Lovec v kâlne vode
07.01.2007., nedjelja
Zamp harač
|
Si stě věč prečitali o haraču kaj ga je ZAMP vudril na prâzně cedejě? Zâkaj bi jâ trebal plâčati taj harač, jâ na svojě cedejě snimam sam zvukě z prirodě, z ledině, z štalicě, tak da moji nasledniki buju čuli kak se to čula priroda dok ju još nésu zagadili ze zvučnem i radio smetljěm. I zâkaj bi sad jâ trebal pločati za harač, a měne opče na pamet né opalo da bi jâ na tě cedejě snimal kak estradně kravě i mulci zavijaju. Prosim lépo da mi prâvě krave i mulci oprostiju zâto kaj sem ih uvrédil. Znôtě na kaj méne taj harač zgledi? Na ono leto dok su Dudek i Regica na morju bili... Bili Dudek i Regica na morju, v hotélu, bili su dobili penezě kaj su jěnu rundu těličev otronili, pak su sě počastili. Dudek i Regica su sě sam v morju kupali i malo su sě po rive špancérali, i to jě bilo sě. Zajdni dôn dôjdě Dudek računa platiti... - Da, gospodine Dudek, to vam je 7 pansiona što iznosi 1400 eura. - Jě. - Korištenje unutrašnjeg bazena je 25 eura po danu puta dvije osobe što iznosi 350 eura. - Jě, ampak mi nésmu išli v těga bazena. - Pa mogli ste. Korištenje saune i usluga salona za uljepšavanje je 100 eura po danu puta dvije osobe što iznosi 1400 eura. - Gospon drâgi, mi v tu savunu nésmu ni išli niti znômu kaj jě to, a mrski sem denes kak sem bil i dok sem došel, pak sě unda vidi da me nigdo né zlépšal. - Mogli ste koristiti, zašto niste. Svakodnevne izlete s brodicom po otocima morate platiti dva puta po 50 eura puta dana što je 700 eura. - Gospon, pak mi na nikakvě izletě nésmu išli, kaj vam jě... - Mogli ste. Ulaznice za gradske muzeje, crkve i trgove morate platiti 25 euro puta dva puta dana što iznosi 350 eura. To vam je sveukupno 4200 eura. Dudek si jě počel nekaj na prstě zbrôjati. - Za saki dan kaj si mi jěbal Regicu ti měne moraš platiti 400 eura puta dana sědem, kaj ti zijdě 2800 eura, pa to zemem od ovoga kaj jâ těbe moram platiti...na kraju ti zijdě 1400 eura. - Ali ja nisam jeb...pardon, općio s vašom gospođom Regicom? - A dô ti jě kriv. Mogel si... - veli Dudek ostavi penezě i odě. Né sad da vas jâ tu nagovâram da vi presnimâvatě cedejě...ampak da vam sě něbi dogodilo kak i Dudeku, da vam posle Zamp veli: A néstě presnimovali. Pa mogli stě... |
:: 13:18 :: Komentari (5) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||