..pismo Deda Mrazu...
..dragi Deda Mraz...
...ovo leto se j jako puno tega dogodilo i va teh situacijah mislin da je većina mojeh postupki bilo ispravno...morda bin neki i pormenila, al vreme se ne moren vrnut i mirin se s ten...
...celo leto je napak počelo...na dočeke se je bilo super, se 5...al pred jutro, kad su pločice bile već mokre od sega i sačesa...brat je flisunul, razbil zub i zaradil 2 punta na brade.....šla san š njin na hitnu, bila san uz njega iako je malo falilo da i ja sama na finin na hitnoj kad san mu videla usta puna krvi...
....to je pasalo....brada je zarasla, zub je nadograđen....ča je tu je...
...malo po malo, prišal je i pust.....i ovoletnji ne bin menjala za niš na svete...saku smo subotu bili va hangare, a i pusna nedeja je bila nezaboravna...bilo je genijalno...va to san vreme i ja navršila 16 let....živio pust..!..
...prišalo je proljeće, mane najdraže godišnje doba...se je zaživelo, počele su prve feštice, sezona je otprta z feštun va leprince....prijateljica je jedva položila i saku večer smo klatile...al ne more bit se sjajno i bajno....par dan za ten imela je prometnu.....zbog neke budale ona je dva meseca provela na sušake dok su si uživali.
....ta nesreća nas je u biti još i više zbližila....dugi telefonski razgovori, posjete....neš za ča inače nismo ni imele jako vremena...hvala dragemu Bogu ča je živa ostala.....
...počelo je leto....desilo se j puno tega...al izdvojila bin to ča san konačno skupila hrabrosti i priznala da volin..nakon 2 leta....pal mi je kamik z srca.....konačno mi je prišlo va glavu da se samo jedanput živeje i da je život prekratak da bin neke stvari odgađala i bez razloga plakala....začudila san se sama sebe...
...leto je pasalo da se ni obrnula nisan....saku subotu va neken drugen meste vane do dana, tancat, skakat, zabavljat se, upoznavat novi judi... (ne pit, bar ne ja)..
....ni sad ni nič drugačje osim ča je još škuro kad priden doma......al mislin da ne pretjerujen....aš kad ću ako ne dan sada...a i mislin da se moji roditelji slažu oko tega....
...deveti mesec....počeh pisat blog, jer smatran da su blogi odlična stvar, al ne vredi ni vavek bit skrit iza tipkovinice i monitora....
..počela je škola....trebalo mi je malo vremena da se naviknen na obaveze....priznajen, vavek san bila lena za vadit....al znan da ako ja neš ću, ja to moren....i niki me va temu ne more spriječit.....(osim kakoveh „žohari va trbuhe“, al to samo va određeneh situacijah
)...
...obavila nas je jesen....žuto lišće....mrzli vetrić na obrazeh....romantično-dosadni dažji...tu i tamo kakova suzica va oke....sjećanje na si voljeni....i na si oni keh više ni....
...prišla je i zima....još vavek pretepla...i leto je pri kraje......
...sad kad razmišljan, ni mi žal za bilo ča ča san storila...da moren, se bin ponovila.....i moju kumpanijicu s kun san se to proživela ne bin menjala za nič na svete....
...i tu smo...treći Božić...a moja ljubav još je vavek neodgovorena......iako san imela puno priliki z drugemi bit, to ni bilo to.....nisan mogla...jer osoba puno puti spomenuta na oven bloge, preiviše mi znači....
...zato, dragi Deda Mraz...neću te iskat ni mir va svete, ni da nahraniš lačni, aš za to ni potrebno nikakovo čudo....za to je potrebno samo malo ljudske svijesti...
....moja jedina želja za Božić ovo leto je osjećat se posebno, voljeno na onaj jedinstven način........želin odgovor........mislin da san toliko zaslužila....
...judići moji.....si blogeri, a i anonimci ki ste me posjetili, čitali, pušćali ili ne pušćali komentarčići...želin van se najboje va noven lete i nek van se ispune se lepe želji za Božić, a i općenito va živote....
...i verujte va čuda...
..eNjoY.....voli vas vaša -neka-tamo-..kizzza...
...wooow....
..evo nakon 2 meseca i neš malo, na mojmu blogu zabilježeno je 1000 posjeta...
...hvala sen ki ste ga posjetili i pušćali mi komentarčići....nadan se da ćete i daje...
...tnx...
...citat...
"...nema ljepše nade
od one što je nikla iz tuge
i nema ljepših snova
od onih što ih rađa bol..."
---Dobriša Cesarić---
...danas san našla ovaj citat i morala san ga podelit z vami aš mi je preeeedobar...
...ja san happy...
...va živote nisan toliko kafa popila koliko san va ove zadnje dve šetimani.....zostajala san budna do 5 ujutro, na 7 šla va školu da na kraje ne bin odgovarla....uf....
...pasalo je.....i ne želin to ponovit......
...škola mi je trenutno zadnja na pameti (dobro, nikad ni ni bila ne neke više pozicije, al ok..)..konačno odmor...
...uglavnom....bliže se blagdani...(za ki uopće niman osjećaja da se bliže)......si planiraju neki novogodišnji doček, a mene se tako ne da....ionako neću znat kamo ren do zadnjega momenta (po običaje).....muči me ča ni ovo novo leto neću dočekat va zagrljaje voljene osobi (ka mene uopće ne voli)...al kad malo boje razmislin, neću se zamarat z ten....sretna san ča ću baren blagdani provest va okruženju oneh ki mi najviše znače, i ken ja neš značin.....na kraje krajeva...z noven letun prihajaju i nova odricanja, nove odluki, novi judi, nove šansi, novi propusti....samo smo mi stari....
... puna san plani, ideji za budućnost....puna želji za živet....i lagala bin kad bin rekla da me ne interesira ča će jutra bit, ča će bit za šetimanu, za mesec dan......interesira me, al ne otejen znat.....aš to iščekivanje je neš ča me tira da život max iskoristin danas, da se potrudin da buden sretna danas...aš ki zna....morda me jutra ni ne bude...(ovo zvuči kao da iman neku strašnu bolest, al don't worry, niman...samo tako volin razmišljat
)
...čera san bila sretna aš san dobila čak 2 novi cd-a od cocktailsići ki je čera i izašal (bila bin ja sretna i z jenen)...uglavnon, ipak me sej' neki spametil......i ne smen pozabit reć da je cd legendaran!!!!
...danas san sretna aš ren van nakon....a dosta vremena....videt ću svoju kumpanijicu za ku nisan ni imela jako vremena va zadnje vreme...
...a jutra....ča bude – bude.....
...DON'T WORRY BE HAPPY.....
..bez ideji za naslov...
...ova šetimana mi je definitivno potvrdila razlogi zač reku mrzet....dobro, ne baš mrzet, to je preteška beseda, samo ne volet....
...evo 10 razlogi ki mi prvi padaju na pamet....
(ovo se odnosi prvenstveno na centar)...
1. „radovi na cesti“..već treće leto ren tamo va školu i ni bilo tega dana da se v reke ni neč kopalo, da se va neken djelu ni vozilo samo po jenoj trake...još sad ovaj bazen na kantride...pa to ne fine nikad drugo....
2. smrad i higijena grada...ne razumen ti judi ki peju pasa va šetnju va centar...taj pas obavi nuždu negder na pločnike kuda dnevno pasa 1948574 judi....i 99% njin ostane „pečat“ pod nogun...danas san ja bila „sretnica“...zaš?..aš se vlasniku ni dalo storit 2 koraka više i pejat pasa baren do parka..ili zet maramicu i to lepo počistit....
3. semafori.....z jenega kreneš, već se na drugen moraš frmat....a ako si pak pješak, ili ti treperi žuto pa ti riskiraj da pogineš aš se niki neće frmat da pasaš, ili ako ipak semafor dela, onda lepo čekaj pol uri da se upali zeleno (ciljano govorin za semafori pol ekonomske školi)
4. gužva....pondejak jutro saki z svojen autun re va centar, a gradske kurijeri takoreć prazne....od kantridi do žabici z kurijerun rabi 45 min....ajde judi koristite javni prijevoz!!
5. javni prijevoz.....morda bi ga ki koristil da ni precijenjen s obzirun je još vavek veći br kurijer starejeh od 20 let nego novejeh..(autotrolej je manipulator!!!)....al opet se isplati ujutro poć z tun kurijerun....'cos time is money!!!!
6. „babi kunu“...na žabice te mora dočekat ona babetina ka zna reć samo „babi kunu“ a sin joj vozi mečku........ženska(??) prišla prestara za obalu, pa sej preselila na žabicu...
7. papirnice i knjižari....va centre ni knjižari va koj moreš kupit bilježnicu ili knjigu...sreća da još postoji onaj vbz......al glavno da se sad pred malo zaprla jena knjižnica i na ten se meste otprl „cigar shop“
8. kafić do kafića......i vavek puni....ti judi nimaju drugega dela?!..ne rečen ni da trebaju bit prazni, al ča je previše je previše...
9. beton....nigder prirodnega elementa (zemlja, zrak, vatra, voda)...sreća da još more nisu zabetonirali(pred malo su bili prosvjedi protiv betonizaciji delti).......i ono malo parki na ki se more naić, nisu održavani....puni opuški o sličneh smet...
10. i na kreje....školi, prvenstveno ekonomska škola.....3 u 1!:::pod nazivun ekonomska kriju se 3 naziva: ekonomist, upravno – pravni smjer i tajnice.....nas 1000 na 4 kata...
...i još su te školi va raspadnen stanju...već san si 3 puti raskinula majicu na vrateh od rezreda....i va ten rezrede imamo jenu poneštru, poneštru krzo ku diše nas 30......a tu još spadaju profesori – nas ne more odgajat neki kemu samemu treba psihološka pomoć....
...to me tako jadi...milina.......jedino ča mi pozitivno pada na pemet o reke je.....škola plesa na trsate, volin poć na obalu i gledat va more..ona tišina mora.....a eventualno i tower centar....
...a pozitivna je i blizina opatiji...
...ni do moje učki, vele dragi, čistega zraka....raj na zemlje.....evo par slikic da se uvjerite..
...prvi sneg lane...ja zajdin tekla van za aparatun va rukah..
..ovde san saki dan...i ovde želin umret...
...eto...toliko od mane...
...ako me imate ča za nadopunit ili mislite da san u krivu....izjasnite se va komentarčićeh...
...drugi post će bit malo vedreji......trenutno nisan raspoložena za niš vedreje....
...poZzdraviĆ piplsi....
