LuMbArAjKa
24.09.2008., srijeda
Deveti misec
|
Ode u nas ti ni potriba oj kalendara da bi covik zna da je deveti misec. Dica su pocela hodi u skulu i sve ih je manje po putima, igrališću, korti oj žala....Mozes hi vidi samo u 7.30 ka gredu pu skule (sa in je svima ujutro- eto kako nan opada populacija,svi stanu u jednu smjenu) i popodne ka se vracu. A ćuti se bome da su se isli pokusa polozi i pokoji zaostali ispiti jer ni studenata nema nindi. Samo brucoši nisu izbjegli jematvu, kako i svako godisce:) Gosti ima da bi ih mogli izbroji oni u predskolskoj jer tamo se ucu brojevi do malo...A ostali domaci svit....njima je vec studeno pa su se poceli tuči po kućama. Ritki se imaju koraja po okupa, makar to bilo i na Przinu. Bice da me zato onako cudno gledaju ka pasan u ovo vrime priko zala s šugamanun priko ramena s plaže... Ma i zima ima nike svoje čari. Čini mi se manje nego je to uzalo bi ka smo bili mlaji ma isto ima. Liti onako vise nemas vrimena za nista i nikoga pa cak ni za sebe ( tako se pravdamo) jer ima puno posla i vuce je i uvike nike guzve....bla-bla-bla....A zimi? Zimi se cejad vise družu. Hladno je, pa se svi skupu di je najtoplije. a ka ima cejadi bi ce stogo i za izi i popi a uz to ce poce i ćakule, ako Bog da i pokoja pisma...pa nema veze sto je to sve manje u komine (koje su ceja pritvorili u apartmane) i uz živi oganj a sve vise u kucu ispod klime...Boje i stogo nego nista! Isto jedva cekan do doma za vikend dokle još studij ni pritisnu.vidimo se! |
