... da ne zamirite, i ja san, davno, obaša cilu županiju, i šire, sa mlaznicon u ruci i brentačon na kostima, ma koliko mi šutjeli o tome ...
E, i zaboravija san napisat, član sam DVD "Mladost" čin san uspija nagovorit mater da mi se potpiše na pristupnicu, od 1977. godine.
Mislija san se ča ću i kako ću, ali, nimaa mi druge, prvi i, kako sad stvari stoju, zadnji (jer više neće bit prilike!) put da mi je izbrisan post sa Sućuračkoga Portala ... mora san ga negdi stavit ... pa prosudite sami ... većina vas, štovani posjetitelji moga bloga, jemala je prilike čitat ono ča san pisa na Portalu ... na kojemu, po svemu sudeći, više neću pisat. Portal je @gregorov, i on ima apsolutnu vlast na Portalu, ali ni ja nisan mulac iz osnovne ...
Ajme lipoga naziva pisme ... a i slaže mi se sa imenon na Portalu.
Dunkve, ovod san od samoga početka ka član, a već niko vrime i ka admin.
Portal svaćan ka svoju „domaću“ stranicu. Pisa san uvik iz duše. Ono ča san smatra da mogu i da je pametno napisat. Jer neke je stvari ipak pametnije primučat. Nastoja san se tega uvik do sad držat. Ljudi jemaju neke svoje principe i granice, i mogu, neki manje neki više uspješno, kontrolirat svoje nagone. I po tome se razlikuju od beštija.
Puna mi je kapa otkrivanja teple vode i „je li pri bila kokoš oli jaje“ jesu li pravi „ustaše“ oli „partizani“.
Ponavljan, pisa san ono ča san smatra da mogu i da je pametno napisat. I neki svoji principi san se nastoja držat. A jedan od nji je da ni PRIJE ni SAD ne pišen i ne komentiran, ni pozitivno ni negativno, o „terini iz koje jin“. A sad me se zbog toga proziva za glupost, nedostatak hrabrosti, što li ...
Ljudi imaju neke svoje granice, bliže ili dalje, neki imaju kraći, neki imaju duži fitilj.
Nije baš da mi moredu tuć orije po glavi, ali mi je stvarno teško dignit tlak. Fitilj mi je prilično dugačak, ali nakon nekoga vrimena se opasno približi kraju ...
Mislin da mi je najveći grij ča pišen iz duše. Možda ne napišen baš sve ča bi moga napisat (glupost?) ... ali ono ča napišen, iza toga stojin. Niko mi to nije šapnija da napišen, a nije da nisan moga i tako pisat, kod nikoga nisan odija po svoje vlastito mišljenje, i obećanje da ću nešto napravit mi je svetinja, makar i na vlastitu štetu.
E da, da ne zaboravin napisat još jedan modni detalj, NE BUMBIN. Pa mi se ne more dogodit da trizan pišen jedno, a kad san malo manje trizan da napišen nešto sasvin drugo.
Ne, neću sad ka @pečina činit teatar oko svoga odlaska ili ostanka na portalu. Ne živin od kontreštavanja, pijenja tuđe krvi, oli soljenja pameti, ka neki.
Ne mislin ni izigravat moralni autoritet, jer nisan bezgrešan, ka ni svi mi ... ali, nešto me kopa ... ča meni sve ovo triba?
I sve teže nalazin odgovore na to pitanje.
Na nečiju radost a na nečiju žalost.
@gregore, ako ti smeta moje pisanje, izbriši me ... a ako me nećeš izbrisat, onda poštiji ono ča ja napišen isto ka ča i ja poštijen tvoje!
Ja toliko!
... pa prosudite sami ... većina vas, štovani posjetitelji moga bloga, jemala je prilike čitat ono ča san pisa na Portalu ... na kojemu, po svemu sudeći, više neću pisat. Portal je @gregorov, i on ima apsolutnu vlast na Portalu, ali ni ja nisan mulac iz osnovne ... 