zdržat počel je „Planica party“, početak fešte (ka nan nikad ni ne prestane) , bilo se je va Fiorini, Tini i kadi se je arivalo, a na 5 ujutro našli smo se na stanici. Niki se je komać stal, a niki je već bil „pod gason“. Kurjera je krenila, parićana za najveću feštu va Sloveniji. Kadi god smo se frmali, napravili smo feštu – onakovu kakovu samo mi moremo! A na Planici - odličan štimung, kantalo se je, plesalo, pilo, zafrkavalo... Nima se tu ča jako reć, prava fešta i to je to! Za nazad, kad smo se vrnjali va najliplju državu i najliplje mesto na ovin sviti, tribalo je ča i pojist, pak smo se frmali na večeri. A fešte ni tu ni falilo! I onda, mesto kadi smo ko doma – Fiorin! Zakantali smo, zaplesali, popili ča i pomalo se parićali za doma. Dug je bil ovi dan, ki bi se više puti va leti tribal ponovit. Neka je žal onemu ki ni bil!

Evo malo slik,a bit će još tega!



Post je objavljen 17.03.2008. u 19:48 sati.