Evala dragi moj svitu,
Moran notat ovdi čagod da ne mislite da je baš sve tako kako moja milkica misli u svojoj preplašenoj glavušici. Znan da su u straju velike oči, znan da ko se jednon opeka i na ladno puše…
Raspravljan s njon jučer o temu. Ona drži da je boje spričit nego ličit. Ja opet da to ni to. Navodin jon dokaze da san dobro:
- gren na đimnastiku 3 puta sedmično
- lakiran nokte, piturajen kosu, gren u frizera
- izađen često posli posla da onu uru vrimena prid zalazak sunca uvatin
- poslala jon čak slike sa malog vijađa od ove subote
- (a neke stvari ne moren sve ni reč)
To ča me ni voja stalno visit ovod…ma to ni znak da mi ni stalo do druženja s vami…pun mi je k…ufer teknike, bole me više leđa od sidenja, oči od zurenja, ruka od pisanja!
To ča san štufa posla…oli je to nenormalno nakon svi ovi godin, nakon brda sranja u ovoj zemji?!
Ma …oli ne mogu i ja jemat jednu malu digresije ka svi ostali? Moran li trkat u dotura po potvrdu samo da nju umirin?
Puberteta u ono moje davno vrime ni bilo, trudničko doba prošlo brez problema, oni ženski PMS ne znan ča je …oču i ja jemat svoje doba od mušica!!!
Pa je'l mogu sad makar zaradit lipi klimaks???
|
