Lovec v kâlne vode
12.05.2007., subota
Turčin
|
Srbi imaju nôvoga prěcednika Skupštině (a kak mi sě čini da něbu dugo) kaj veli: da je zapadna granica Srbije Virovitica - Karlovac - Karlobag i uvijek ću tako misliti. Tu měne nekaj ne štima. Jă nésem baš navék slušal na vure z Povesti, ampak sě nikak němrem setiti da jě to Srbija imala takvu granicu? Měne zgledi da toga nigdăr né bilo. I kak unda Nikolić suma na tu granicu kak bik na junicu. Jedina država kaj jě imala tu nejakvu granicu jě bila Turska. A morti Nikolić misli da sě Srbija tréba zvati Bivša Turska Pokrajina Srbija. Pa unda po tem misli da morě iskati stăru tursku granicu. Sam kaj jě unda z Bosnum. Ona bi trébala biti Bivša Turska Pokrajina Bosna. I nekak jě ona bliža te granice. Ak sě oni ne guraju kam sě unda Nikolić gura? I né Nikolić jěden. Ima još Srbof kaj isto mislě. Jă si sě mislim kak su oni si Turčini kojemi jě čez sa ova leta ostalo v genima séčajně na granicu koju su plačkali i na koje bi i dalě sejali străf i puščali krf. I morti na kolcę nabijali. Čem čujem takvě kakof jě on odma mi v glăvu dôjdě da morti taj zid kaj su Kinézi zidali i né tak loša stvăr. Sad pri nămi imamu dosti Kinézof, verujem da i med njémi ima one kaj imaju dălka séčajna i ziher ima one kaj znăju zidati Kineski zid. I platimu jem da ga zezidaju tam na istočne granice. Verujem da bu prijě gotof nek avto cesta od Zăgreba do Siska. I unda, ak Nikolić krěně na ovu strănu morti lupti z glavum vu zid i morti k sěbe dojdě. Ja mu bum prvi rěkel: bôg děj gospon Nikolić, baš lépo da stě sě zbudili i skužili da jě ovo 21. vék i da turskě granicě nésu srpskě granicě. |
:: 16:14 :: Komentari (8) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||