čitan pa se čudin… svi danas navalili na ovu temu… gospe blažena, ka da smo se svi vrnuli u pučku skulu…
učitejica ulazi razred…-zdraaaaaavo … ustajemo iz klupa
(ne znan kako danas dica pozdravjadu svoje učitejice…i da li ikako pozdravjadu…znan jedino da danas nisu drugarice vengo gospoje učitejice)
-dico, danas je prvi dan jeseni i danas ćete pisat zadaću s tin naslovon…
ajme užasa pisat na zadanu temu…pa još neki dan smo pisali kako smo proveli litnji raspust !!!
uvik san više volila one kontrolne di bi drugarica učitejica zadala par tema…moja bi uvik bila ona zadnja, kad bi joj ponestalo dostojanstvenih i pametnih ( hm, da pametnih ) naslova …
i nikad ne bi bila sigur jesan li promašila naslov oli ću dobit peticu…uživala san u toj neizvjesnosti-kako će ona svatit moje nebuloze…nasriću, redovito san bila svaćena
ma ča se uvik ima iznova pizdit o istoj temi ?
čudna mi čuda!!!
svaka jesen svake godine počinje istog dana na ciloj zemaljskoj baloti…negdi dojde pri negdi posli, zavisi di se trenutno zatekneš…
neki je povezuju sa kišama i maglama – turobne duše
neki je vide u orgijama žestokih koluri lišća - umjetničke duše
neke asocira na pripremanje zimnice - domaćinske duše
nekima je to jednostavno kraj lita – nemaštovite duše
i ča se tu jema više drobit!!!
|
