maštil vode

utorak , 13.10.2020.

potopila bi moj baba svu robu
i škuru i bilu
u veliki maštil sa dva uva cili dan
i usula bokun luga da se toča tako
na suncu, ako ga ima

a onda sutra izvadila napose bilu
napose škuru po strani od maštila
zgrijala na špakeru najveći kabal vode
ulila u maštel, pa prvo bilu
na drvenoj daski i sapunom od neznamčega
peri, muljaj u vodi , sapunaj, ožmi
i tako
komad po komad: lancuna i intimela
šugamana i starih krpa za kužinu
pa škuro: fuštane i traverse ,crne bičve
i na kraju škrpete s noga da se škapula svaka kap vode
da bude utapac za svu robu šta se skupi na rpu
od cile šetemane

durale su te ruke na maštilu dok su mogle
a onda su iznemogle klonile i s krunicom
medju prstima partile....

Pirovac, slikala Gorka V.