Svemu, i lipome i grubome, dođe kraj, pa tako i litu, ne misleć pri tome na samo na godišnje doba, vengo na „Kaštelanko kulturno lito“.
Sinoć je bila zanja prestava u Mašogradu, za koji dan će se i službeno zatvorit.
Fale vridna manifestacija ... jer bi teško jema prilike u moje malo misto gledat, bome i slušat, i Kseniju Prohasku i Cabaret 'Splićanke' GKM-a iz Splita, da nabrojin samo ove ča san bija povirit, a bilo je još dosta toga ča nisan prispija. Ili mi se samo nije dalo poć 
Iz isti ili slični razloga nisan se baš puno ni daleko maka ovo lito. Najdalje san se mašija u Vodice ... ali zato san, zahvaljujuć dobrin ljudima ka ča su Sandra, Julija, Helena, Matija, Ljubo, Danijela, Željko i Nives obaša dobar dil Lipe naše, pa priko Europe u bližemu i daljemu susidstvu, sve do Amerike.
Večeras san bija povirit „Večer glendi i batudi“ ...
... predstava omnibus/mozaik ili kako se to već reče, di su u prvome dilu dica izvela mali igrokaz „Nije u šoldima sve“ ...
... pa su najmlađe učesnice/plesačice željno očekivale svoj nastup ...
... da bi, skupa sa starijima, otplesale „Kaštelanski ples“ ...
... a nastupila je i naša mala zvjezdica Lana Rubelj, u glazbenome dilu večeri. Sućurac, koji bi bija napunija i tri „Gospojske štrade“ da je bilo mista ...
... pokaza je još jedan put da je gladan ovakvi prestava, nastupa, domaće beside ... ča se najviše pokazalo sa dolaskom zvizde večeri, našega Žutoga. U maniru Davea Alana ... pričajuć stare i one malo manje stare sućuraške batude (šale, za sjevernjake) ... one koje smo čuli više puti nego „Despacito“ a i one koje čujemo po prvi put.
Meni ga je uvik gušt slušat, a sigur san da puna Gospojska štrada velikon većinon djeli moje mišljenje. Pogotovo večeras, kad su mu "dali ruke" i glumci amateri iz Prološca, koji su se minjali sa Žutin, da malo zraka more uvatit
Još jedna, peta po redu, večer „Glendi & Batudi“ u prekrasnom ambijentu sa prirodnon pozornicon ...
... pod voditeljskon palicon, da ne rečen mikrofonon Renate ...
... isto tako i Anamarije i Marijane, i svi oni drugi ča in ne piše ime na plakatu, a itekako su doprinili da predstava uspije  ...
Ćuti se (osjeća se, za sjevernjake) skori početak skule.
Makar lito kalendarski još traje, makar je more itekako dobro za kupanje ... sad polako dolazidu na svoje oni ča ne volidu gužvu i šušur pa se volidu okupat po komodu.
Zdravi i veseli bili!!! 
|
