Lovec v kâlne vode
29.09.2006., petak
Ne to drek, to se je cucek posral
|
Svaki stanovnik Hrvatske bu dobil svoj porezni broj, a i svaka pravna osoba (poduzeća, obrti i drugi). Dete bu dobilo svoj broj dok se bu rodilo, a pravni dok se buju registrirali. Se bi to bilo v redu da prije nesmu imali JMBG, pa su ga ukinuli, a sad nam ga buju opet dali sam se nebu tak zval. Veliju neki da je ovemi Rvati kaj se nesu rodili v Hrvatske smetalo to kaj nesu imali 33 v JMBG-u pak su si mogli videti da su se rodili v neke druge republike. JMBG je ukinut radi zaštite privatnosti pak me sad zanima kak se bu osiguralo da taj novi broj ne ugrozi tu privatnost? I kak on misle napraviti da za 3 mesece svi stanovniki i se pravne osobe dobiju broj? Jel' bu taj broj trebal biti na zdrastvene, osobne i na drugemi karticami? Kuliko bu to koštalo? JMBG i porezni broj su nekak v odnosu kak i spomenuti mirisi, zlato i tamjan v naslovu: Ne to drek, to se je cucek posral. Se je to dobra prilika da se financera HDZ predizborna kampanja. Već je Šuker najavil kak buju iskali kredita od strajnske banke za taj porezni broj. Nekaj buju napravili, ho-ruk, na brzinu, a največu vrpu love buju za predizbonu kampanju potrošili zato kaj jem je važno ostati na Vlasti. Moto se naše političarov je Se dej za vlast, a vlast nedaj za nikaj. |
:: 09:36 :: Komentari (6) :: Isprintaj :: #
25.09.2006., ponedjeljak
Koga je Buš oblubil
|
Precednik Mesić nam se fali kak je jedino nega Buš oblubil. I kaj sad? Kaj ima tu dobroga kaj ga je Buš skuševal? Pak je i Juda Isusa izdal tak da ga je kušnul. Morti nam se Američani spremaju zatefteriti lutoga feferona pak je Buš malo kušnul Mesića da ga bu mejne peklo. Se i da je samo Mesića Buš kušnul, ja mislim da taj Buš nema pojma kaj je to, de je to, i pokaj je ta Kroejša. Buš se je zabunil, malo ga je propuf v glave zanijal pak je tak došlo i do toga da je Mesića kušnul. A Mesić je sad kakti narodni heroj, dobil je orden Slinave balavosti z vencom od šmrkljof i pljuvačkum od Buša. I tu se vidi kak je Klinton bil malo boli precednik. Je da ona Monika i ne bila baš nekakva fatalna ženska, ampak je bila ženska. A Buš je drukčiji, on je kak i Mujo kojega su pitali jel bi rajši jemput Fatu ili dvaput Hasu, a on veli da je Fata Fata, ampak dvaput je dvaput. Tak ni Buš ne nagajna pripravne dekle po Bele Iže več si je zebral mirnešega Mesića. I tak si je Buš zgruntal: dekle su dekle, ampak dvaput je dvaput i zažvali on našega precednika. Valda se jedino on na vreme ne meknul. I sad bi mi trebali biti srečni poradi toga balavog liza i zaostalog precednika. To je kakti nekaj. A morti je naš precednik preveč gledel Big Bradera, pak je na Kubu išel samo zato da bi pozdravil japu i majku od one Kubanke. Sreča je da Buš ne bil pod poplunom, morti bi unda naš precednik bil jedini kaj bi odelal ručni rad... |
:: 20:27 :: Komentari (4) :: Isprintaj :: #
Let(v)ica na plotu (srama)
|
Letica je prijavil precednika Mesića za sukob interesa. Čem sem naslova prečital ja sem mislil kak je Letica morti prijavil Mesića da ima morti kakvu firmu za koju veli da ne negva ili nekaj takvoga. A kad tam, Letica je prijavil Mesića kak je on pisal za Globusa kakti specijalni izvestitelj. Je, to je strašni greh, odma treba ititi impičment na Mesića. Kak sem i mogel, bedačec jen, zamisliti da bi Letica, kaj je bil valda letvica na plotu svake političke opcije u zajdne petnajst let, mogel prepovedati svojega kolegu Mesića. Pa vrana vrane oči ne kopa. Valda si Letica ovak malo diže cenu v javnosti (dugo ga ne bilo) tak da se za izbore more opet za nekakov politički plot zakvačici. E Letica, treba tebe z letvicum po turu, več si i bogu i vragu dosaden... |
:: 14:21 :: Komentari (3) :: Isprintaj :: #
24.09.2006., nedjelja
Ivek ne zna
|
Anđelko Bilušić je rekel Račanu, dok je ovaj bil na vlasti, kak ne razme dve stvari: da ne zna i da ne treba znati. Rekel mu je da je on boli političar nek Regan, koji isto niš ne znal, ampak si je zebral pravu ekipu koja je napravila veliki ho-ruk v američke zgodovine. Račan misli da zna, a ne zna i zgleda da ne voli kritiku, čak i dok je ta kritika prava i samo bi štel da mu pleskaju. I ne sam Račan takov, i Sanader i si drugi rvacki politički čelniki su takvi. Mesto da posluhne Anđelka Ivek ga je najuril. I tak je neki dan Račan došel v jedno trjse oko Jaske zato kaj v svojem programu imaju i to da se ukine 0.0 promila, oni bi šteli da to bu 0.8. Čem je Račan v trjsu videl grojzde on je navalil kak popov kurac i počel ga je brati i brati i brati...Siroti Francek, čiji je sivi pinot počel Ivek brati, se je odma zešvical zato kaj grojzde još ne bilo za brati i se kaj je nagli Ivek pobral Francek je moral hititi. Negdo je šapnul Iveku na vuvo da pinot ne za brati i da je Francek več sav v jene vode i da bi ga herc mogel strefiti ak Ivek još i jenoga grojzda prereže. Sa sreča da je Iveku to imal do reči. Da ga ne imal do zastaviti morti bi denes pleh muzika Franceku svirala. Ta zgoda nam govori kak Ivek ne zna i kak bi se trebal okružiti z onemu kaj znaju. A ja mislim da Ivek Račan to ne v stajnu napraviti, on misli da je kaj starejši to pametnejši, ampak ne sluša kaj narod veli da stari čovek i malo dete imaju istu pamet. Mene onaj Sanader ide na živce, ampak posle ovoga zločina kaj je napravil ja znam da niti za Račana nebum glasal. Kaj on tu pripoveda za promile, a zaštental je jen red sivoga pinota od kojega bi se fajn lepoga vinčeka napravilo. Ivek ne zna i ne voli oko sebe one kaj znaju. I zato ni za doktora Ivu niti za druga Ivicu ja nem dal svojega glasa. |
:: 17:38 :: Komentari (1) :: Isprintaj :: #
17.09.2006., nedjelja
Otprta sezona lova na političke neprijatele
|
Počela je predizborna kampanja, Sanader nam se grozi da buju oni, kaj ne plačaju porezna, išli v rešt. Znate kak veli naš narod: vrana vrane oči ne kopa. Nebuju aadezeovci išli v rešt ak nebuju poreza platili, ne bi se čudil kak bu statistika pokazala kak sam politički neprijateli od adezea ne plačaju porez, a hadezeovci si plačaju. Veli Kirin kak buju zaprli se one kaj su kršili zakone...nekaj mi tu ne bistro, ionak je gužva v temi našemi rešti, kam buju sad z temi semi kaj kršiju zakone? Morti buju hadezeovci sopirali konc logore tak da na dan izbora buju zaprti si oni kaj morti nebi glasali za adeze. Najavili su posebnu jedinicu MUP-a za borbu protiv oporbe, pardon, korupcije. Adeze misli ovcami, pardon, biračem opet zamazati oči. Leže je zdiči prašinu nek obečati da buju smajnili pedevea. I još se tu javla dr. ko. (doktor korupcije) Hebrang kaj veli da opozicija podmeče afere adezeju. I njemu su, siročeku, podvrgli. Opet buju male ribe najebale. Dobro se čuvajte da neste slučajno zabili v porezne prijaviti kakav honorarček od 100 kn. Vi ste državni neprijatel i odma morate v konc logor za neprijatele adezea. Oni adezeovci kaj kradeju na veliko nebuju završili v konc logoru. Prvo radi toga kaj su jem to podvrli z opozicije, je pokvoreni su ti z opozicije, nemreš se ni okrenuti, a več su ti podvrgli par milijona eura v žep. Nemreju se siroti adezeovci braniti. Druga stvar je kaj je to puno penez, teško je jenomu policajcu, kaj je skoro na minimalcu, prepoznati da su to milijoni. Njemu je leže zamisliti da je negdo kral 100 kn nek da je kral milijone. I zato oni kaj kradeju milijone nebuju prišli v rešt. Ne mi baš bistro kaj je Seks štel reči: Pipci korupcije razmahali su se 1999. i HDZ je otišao u oporbu. Mene to zgledi kak da je rekel da je adeze otišel v oporbu zato kaj su se pipci korupcije razmahali. A ne štel adeze iti v oporbu. Tajne službe su fajn delale da se to ne dogodi. Čak se je i sin od pokojnoga precednika angažeral da adeze ostane na vlasti. Zapraf, oni su rušili ustavni poredak i trebalo jih je se zaprti. Za ove izbore su zebrali drugu taktiku, buju zdigli prašinu, buju se kakti borili protiv korupcije, a zaprav buju napravili to da se nijov dr. ko. i druge velike ribe zvlečeju ko da niš ne bilo. A ti, glupi narode, i dale gukaj tu prašinu i glasuj za dr. ko.-ve. |
:: 14:25 :: Komentari (3) :: Isprintaj :: #
14.09.2006., četvrtak
Zvlekli su Zajca z šume
|
HDZ je zvelek Zajca (Vlado Zec) z šume zato kaj misli da bu mu to doneslo glasove na izborima kaj buju na leto. Pogledal sem malo naše portale, Jutarnji ima tu vest v male kučice, Bezgrešnjaku je to glavna vest (i još su napisali kak je Vlada proglasila rat korupcije, kaj to znači da je proglasila rat sama sebe?), a na Vjesniku imaju veeeeliku sliku od Vlade Zajca. Tu se vidi kak Vladina glasila pušeju u Vladine trube. Mislim na Vladu Republike Hrvatske, a ne na Vladu Zajca. Več dok sem spomenul Vjesnik: sramota je kaj su napravili od te novini, postal je jeftino stranačko glasilo, a v vreme prošle Vlade je bar ličil na novine, ja sem sako jutro z modemom prehitaval one nijove pedeefove za svoju arhivu...a unda sem videl kak neki novinarčeki kaj su delali v lokalnemi adeze novinami prešli vu Vjesnik. Odma sem znal kuliko je vur, adeze nagrađuje svoje poslušnike. A tu nijovu nagradu ja nem čital... A kaj se dotikavle Vlade Zajca, znate li kaj se bu dogodilo? Niš. Adeze bu zdigel prašinu, a ak mislite da bu kakva presuda prije izborof unda ste naivni bedačeci. Ja se ne bi čudil da se je Sanader dogovoril ze Zajcem kak ga buju zaprli, malo ga buju kakti optužili, a unda, čem HDZ opet dojde na vlast, odma se buju stvari sredile, Zajec bu opet v šume i nebu nijednu dlaku zgubil. Se je to prectava za bedačece glasače... |
:: 07:11 :: Komentari (2) :: Isprintaj :: #
06.09.2006., srijeda
Zbogom cajke
|
Denešnja utakmica je pokazala kak nam ovi kaj slušaju cajke nesu ni trebali. Veli stara narodna poslovica: Groble je puno nezemenlivih ludi. Bilić je drukčeši izbornik od ove kaj smu prije imali. On misli z svojum glavum i morti prvi put Hrvacka igra kak ekipa, tim...Vatreni z 98-me bili su nekaj drugo, oni su igrali sami od sebe. Kak su oni obesili kopačke na klin trebalo je nekaj premeniti. Izborniki su i dale mislili da jih bu zvlekla fantazija pojedinca. To se je tu i tam dogodilo, ampak to tak nejde stalno. Bilić slaže ekipu, tim...saki fantazista dobro nam dojde, ampak jena stvar sem igračem mora biti čista kak suza: moraju odigrati taktički onak kak si to Bilić zamisli. Takva igra išće od igrača da obavi svoj posel kak treba, i ak si buju to delali unda bu i cela ekipa bole igrala. V takve ekipe nam ne treba cajkašov kaj neznaju z svojum glavum misliti. Njemi je inteligencija tak velika da jem ziher Bilić mora nekakav šalabahter napisati ili napraviti da bi oni znali kak odigrati. Unda su nam boli oni igrači kaj šalabatera netrebaju. Pak kaj su oni mislili, izborniku rokeru oni pobegneju na cajke. Pa to je takvo potkopanje autoriteta da to ne normalno. To je čisti atentat na izbornika. Sam to nem ne opče niš jasno. Čitam kak Olić laže na se strane. I postavla se tak kodali niš ne napravil i kodali su zločesti novinari za se krivi. Olić je pokazal kakav je i takvoga nam ne treba v repke. |
:: 23:40 :: Komentari (6) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||