Lovec v kâlne vode
30.10.2006., ponedjeljak
V busu
|
Vozil sem se sad v busu i jedna curica se pokarala z babami kaj su graktale kak žabe. Curica si je sela, a to ne bilo praf ovemi babami kaj nemreju gledeti mladu deklu da sedi. Deklica je još potkurila ogenj, bila je kakti malo bezobrazna, pa su se babe skoro križale kakvi su ti denešnji mladi kaj ne poštuju starejšega. Još je samo falelo da nekakva baba veli kak se je ona digala v avtobusu dok je bila mlada, a v nejno vreme ne avtobusa ni bilo. Ja mislim da je to diskriminacija mlade. Zakaj mladi nebi mogli sedeti v busu? Kaj nem nemre biti žmeko? Veliju da bu na mlademi svet ostal, pa poglečte kakvi jem teret ostavlamu, kakav je to pokvareni svet, kakvi je to teški teret kaj bumu na njemi ostavili. I unda se još babe duriju kaj si je deklica sela. A ne misle kakvi teški teret ona ima na svojemi pleči. I zakaj se te babe moraju voziti baš dok je špica? Dok ideju ludi na posel i s posla, dok ideju deca v školu i na fakulteta? Još se zabadava voze i još se moraju voziti v najvekše gužve. A da ne velim kak se morate paziti da vas jeden takav tenk od babe ne zgazi dok se zaleti na prvi fraj stolec. Takve babe ko da su hibrid teškoga tenka i zrakomlata. Morate dobro paziti dok idete v avtobus da vas nebi kakva zrakomlatasta babja torba ili vrečica pogodila v glavu. Ili da vam baba z svojemi oklopnemi štiklami ne stane na nogu. Ili da vas ne rukne v bubrege. Jel' znate da bute prije ostali pet put invalid ak naletite na hudu babu v busu nek dobili šesticu (ne sedmicu) na lotu? Več imam ideju za posel. Prodaval bum štitnike i kacige na avtobusne stanice, tak da se ludi osiguraju prije nek kaj vlezneju v avtobus. I del bum znak 'Pazi, zrakomlatna baba v avtobusu' čem spazim da je počela babja opasnost. Prosim lepo onu curicu kaj se je pokarala z babami da mi se javi kak model za majcu pokreta otpora protif zrakomlatne babi. Fala. |
:: 19:02 :: Komentari (5) :: Isprintaj :: #
17.10.2006., utorak
Jabuka
|
Sako jutro je zdravo pojesti jenu jabuku. To vam nekak dojde mesto četkice i kaladonta. Zdrava, reska jabuka tak lepo počisti zube da je to milina. Denes jutro sem jel jabuku z svojega pašinca. Morem vam reči kak su te domače jabuke puno bolše nek kaj su ove kupovne. Ta domača jabuka je gušča, bolša, slatkejša nek kaj su ove z uvoza. Te kupovne su kakti pena, do zna kakve su gene skrižali da bi bolše rasle i da ne bi čvri išli vu nje. Črvi. Je dragi moji, ak v jabuke nema črva unda to ni prava jabuka. A znate li koje su najslajše jabuke? One v teremi su štršeni skopali svoje mesto za gablec. Takve jabuke su tak slatke da nema meda teri je tak dober kakti te jabuke. Več si mislim kak bi ko i Mavrović otišel uzgajat zdravu ranu koju je certifecerala prava domača gamad: črvi, ose, štršljeni, štrige...Kakav je to kromper na kojega ni zlatice nejdeju? Se je to GMO plastika. Više ni domače kukurize nema, se je hibrid, zajdnega pravoga pečenika sem pojel još v prošlem mileniju. Ja si študeram kak bi trebalo napraviti pravo starinsko gospodarstvo de bi se delala samo zdrava domača rana i unda bi betežne strane turiste lečili z prirodnum papicum i prirodno jem zeli puno neprirodne penez. |
:: 20:53 :: Komentari (7) :: Isprintaj :: #
Dnevnik.hr |
||||||||||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
||||||||||||||||||||||||||||||||||||||||||||||||||||||||