MOJA BRNJICA https://blog.dnevnik.hr/pegula1
srijeda, 10.10.2007.
"every family has one" iliti FAMEJA!
....ba ba black sheep have you any wool...prišuljalo mi se jutro onako,pokvareno,na prstima i onda...BANG!!! Udri po glavi i PLJUS!!! mrzli tuš odma po meni,još san spala napol!Ča ne čekaju da se prvo zbudin,razbudin,pa onda BRING IT ON!!! A ne ovako!To je taktika,znan ja!Lati me dok san nemoćna...svaka čast!Poštujen ja svaku taktiku ča nosi rezultati,ma ovo je okrutno!!!A i ni in puno pomoglo,boj ima nike stvari ča me ni polukrepanu ne moru zmantat!!! Ne!Ne!I ne!Ja san takov stvor,kako osićan,tako se držin.I da oću-,a neću,ne bi mogla drukčije.Kada god san se provala prečinjat u životu,samo bi me zabolil drob,a niš toga ni vridno.I porid toga,kako san čera rekla onome dragome čoviku ča je bil popravljat net,(i opet rano jutro,ma to je druga štorija)...ja svi živci ča iman šparan i trošin kod moje mame.Sve extra mi je puno previše i to škartiran ča brže i boje moren.I onda me vrag tenta poć počat ono ča ne moren finit!Ča je meni ovo tribalo,nać se va sridi,med tuđin kričarijama!!!A znan,z famejon je teško reć ča je tvoje a ča njihovo...baren meni.I opeta,moran onako kako mi srce zapovida...ili ću puknut!Ma jedno je,-sada mi je basta i previše i malo ću poć stranu i čekat da me pasa pa ćemo vit.Teško je z famejon!Volin ih i obožavan,ma ki put mi dojde pet do podne...i sad znan,moran se kalmat boj ko sad iden još ča govorit,morebit mi posli bude žal.Samo neka me ne tražu,umorna san.Znaju oni svi da se na mene more kontat,da ih volin,ma boje in je da me više ne rastežu svaki na svoju stranu!Ako voliš i jednoga i drugoga,ča učint ka se pokaraju...Biž glavon bez obzira!!!Ne daj se va to ćapat!Lako je to reć,ma mislin da ću se od sad toga i držat.Reci mi ča te muči,poslušat ću,ma provaću tude i stat.Neću više tu politiku va svoju butigu,ča bi rekal dragi meštar!Koliko se sićan,i njemu je poverome bilo kako i meni!on trubi da neće,a oni ga niki ne obadivaju nego,udri po poverome čoviku...I tako mi dojde deset uri i pomalo se razbudin i triba počat s poslon i obedon i sve to...i osićan se prevarena...boj san lipo mogla dat mami ist i medicinu i poć još dvi ure spat.To san sama kriva.ma isto,svako jutro ovako...kada ću ja ćapat pameti?!Ko nisan do sad...ni vrag da me nikad neće prosvitlit...pa se tišin...morebit iman kasno paljenje...pa me pamet lati po stari dani...ju! Bože daj mi strpljenja.Ma brzo! 
ponedjeljak, 08.10.2007.
right by her side!
I love my mama.So simple the words and yet,all of the essence of me poured into them.This disease tought me love like no other,ever in my life!It's watching her helpless and dependant and childlike.I am mothering mother and it can be a headspinning experience...it is.I feed her,bathe her,change her...watch her every move,listen to her breathing as she sleeps...Alzheimer has thought me the real meening of loving another.I have learned the meening of a memory,how darn priceless the memories are.It has thought me to know how truly blessed we are to have little things like the abbility to walk,talk,swallow food and water,even to breathe.I love my mama so.Love her for the strong,gentle woman she used to be,love her for the love she has always given me.Love her for the true friend she has been to me all my life.I love her for the need she has of me now.It is this love that gives me strenght to endure the harsh reality that is Alzheimer's.It is this love for her that will get me through eventually,when the day comes to say goodbye.I am counting on it with all my heart because,lately,I have seen many fall under the weight of this disease, leaving their loved ones heartbroken.I pray I will feel the love when time comes,rather than giult I did something wrong for her to have left me.I am doing my best,and know it would never be enough to keep her.I pray to come to peace with it.I know she is leaving me a little each day.So I am holding on to a hope that I am making her pain more bareable,her fears less frightening,her darkness a little brighter,her disscomfort a little eazier.And I treassure each moment I have had with her and each we have yet to share.I know that if there's a heaven above waiting for her,and I pray there is,once she getts there,she will be whole again!And she'll look down on me and smile and she'll be my guardian angel,bestoving her love upon me like a soft cloak,I know I shall always feel her presence and love.It is the love between a mother and a child,a bond stronger than any force on this earth.I wish everyone would know this love,where you give,and do for others,and expect nothing.It has made me a better person.I hate Alzheimer's so much for robbing my mother of her memories and her life,her human dignety.I pray for the cure,so noone must go through this again.It is a long and sad and heartbreaking road to travel.But it is the one she will not travel alone.I am holding her hand,so she doesn't get lost and be scared.And I go beside her.It is with love I do it all and I feel honored and blessed to be able to.Because I love my mama.Such a simple frase...
nedjelja, 07.10.2007.
burnin' a hole in my pockett
Leno jutro prekinul mi je moj brat.Pitan ja njega,a ča si došal do nas onako,prije mise?! Da je već bil...je,kako i ja!A došal je fala bogu nakon ča ga misecima ni bilo...i šal vit mamu malo,na odlasku.Kukavica!!!A ona je budna pa ni mogal baš ne poć...i kakove je oči otvorila na njega...a on ju malo pogladi po glavi,vidin da mu je slabo.Staaari moooj! Niš se u ovome životu ne minja....I ode on...zigrlili smo se,ja ga puno volin,je,ma mi je žal ča je takov...a ča ćeš.Čovik se riva kako zna,ni mu lako,dica,posal...i žena...pitaš ga za nju,kako je i ča je...da nima poima...i evo ga zač se ja nisan ženila...ma dosta mi je vit kako to završi pa da mi se stisne...sve va meni...a niš...biću stara divojka i kako se to ono zove...nego,da...kako je došal,pokazala san mu moj novi laptop,pa smo malo gledali YouTube...znan ja da od dubokoumnih ćakula s njin nima niš...pa izmišljan bisne gliste...i tako mi je rekal da san mu osvježila dan,boj san mu dala da gleda onoga bebića ča umire od smiha na YouTube...(ako ki slučajno ovo bude til vit,neka utipka "funny baby" na YT i viće maloga,piše mu "hahaha" u naslovu...)...e,da.osvježila san mu dan...I popil je čaj,ča je samo po sebi mini čudo,boj on NIKAD neće da zeme niš...tako da se uvik osićan ko....Lude fameje! Svi po redu,skupa s manon! A mama ga je pogledala....i onda je gledala mene...i ni mu niš rekla.Ja san ju pitala ko ona voli svoga sina pa je rekla da ne...brže bolje popravljan stvar pa ju pitan a voliš ti mene? Ne! govori moje zlato.A brat se pozdravlja i gre ća.Jesan popazila na uru,koliko je dugo stal?Ne.Nisan ja takova.Biće izdržal jedno dvajset minuti,ko ne i pol ure.I iden ja onda dat mami malo pit,ona više neće spat. I sada pomalo grinta...je,saće bit stresa.Ma baš svako božje jutro me stišće da ne moren disat! Beštimaću va sebi,da ne buden šporkačina i to još na nedilju!!! I tako je šal ča,on i tata skupa.Ala bar nešto! I opet,čaću ti donest za obed?! A bože!Osićan se ko one povere muslimanke ča ne smu z kuće vanka!!! Još malo beštima,ali samo bez glasa! 
Je,i kako san mami dala pit,vidila ko ju triba presvuć (va pelenami je),šla san još malo prčkat po kompjuteru...I dignen ja laptop,a nutra šoldi...ĆA ...?!!! ....iliti WHAT THE...?!!!! I sad,izgleda da je brat ostavil hiljadu kun,meni,da tata ne zna...Pa mi se manta va glavi od svakakvih kontra emocija!!! YESSS!!!!LOVA!!!! 
OOO neee!!!Kako bolu ti šoldi!!!Sram,muka,muka,muka...
Kako mi je sad liipooo...sad ga još moran pitat ča je to...a onda ću progutat GOVNO (kad moran reć,jer nima pristojne riči za to kako se osićan) I poćat mislit kadi ću to potrošit. I evo ti ga poznate dileme...Triba ti svega,buže na sve strane...mami san tila kupit neke maje za zimu,tople a lagane...povera moja jubav!!! I meni bi tribale neke gaće,za po kući...ma ja ću se pasat...I onda triba objasnit tati od kuda lova,pa će bit nos do neba...jebi ga!!! ne moreš bez beštime najkin na nedilju! I oni ča gredu va crikvu ...to da in pomore...ja bi va crikvi samo tulila na svoju sramotu! Meni bi tribala vrića,kako ča ju Drviš ima,pa da ubijen boga va njoj!!! Mili bože,jedan dan ću ti se javit na razgovor,da raščistimo računi!Ki je ča kriv i koliko je dužan...Ča je kriva moja slatka mama da si joj poslal tu gamad od Alzheimera,ča san ti kriva ja....čut ćemo se,pa ćeš me prosvitlit...ma ne danas. Danas nimam živac za to. A ni želudac.Danas ću ti samo reć,fala ti na blagoslovima,o mizeriji ćemo drugi put.Amen.
petak, 05.10.2007.
pay day...continues...
Zove mene moj stari,ako ča triba donest za obed...hehehee a ni baš jako smišno,ne! A ja mislin na propuh va frižideru,pa da neka skuhan maneštru...da on ne zna ča bi donil,da ću to ja...Ma bravo! Sa će mi dat parsto kun pa mislit da ja od toga moren čuda čint...Ajemee...
yipeeee!!! pay day!
oooooohhhhhhhhh napokon smo dočekali penziju! Moji dva penzionera i ja,nezaposlena brižna.Sa ćemo vidit stresa oko butige...jo jo jo jo jo! Nika dosta! Sve više skupo,sve manje se more,a moda govori da nan sve više triba...sirotinjo,i bogu si teška!
četvrtak, 04.10.2007.
so good to be here...
Baš je! Sad ću se lipo raskomotit jer san u sebe doma...;) Da vidin čega sve ovdi ima...neću sad puno filozofirat! Iman vrimena. Saću lipo pomalo uredit ovaj moj friški blog,a uzput vit ča ima va susedstvu...ni da san kurjoza...bože sačuvaj...nego triba bit dobar sa susedstvon,boj ča znaš...triba ZNAT ki ti je sused,ča bi rekli stari.Pa ka to budeš znal... Z nekin ćeš bit dobar a za drugoga ćeš se činit da ga ni! Z jednin ćes popit kafe,hitit ćakulu,dat mu ključi od kuće ka budeš vjažal.Da ti poliva cviće,,neka da ist maški,pasu i zlatnoj ribici od maloga.I da neka pazi da maška ne poide malome ribicu!Boj bi bilo dižgracije!!! Z drugin ćeš bit na "-bog!-bog!"...a judi moji!Pa ne moreš svakome bit po voji,eee! Ma baš mi je lipo!!! I sa gren vit ča san učinla,a onda borami spat boj je malo fali ura po pol noći a triba se rano dignut! Kvragu i to! Juuu,ča bi volila prespat jedno jutro i ne imat niš za čint nego pomalo...biće i toga...ni vraaag da ne!
| listopad, 2007 | ||||||
| P | U | S | Č | P | S | N |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
Listopad 2007 (6)
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
Opis bloga
ča je život vengo fantažija
Linkovi
Dnevnik.hr
Video news portal Nove TV
Blog.hr
Blog servis
Forum.hr
Monitor.hr
