Ki je za još jeno sKITAnje?

Kontrole su na mestu, zec je u padeli. Sniga ni, nanke ne fali:) Bura puše, friškeca, ali u boški je u redu. Vi se svakako štabelo obučite. Ne zabite KOMPAS, LAMPADINU, LAPEŽ. Za to drugo ćete se već snać.

Ko se ki ni prijavija, more steši doć, smo prontali hartah viška. Ko kemu zapada snigu do ujutro, mu ne zamirimo da ni doša. Mi smo u butigi od osan i pol, pak vidite..i ne zabite postoliće za tanac..

I ko je ki dosta munjen za bicikletu u nedilju neka se javi na telefon ili mejl, da se ne stajemo ko ne rabi:). magari mi gremo kako godar..
ala, do jutri

VAJKA PRONTI:
1. Alba - Uvik kontra: Lana Tušek, Goran Vedernjak
2. NoWalkTeam: Rozana Veselica, Igor Bukarica
3. Da se najdemo na pol puta: Toni Družeta, Franjo Toić
4. Dva Kitana: Predrag Nikolic, Vladimir Medica
5. Skip intro: Ranko Grković, Emanuel Radolović, Ivana Milošević
6. Vlasta goz tu Majami Bic: Vlasta i Marko Mastrovic
7. Dva suseda: Toni Medančić, Elvis Licul
8. Mi dva: Marino Cvitić,Dubravka Tomišić
9. Trickeri 1: Maricio Križmanić,Senad Hodžić
10. PERMAFROST: Dado Roce,Vily Medančić,Loris Roce
11. Sibirski Tigrovi: Goran Miličić, Luka Odović
12. Otpisani (se nakotili): Leo Biuk,Jelena Čulina, Martina Maras, Vedran Ahel, Patricija Gluhak, William Valenta, Ra
13. Bosansko-slovenski tim: Renata i Sašo Tajnšek
14. Ni piet ni šies nego sedan: Ana Orbanić, Roberta Damijanić
15. Otpisani pashamani: Boris Krpan, Darko Mršnik
16. Bezimeni tim: Ivana Kastelc, Goran Čertanc
17. D.O.G.O.B.G.Y.N.: Igor Vlatković, Marko Radman
18. N&R: Nevia Novak, Roberto Brezac
19. Analni osvetnici: Matteo Zec, Mauro Frančula, Filip Roce
20. Bez zaštite: Patrik Licul, Mikele Šugar
21. Mafra: Marino Roce, Franko Frančula
22. TBA: Sandi Cvitić
23. Drugi razred: Anđela, Nikolina, Gordana i Neven Šugar, Dogi
24. Albona extreme: Davor Zorko, Tino Smoković, Veljko Brajković
25. Globalno zagrijavanje: Edita Papa, Hrvoje Dukić
26. Garbage warriors: Dora Tkalec, David Blažević
27. AVES CURSORES: Alen Paliska, Elena Gržinić
28. ... Damir Mateis
29. ...Igor Kiršić

Zajno (šeko) neka se javi na mejl kt1sutivanac@gmail.com. Zajno more bit najkašnje do četrtka, 02.02.2012., u podne (podne i kvarat, podne i pol :), ali ne pensajte preveć. sKITAnje je timsko, more vas bit koliko ćete. Ima da spensate dobro ime za tim, forši dobijete bonus:). Pošaljite u mejlu ime tima, ime i prezime sKITAna i sKITUša, broj telefona.

Svi ki su za najdemo se u Sutivancu, u subotu, četrtega drugega dvidvanajste(04.02.2012).
Okupljanje od osan i pol(8:30h) u BUTIGI (Market Mena). Prijave, kafe, podjela karti i tako to. Ponesite 10 kun za humanitarne svrhe. Ki dojde z veturon(motorno vozilo na četri kotača:) do butige dobije minus bodove, pak najbolje to puštit na parkiralištu zad Omladinskega doma. Vili je reka da će stavit znak veliko P. Odonud do butige je 300 metri, šeko za steplit patike.

Petnajs do deset(9:45h) svi ste prijavljeni, i gremo na dogovor za tehnički sastanak .IIIIIIiiiiiiiii na zvuk pištole jušto u deset(10:00h), minut više-manje, šibate na sKITAnje dugo dvajsetak kilometri(cca 20km) i jeno šesstotin metri usponi i padovi(cca600m.v.). Nimajte straha, je i kraća staza, to ćemo si povidat sprid butige na tehničkemu sastanku.

Uzmite z sobon: vodu i ča za pod zub, jedan kompas i jenu lampadinu po timu, aš će van rabit:).

Kako ki fini, čeka druge:)Pokle papica, birica, rokenrol. Za rokenrol će se pobrinut slovensko-kvarnersko-istarski tim di đeji(DJ), u ritmu muzike za ples, a to su: Sašo, Ive, Neno Multipraktik, Moris i gdin. Smeđi Cuker (Šećer). More hi se zajno zapisat i kao tim na trki:) Fešta do kad bude, bude...:)

Drugi dan, u nedilju petega drugega (05.02) partimo na biciklijadu od nikih trideset i pet kilometri (35km). Start je sprid butige u deset i pol(10:30h). Tribat će van ta vrag od mauntajn bajka (MTB) i kaciga, aš ćemo se uglavnon peljat po šumskih puti i stazah. Ni čuda uspona i ni teško. Ne štopa se ki će prvi, nego ki će već po zadnjemu:)I jopet ki je za neka se javi na mejl kt1sutivanac@gmail.com do dan prije.

Ku bi ki prespa i sva druga pitanja more se javit na isti mejl ili zvat 095 908 08 24 (davor).

Ki još vajk ne zna kadi je butiga, tu doli je harta:)