Zidem ja iz busa, kad čujem kak neko glasno izgovara nekaj poput onoga kak mene zoveju. Vidim trči Robi. 'Bok Robi. Kaj u klub na go?', pitam. 'Da.', je bil odgovor. Idemo od Importanea na Kolodvoru do Trga i pripovedamo o svačemu. ( Ono z velkim slovima za kolodvor i trg sam del, jer se misli na točno određeni kolodvor i trg. Jel praf?) Tak on mene pita: 'Striček Mladen, kaj ste vi završili filozofski faks?'. Ga, kakti, nis dobro čul, pa sam onak načulil vuho i pital ga da mi još jemput veli kaj. 'Filozofski faks, ste završili?'. Me znenadil, pa sam ga odmah pital: 'A, zakaj?'. Veli on meni: 'Pa tak nekak pripovedate, da mi to tak zgleda.' Zna Robi, 15-godišnjak, da neki ljudi znaju pripovedati tak da ih baš svi ne razmeju, a oni koji kak razmeju, veliju da je to baš nekak pametno. Pa onda svi skup takve zoveju filozofima. Sam se nekak zvlekel. 'Ne. Sam elektrotehničar.' Mi je onda još rekel da i striček Zvonko zna tak pripovedati, a ja njemu onda, da mi kaj puno go igramo, znamo puno razmišlati o tomu kaj razmišlamo, a je zanimlivo kad pripovedaš o razmišlanju i to tak da bi drugi još više razmišlali. Oni koji to tak nemreju veliju da je to filozofiranje. To moreju tak delati i neki elektrotehničari. Nek, Robač, vidim da i tebi to čist dobro ide. Si i ti nekak po malo filozof. Če te gdo ne razme, šteta, al ne za tebe, nek za njega.
Na ulazu u klub 'Velebit' sustižemo Marijana Svilca. Nutra su već Tomi i Marijanček Švarc, a tek kaj smo seli evo i Damira. Nas pet smo ti koji su danas ovde delali z kamenjem na pločama. Sam nas nabrojal šest, ali je Marijanček samo sedel i gledel. Celo vreme pripoveda kak nezna igrati i kak je sve slabši i da mu moram spustiti kyu na 22. On je kakti protiv sebe. Pripoveda kak ga na Pandi svi prebijaju. Velim ja njemu da neću, nek da sve treba ići po rezultatima. Na to on meni da bu došel v subotu na turnir v Goricu i da bu sve pogubil, pa da bum onda moral. Si sad ja razmišlam kaj je tu praf. Kaj z ljudi delaju te pobede i porazi. Furt delamo neke sisteme, a za to treba delati nekakva pravila, a to tera ljude da se po njima ponašaju, a onda nemreju biti kak bi šteli, koji put. Bogek moj, zgleda da nemre bit sve kak bi človek štel. Al navek nekak zide i nigdar ni da nekak ni, pa če se človek malo strpi dojde i ono kaj je vredu po njegvom.
Kad sam se tak lepo ufural, da velim kaj smo danas napravili.
Prvo se rasporedila četvorka i to je prvi biral Svilac i veli da hoće na mene. Mu to nekak zgledalo najobečavajuće. Če mene zmaže, evo ga na drugom mestu. Zna on za ono, ak se puno proba, jemput se i dogodi. Valda je već došlo vreme, da me krkne. Z devet fore je na početku dost dobro zgledalo, al sam ja bil dost bezobrazan. Maznul sam mu sva četri čoška, pa sam se i zgural na dve stranice. Je njemu ostal jen velki prostor, al je bil samo jen. Kad se sve pozbrojilo na kraju sam imel 62,5 poena više nek on. Opet niš. Se bu Marijan moral još malo strpiti i pričekati, da bi došlo vreme za njegvu pobedu.
Robi je pak zmazal Tomija. Se tu fora smanjila već na pet, al je i to, zgleda, nekak preveč. Ja bi rekel, da mali filozof dela svoje.
Gda sem ja z Svilcom bil gotov, mi z osmehom prilazi Damir. Već znam: devet fore, puno razmišlanja, obrana svega kaj je sumnjivo, čvrsta igra.... Bu to za mene lepi ispit. Baš nekak mi paše takvo izkušenje. I ni bilo lako. Prvo sam mu se ugural v jen čošek, al je on onda dobil jaki zid prema sredini i stranici. Ostavlam mu hrpicu kamenja, jel, ak je vadim, bi si samo veću štetu napravil. Sad on treba razmeti kaj se du događa. Zakaj ja to pušćam? Sam malo dalje probal nekak se zagroziti, metanjem kamenja, na njegov drugi kut, a sam posle na račun toga opet probal zvleči ono kaj sam prije pustil. I sve tak, kak bi ljudi rekli ni .... ni .... Je onda on primetil da bi trebal ganjati moju velku hrpu kamenja v sredini ploče. Po tom smo
obadva mislili na sličan nači. On me ganja, a ja se zvlačim. Zvlekel sam se i sad se partija počela lomiti, kaj znači da počinjem dobivati. Sam mu još prodal jednu foru za veliki kut, pa sprovrtal po stranici i na kraju 57,5 za onoga kojega poznaju imenom Mladen. Bogek moj, koja kamuflaža. Svi misliju da sam ja Mladen, a to tak oni samo mene zoveju, a ja sam taj kojeg zoveju. Jel negdo kuži da sam baš ja iza toga. Sve mi zgleda, da čak ni ja to neznam. Morti se to ni nemre znati, pa stalno tak nekaj delam bez veze.
Na drugoj ploči se već započela jedna zanimliva partija. Je Svilac izazval Robija. Tu se događalo nekaj interesantno. Kaj da velim, nek samo ovo: 'Zakaj protiv mene neće tak igrati?', komentira sa strane Tomi Robijevu igru. A Robi, iz bedastoće u bedastoću. Ga je Svilac isprebijal za velikih 90,5 poena. Bilo je to prvo penjanje na listi danas. Je Svilac sad četvrti.
Sada Tomi izaziva Svilca za to četvrto mesto. Si misli Tomi: 'Ak nemrem Robija, bum valda Svilca.' Bilo je tu i dva prednosna kamenčića. I je ga i to za 43,5 poena. Sad je Tomi četvrti.
Robiju sad krivo. Su ga obadva preskočila, pa on izaziva na revanš Tomija. Bu probal vratiti četvrto mesto, kaj ga je od Svilca zgubil. I Robi je opet prebil Tomija. Bilo je 58,5. Je bila to partija z puno kojeva. Tomi je bil slab v pretnjama, pa sve bilo kak obično je. (To namerno zmotavam reči. Mi tak lepše zgleda.) I tak nakon tri promjene mesta na listi ipak je sve ostalo kak je bilo. Su se za četvrto mesto zredali Svilac, pa Tomi, pa Robi.
Je to bila još jedna sreda. Igrali su se oni koji se i inače igraju. Nekih novijih baš i nis videl. Su kraj nas igrali beloteri i beloterice. I pri njima je bila standardna škvadra. Sve je nekak kak navek, pa kak da se niš novo ne događa i kak da vreme nekak nejde. I sve tak, gda pred špiglinom se f čudu pitamo: 'Bogek dragi, pa de nam je vreme prešlo?'.
Odigrali smo: