Sićan se šjore Kate koja je govorila da joj je najdraži svetac "tri kralja", jerbo je to jedini svetac koji jema šest jaj.
A i meni je od svih svetaca nikako u zadnjih 7 godin najdraži baš ti dan 06.01., ne zbog jaj ka šjora Kati, nego ča se na ti dan prin sedam godin rodila moja Kike. E danas joj je bija rođendan. A kad je ditetu rođendan onda se jema dva rođendana u isti dan.
Prvi je oni za starije u uru o obida, a onda popodne oko pete ure gre oni za dicu. Tako je bilo i ove godine. Prvo smo za obid profeštali s babama i didama.
Ja san bija zadužen za gradele. Ovi put nisan pritira :)
Prvo je bilo par tura ovega…
pa onda par tura ovega…
pa na kraju ovega…
I taman kad smo se nabubali i nabumbili, zasladili kolačima i razmantali sa kavom, počela je dolaziti njena ekipa. A cike, a vike, a plesa, a đumbusaaaaa…
Dunkve, neka nama naših tri kralja, sveca od šest jaja.
|
