Putnici koji koriste javni prijevoz tijekom cijele vožnje moraju imati vozne karte koje sadrže: naziv prijevoznika, relaciju prijevoza, cijenu prijevoza. Varaždin-bus prodaje karte o kojima bi se dalo raspravljati ali ih ipak ima, dok se Vozni red ne može nigdje nabaviti. Vozači su jedini pouzdani izvor informacija o polascima i dolascima na određenu lokaciju, a ako platite informacije o voznom redu možete dobiti i na telefon 060 304 304 po cijeni od 1,7 kn iz fiksne mreže i 2,49 kn poziv iz mobilne mreže. (Obzirom na činjenicu da se političari natječu u izjavama čiji je grad jeftiniji dodati ćemo cijene informacija o voznom redu za Autotrolej Rijeka: iz fiksne mreže 1,13, i 1,95 kuna iz mobilne.)
Definicija voznog reda otprilike bi glasila ovako: »Vozni red« je akt koji sadrži: naziv prijevoznika, liniju na kojoj se obavlja prijevoz, vrstu linije, redoslijed autobusnih stajališta, te njihovu udaljenost od mjesta gdje počinje linija, vrijeme dolaska i polaska s autobusnog stajališta, režim održavanja linije, razdoblje u kojem se održava linija, te rok važenja voznog reda.“ (Izvor: Zakon o prijevozu u cestovnom prometu).
O toj problematici pisao je „Klopotec“ u "Varaždinskim vijestima", br. 3291, 30. siječnja 2008.
Vozni redi
Več dugo nisam ništ pisal o našim varaždinskim busekima na koje smo se več vsi polahklo priviknuli i koje gotovo saki dan koristimo. Istina, i dalje mumlamo i prigovarjamo, kajti firma čiji su buseki baš i neče preveč poslušati naše predloge i primedbe. A moram reči kak su mi se žalili više put prijateli da bi več jemput trebalo se znati koja linija kam vozi, gdi je koja bus-stanica i gda na koju stanicu buseki dohajaju. Mislil sam da to i nie baš tak jako važno, kajti si ljudi koji buseke svakoga dana trebaju, fletno zapamtiju ono o čemu ja govorim, ali nije baš čist tak.
Najme, i ja sam se uveril da to ni baš tak jednostavno. Na priliku, jeden dan trebal sam oditi k prijatelu koji stanuje tam negdi na polovici Brezja. A jerbo svojega auta nemam, biciklina ne vozim, taksi mi je preskupi, velim sam sebi - idem se lepo prepelati z gradskim busekom, jerbo pet kuna se bu našlo za tam i tuliko za nazaj.
I vputim se ja na onu jenu od glavnih busekovih stanica, tu na Trgu slobode polek farne cirkve. Istina, nigdi više niti tu ne piše koje vse linije sim dohajaju i gda kam pelaju, ali navek se najde putnikov koji buju nas neznalice informerali kaj nas zanima. Tak sam saznal da se prama Brezju morem dopelati ako idem z četvorkom do kapelice Svetoga Roka, a onda dale prema Brezju pešice mi više ne bu jako dalko. I tak sam napravil i došel kam sam nakanil. Je, ali kak onda nazaj?
Ona četvorka je odišla prama Kučanu, pak vse naokrug do trgovine Pevec i kroz Svilarsku vulicu nazaj na Kolodvor. A koja linija vozi kroz Brezje prama gradu - bilo je pitanje koje nisam imal komu postaviti, dok se nisam domislil skočiti do najbližeše birtije, gdi se bu zasigurno našel netko ko mi bu znal rastumačiti (a ako naletim na kakšnoga prijatela, još bu opala i koja runda). I bilo je tak. Veliju mi ljudi gdi je stanica buseka koji pela vse okolo pak kroz Turčin nazaj vu Varaždin, ali baš je na moju nesreču malo prije odišel!? No, da skratim pripovetku, naletel je jeden prijatel z svojim autom i dopelal me do grada. Istina, na šanku me je koštalo više nego taksi, ali mi ništ nije bilo žal!
A sad si vse nekaj premišlavlem, kaj je zaistinu tak jako teško i komplicerano naštampati jednu malu knižicu z linijama, štacijama i voznim redom? Ako Grad, a to smo vsi mi građani, sufinancera buseke, onda bi se moglo najti i još malo penez za odštampati takšnu knižicu. Na priliku, nekaj slično kak je ona "VaraždIN", čist mala knižica koju sakoga meseca štampamo z kulturnim i športskim programima, i drugim informacijama koje čoveku navek dobro dojdeju, a deliju se zabadav. A mogla bi se takaj takšna slična knižica - z kartom Grada i okolice, z voznim redom i linijama i stanicama busekov - naručiti baš od našega "Varaždinca", koji je več dvaput štampa! i veliku kartu grada Varaždina, a zabadav su ju dobili vsi čitateli...
Razmem da oni koji se stalno pelaju po istoj liniji nemaju takšnih problemov. Ali, mi drugi koji bi se šteli voziti na razna mesta vu Gradu, a izletniki pogotovo, zaistinu još navek nemamo baš puno koristi od tih naših busekov. Najme, nije to rečemo Zagreb, gdi vse linije ideju po istim vulicama sim i tam, pak z kojom si nekam došel z tom se moreš i vrnuti. Ne, mi se vu Varaždinu vozimo v krug i ako se npr. z Hercegove vulice hoče čovek dopelati do Doma penzionera, a ja sam takaj štel tu koristiti buseka, ne bute verovali - prepelal sam se kroz pol Varaždina i videl vse moguče njegove znamenitosti, kak da sam išel v razgled Grada z turističkom linijom!
Zato, prosil bi nadležne, dajte več jemput štampajte toga voznoga reda, povečal bu se promet i putniki buju zadovolneši nego kaj su sad. Bil bi to morti mali korak za Varaždinbus, a veliki za javni gradski prevoz, da citeram prvoga astronauta na Mesecu...
Vaš Klopotec
|
