neka tamo

CELI SVET NA DLANE..

.. evo da se javin, brzo ću se potrudit napisat jedan lepi post (kolio to more bit)..samo san otela objavit ovu slikicu danas slikanu...prekrasan je osjećaj jedno tako mićo biće držat na dlane..celi svet.. cerek

..ivona, brzo će i tvoj post.. smijeh

.. kiss sen... wave

29.04.2007. u 21:17 | K | 10 | P | # | ^

103,50 kn

Današnji je dan bil prdivan, do 7:39 navčer...
Šle smo do grada Maja, Lara i ja z namjerun da se slikamo za dokumenti, ča i smo, i vrnemo knjigi ke već dugo nisu videle police knjižnici, al sejeno su se nakupile praha. Bezbrižno smo lutale po grade s obzirun da smo iz nekega nepoznatega razloga mislele da danas knjižnica dela samo do 14:00, ipak je četrtak specijalan dan...
Kad samo prišle spred vrati knjižnici, ka je bila samo usputna stanica do Hamby-a, nismo ni slutile ča nas čeka..
Radno vrijeme: ...
Četvrtkom: 12:00 – 20:00
...

Oneh kobneh 10 min unutar zidi knjižnici, zavavek nan je promenilo životi, va saken smisle teh besed.
Sve je bilo u redu (bar smo mi tako mislile) dok nismo prišle do šaltera kade se vraćaju i posuđuju knjigi. Nismo niš posudile, nismo se usudile, al imele smo ča vrnut...
Knjižničarka je očitala knjigi, koliko su bile dugo pul nas, koliko je zakasnina i sl...al mislin da va onen memente ni sedela, bila bi pala. Malo sej suzdržavala, a onda nan je komać rekla: „zakasnina za ove tri knjige vam je 103,50 kn“
I mi smo skoro pale!! Spočetka smo mislile da smo samo krivo čule, al kad je ponovila, prišlo nan je da plačemo...pa mi nimamo toliko šoldi...
Istina da smo poznate po zakasninah, al ovo je rekord..
I onda nan je kroz glavu pasalo (još vavek pasuje) koliku moć ima 100 kn..
Evo ča je nan prvo palo na pamet ča se se more z 103,50 kn:
...morete poć do Opatiji na gelatto i još do Iki na cheese..i to ne samo jedanput...
...kupit bon od 100 ki doduše neće durat više od šetemanu dan, al opet boje nego dat za ZAKASNINU, i još ostane za kafe...
..koliko je to samo fornetti??..a koliko tek biri va Elizabeth subotu na Kastve ( da se ne mučite računat – 13,5 litar)
...70 kn je 1l čiketa va Buzete ili 2l bambusa pul Jušić + ulaznica 30 kn
...da ne spominjen majicu ka je z pune cijeni prišla na već 70% popusta otkad ju gledate i priželjkujete...al i bilo ča drugo
..tu je i manikura, tretman lica, masažica...eventualno diepilacija z voskun..
...va najgoren slučaje morete poć na sajam poduzetništva va zg z školun...

Ali ne, ako se nekin slučajen zovete Maja ili Sanja, z teh 103,50 kn nećete si priuštit neš od ovega, nego ćete bit prisiljeni platit zakasninu va knjižnice za knjigi ke na kraje niste ni pročitali.....a drugi put, pazit...tj. jednostavno posudit knjigu va školskoj knjižnice kade se zakasnina ne plaća...

...a trebal je to bit samo još jedan običan dan kad samo nas tri skupa, potpuno opuštajuć, dan bez ikakoveh brigi......