| < | ožujak, 2006 | > | ||||
| P | U | S | Č | P | S | N |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
Listopad 2025 (1)
Rujan 2025 (1)
Siječanj 2025 (1)
Prosinac 2024 (1)
Listopad 2024 (1)
Rujan 2024 (2)
Siječanj 2024 (1)
Prosinac 2023 (1)
Listopad 2023 (1)
Rujan 2023 (2)
Svibanj 2022 (1)
Ožujak 2022 (1)
Siječanj 2022 (1)
Studeni 2021 (1)
Rujan 2021 (1)
Kolovoz 2021 (1)
Lipanj 2021 (2)
Svibanj 2021 (3)
Travanj 2021 (2)
Ožujak 2021 (4)
Veljača 2021 (13)
Siječanj 2021 (16)
Prosinac 2020 (1)
Studeni 2020 (1)
Listopad 2020 (1)
Rujan 2020 (1)
Kolovoz 2020 (1)
Srpanj 2020 (8)
Lipanj 2020 (4)
Travanj 2020 (1)
Ožujak 2020 (1)
Veljača 2020 (1)
Siječanj 2020 (3)
Lipanj 2019 (1)
Ožujak 2019 (1)
Siječanj 2019 (1)
Listopad 2018 (1)
Ožujak 2018 (1)
Travanj 2017 (1)
Veljača 2017 (1)
Siječanj 2017 (2)
Travanj 2016 (1)
Siječanj 2016 (1)
Srpanj 2015 (2)
Veljača 2015 (1)
Siječanj 2015 (1)
Rujan 2014 (1)
Srpanj 2014 (1)
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
Opis bloga
O autoru bloga:
Mladen Smud
Mjesto stanovanja Velika Gorica
Starost 70 godina
Otac četvero djece i djed pet unučica i dva unučića
Hobby - Go, drevna kineska igra
Duhom mlad, kao da se još ni rodio nije i često se pita: 'Jesam li uopće?'
Životna filozofija - jedinstvo svijeta po Gospodu
Životna snaga - ljubav (tako on to misli)
Godine su da se broje, a život nama je darovan
Ovaj blog otvorio je za dušu. Život mu je darovan i on ga s ljubavlju daruje djelima Gospodnjima po Gospodu.
Religiozan nije, ali vjeruje iskreno do viđenja uz hvalu za postojanje
U životu on ništa ne posjeduje, mada se ponešto i piše svijetom na njega
Zahvalan za život i darove po Njemu.
Na putu iz vječnosti u vječnost
Sve vas voli i one koji razumijete, a i one koji ne.
e-mail: mladen.smud@gmail.com
Čuka
Linkovi
Blog.hr
Forum.hr
Monitor.hr
javascript:%20void(0);
annaboni
Auroraisa
Bugenvilija-foto
Bugenvilija-text
danila1
deni(daniel
Dordora2
duliba
EuM
fra_gavun
Go-misaona igra
gogoo u prirodi
gustirna
hajjnezir
ima jedan svijet
kapi sreće
maslačkove zbirke
(Norra
OTISAK srca
preživjeti
promatram, razmišljam
rijeke žive vode, potecite, neka Duh se razlije...
sewen
Smotani
sven adam ewin - superfaca
... šok ...
Trill
Vatrene vijesti
Voljela sam umjetnika
Zagora
alba-istriana
anaris
kicker
mamablogerica
modrinaneba
novipocetak50
nutrina
proziran svijet
soba za utjehu
sv
tayana
tvrtkodolić
zlatnazitnapolja
Zanimljivo
Na rubu znanosti
Posjetili ovaj blog od 06. 01. 2020.
pri_Mladenu
Na kaj buju došli i jel uopće buju?
- 14:33 -
Komentari (6) -
Isprintaj -
#
Sve se ovo nekak menja i razvija. Sve tak, kaj je tak i trebalo biti, radi onoga od čega je i nastalo. Nekak, a zapraf ni zmislit se nemram kak i zakaj, se živeti počelo. Veliju neki da negdar davno na zemlji ni života bilo. Neznam, jel je praf verovati vu to, kaj tak veliju. Recimo da je, da ga ni bilo. Počelo ga je biti. Tak, radi nečega valda. Valda ne bez veze. Kak si mislim nemre nekaj od ničega nastati. Morti i more, kaj ja znam, al kak vu glavi si zbirem , se počelo radi nečega živeti. Valda je to i puno stvari kaj se skupilo, da bi tak bilo, a sve to v moju glavi stati ni moči. Valda radi toga to ni nemrem razmeti. Na koncu, sve kaj si mislim, je nekak šeprtljavo, kaj nemrem točno znati kaj je. Je preveč stvari zakaj nekaj je, a tomu svemu mesta vu moje glave ni. Reči bi štel, da je život od nekud krenul se razvijati. Vu života je zanimlivo meni to, kaj život je kak nekaj, kaj se događa i to događanje se nastoji ne prekinuti. Kad bi se prekinulo, nebi moglo dalje. Vu tome događanju se to treba onda čuvati. To bi bilo kak da je događanje glavno. Da bi se nekaj događalo i kak događanje bilo, trebalo bi imati razloge i uvjete. Tak to meni zgledi. Če očete da vatrica gori, bi trebalo imati nekaj kaj bu gorelo i nekaj zakaj bi gorelo. Tak, da bi vatra bila, je treba već od prije biti, kaj bu ona bila od toga kaj već je. Na početku se bu od nekud iskra donesla, a to je kak da ste vatru donesli. Su svi uveti za nju v toj iskri. Sam tu vatru zel kak primer, da se ima nekaj kaj se događa, a to se pak čuva da bi bilo. Obično to čovek dela, ali i ne. More biti da vatra sama sebe čuva. Ste vidli kak je to z vatrama vu šumama (vu huste bi rekli). Kad vatra jako gori i sve zgori je z njom fajrunt. Bi čovek rekel, kak je bedasta bila. Da je gorela po malo, navek bi mogla biti. Tu se samo pitam: 'Jel vatri uopće do toga da traje?' Kaj da je sretna kad sve zgori. Meni to bez veze zgledi. Nastane samo zato, da čim prije nestane. Mi životinje smo kak vatra, al vidimo da i ne baš tak. Si ti kak vatra? Ne, kaj ne? Vidiš kaj je za goreti. To je klopa, zrak, pa i voda, kaj po malo gasi da ne plane prejako. Se vidi da je dobro, da ne gori prejako i da se ima nekaj zakaj bi se i posle moglo imati života i z njim i nas životinja. Da bi to moglo trajati, treba i videti po čemu to trajati more. Si čovek hižu sazida. Si čovek grunta ima i dela na njem. Si čovek familiju ima i čuva. Si čovek dost toga dela, da bi bilo i dalje živlenja i nas životinja. Tak lepo sam spropivedal da pripremim ono kaj reči bi štel. Neki od vas decu imate, al sigurno ste deca nečija. Su brinuli o vama i voleli vas. Voliju vas još navek, kaj ne. Dečicu volite i hoćete da sretni buju, jelda. Bute i vnuke imali. Morti ih već i imate. Da Bogek da, da buju sretni i dugo i dobro živeli. I ja tak hoću, da im bu, svima. Sad bi se štel vrnuti na ono o vatrami. Da bi život dural treba čuvati ono po čemu on more durati. I ne samo durati, nek da to bu s radošću i srečom. Tak se štima. Al, najte misliti da je to tak za navek i da je sve baš tak zrihtano da to bu tak, ma kaj got delali. Smo tak (oni prije nas), zmišlali sve više napravih z kojima smo si pomagali. Smo hteli da nam bu bolše i lepše. Kak je lepo si legnuti, noge v križ deti, pivica sa strane, telka dela, daljinski v ruku i celi svet je vaš. Ha, ha! Kak se sve to lepo poštimalo i zmislilo. Sve sami gumbi. Veš mašina dela, pa i suši. Su pametni ljudi svega zmislili. Još malo pa niš delati nebu trebalo. Bumo samo tu da bi uživali. Je prešlo fajn leti. Neki veliju eoni. Navek se delalo da bi se bilo, a sad su kakti rajska vremena, kaj delati skor i ne treba. Da bi delali su nam ruke trebale, noge i sve tak. Tu je bilo potrebno i ono po čemu smo mogli opstati, kaj svak ni bil tak dober da bi za navek bil. Su se trebali i novi roditi. I tak starejši ne delaju samo za sebe, nek pripremaju ono po ćemu buju i oni novi mogli biti. To su sad deca, pa vnuki, pa sve tak po redu. I sve to je došlo i do toga da se sve manje delati treba, a za opstanak, ti vrapca, to se bu delalo, kaj je razlog pravi. Se to eonima zrihtalo, da bi život opstal po jakom osećaju zadovoljstva. Nekak je to najjaći osećaj, kaj se nasledstvo dela. I ni to zbog nasledstva, nek kaj je to fino. Se život tak prikril i osigural si opstanak. Vama lepo, a život opstane. Koja finta!?!? Zamislite, najlepše je decu delati. To skor svi imaju, al onih kaj s ljubavi i brineju o deci, je već nekaj manje. Život još ni 100% zrihtal da bi čovek i tu imal uživanciju. Ipak je po onih koji svoju decu voliju. Tuđu već malo manje ili skoro niš. Vnuke isto buju voleli će doguraju do taga da dedeki il bakice postaneju. E, do čega sam došel. Deca kak del vu sistemu opstanka živlenja. Čovek brine o sebi, da bu mu lepo. Brine o deci da bu im lepo. Brine o vnukima da bu im lepo. A, dalje? Si razmišla, i to morti, kaj buju to brinuli oni drugi. Vam se kad dogodilo da vam je sused svoje smeće vu dvorište hitil? Vam se dogodilo da je sused zgradil dvorac kraj vaše male hižice, da ni sunca videti nemrete? Se vam morti dogodilo da vam je sused napravil pravu malu tvornicu do vaše hiže i sad svaki dan dimi s nekim kemikalijama? Pa čujte, ni on imal kam ni kak drugače. Se razvijal. Pa i vi se razvijate. Pred 50 let niste televizora gledali. Je neko to trebal napraviti. Su tam, gde se to dela, neki ostali bez friškog zraka. I nije to samo za televizore, nek sve po malo. Znate da ova naša zemlica ni beskrajna. Je ima tolko kolko je ima. Ni više, ni manje. Se milijadrih letih tak vrti. Je bilo livadih, cvjetja, ptic, živinih i svega po malo. Je priroda bila. Je med živinih bila jena vrsta, kaj je počela mislit da je Boga za bradu vlovila. Kaj si sami nebi zrihtali, da im bu još bolše. Se počelo, malo po malo, sve uzimati. 'Bu nekak', su neki mislili, a oni drugi niš mislili nisu. Samo da bu čim bolje i čim više. Su plakati se metali, kaj se ljude uveravalo kaj je dobro, a dobro je bilo samo to kaj se prodati štelo. Su ljudi, malo po malo to dobro i imali i nekak sretni bili, kaj su kakti moč osetili. Kaj da su prvi do dragog nam Boga. I sve tak sami po svoji glavi delaju. I sve to po čemu se to bogatstvo delalo je negde biti trebalo. Su prvo dimnjaki sve više v nebo išli. Čim su viši, je cug bolji. Sve je po pameti bilo, skor. Autekih sve više. Noge skor da nam ni ne trebaju. Pa čak skor da nam ni pluča nisu potrebna, kaj još malo nebumo imali ni kaj dihati. Za jesti bu bilo. Bumo skoro i čavle jeli. Se malo samo promenimo, a ni to nebu problem, kaj bumo z promenom gena sve to zrihtali. Kak ne, pa kak takve živine smo se razvili u 'vodeću' vrstu. Velimo da nas je Bogek zbral za to. Da, to tak mi velimo i delamo dalje isto, pa čak i još gore. Smo se već i navikli. Glečte sad to z malo još drukše strane. Da vam bu dobro, se o tom brinete. Štitite se od onoga kaj vam ni dobro, kak si to već mislite. Brinete o deci, a oni buju kad narasteju brinuli sami o sebi. Se pitam ko brine o onima kaj se buju rodili za 100 let? Znate kaj? Vi bute rekli: 'Bu već neko. Pa buju imali svoje starejše.' Ak, tak mislite ste baš pametni, kak i cela ova naša vrsta živin. Kaj ne vidite bedaki, da baš sad uništavamo ono kaj bu njima trebalo za živeti. Sram vas bilo skup z menom. Zato vam to i pišem, kaj me sram. Si bi najrajše plahte hitil prek sebe i vrit prešel. Bogek dragi, zakaj smo takvi da samo na sebe mislimo. Decu delati, a brinul bu već neko. Sam se malo znerviral. Ste me trebali videti kak sam lupal po jadnoj tastaturi. I nju su napravili negde vu nekoj tvornici. Su se bokci susedi već navikli na nju. Ipak naj mi oprostiju, kaj i ja delam z njom. Znate vu svemu ima neko komu fala treba reči, pa makar ga i ne vidite. Ja naprimer kad završim satove goa sa decom vu školama i kad skor sam ostanem vu učionici, na kraju, vtrnem svetlo i se lepo naklonim praznom mračnom razredu. Navek to napravim. Znate, ni pamet nekaj velkoga, da bi sveta razmela, al neko je ipak sve to napravil. Moj duboki naklon. Većine njih već ni, al je to tu. Gdo je taj kaj brine o življenjima onih kaj buju tek došli. Oni nemreju to. Gde buju njihove šume i livade? Gde buju sve ove vrste živin, pa nismo mi jedina, a i našoj baš ružice ne cvateju. Jel vidite da treba i na njih misliti. I voleti ih. I oni buju prek mamicih svojih sveteka ugledali, al ak mi sada to dozvolimo. Najte biti suci i izvršitelji onoga kaj ni po ljubavi. Najte sve sebi zeti. Najte sve kilometre potrošiti. Najte svu pijaču popiti. Najte sva zadovoljsta zgoreti, kaj vam do ničega više nebu. Najte sve bitke zgubiti, a da si mislite kak ste pobednik. Zemite si svaki dan, ak morete, koju minutu, da si pomislite na one kaj buju došli. Oni su sada bespomoćni i jedina snaga ste im vi, kaj po vama buju prek narednih kolena i došli tu. Naj ti naši dragi maleni dojdeju na ovaj lepi svet. Svet ljubavi, a ne posjedovanja i uzimanja, i zadovoljstava bez obveza i odgovornosti. Prijatelji dragi, sve se to v gene rihta. Dajte šansu ljubavi za život. Prijatelji dragi ni to baš tak kak nam zgledi. Malo smo se svi nekam požurili, a razvoj života i promjene po prirodi nejdeju tak brzo. Lahko se štrajfa vu te brzine i v grabu zleti. Na toj cesti su i dečica koja tek došla buju. Da ne pripovedam o drugim oblikima živlenja. Znate da vas volim, samo ajmo svi skup malo promeniti neke stvari. Znam, oni kojima sam ovo pisal ne čitaju blog. Vi ste OK, valda. Al da se ne pokvarimo dajmo koju minuticu onima kaj buju došli, a još nisu tu. Lepo vas pozdravlja i voli Vaš Mladen |