| < | kolovoz, 2004 | > | ||||
| P | U | S | Č | P | S | N |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
|
Kako se zna da će uskoro i ta moja selidba, počela san mislit i o konkretnin stvarima...Eto, danas bila u moju butigu u ulici di svaki dan kupin kruv i di koju sitnicu... i pade mi šaka prosušeni usoljeni bakalar...inače ga kuvan ona dva puta u godini, a i to koji put preskočin jer ga pojeden vanka kuće...ovi me zaintrigira ča nije suv ka papar i nemora se mlatit po njemu i sve one predradnje kako to ceremonije nalažu... E, i tu mi pade napamet da sa čin ću ja počastit jude za useljenje...tila bi nešto domaće, a za puno se ne zafrkavat, nešto izdašno, al i za prste lizat... Navratit će tih dana i pojedinačno dragi judi...tila bi da za svakoga bude zasluženi tretman...ja volin kuvat kad iman za koga, ča više to žešća inspiracija... Eeeee, u subotu mi dolazi moja milkica, kako ono reče neko - Kašeta junior... i već mi poručuje da se ne lomin sa kuvanjem i da nima prežderavanja jerbo nju oma zaboli drob...sirota moja, ja navalin sa spizon, ona ne može odolit...a tamo se rani sve nekin povrćen i salatama... Još očekujen i jednu virtualnu positu na ovi blog, a čovik voli burek...i to je oni s meson, a ne siron ča se ovdi sve isto zove... sve su pite - pite samo je burek - pitac (ovo će sad potvrditi Mirza, sigurno) Žurila san i pri pisat, al mi ser(v)er izia...i tako me natira da pišen o spizi... Molin da mi savitujete ča da spremam judima...unaprid se zafaljujen. |
