17
nedjelja
srpanj
2011
Butilja
Od ove nedilje sve je šlo kvragu...Ane i Roko još nisu riči progovorili...
Ča je bili malo će ti ga ki znati reći....
I ove nedilje ka i svake Šjor Roko je ka i svaki dan kupija kruh,škatulu Opatije i slobodnu,kala bi se do Duje da mu nalije butilju crnjaka i drito bi poša na obed.Njegova Ane bi parićala bi obed onako kako je Roku najviše pijažalo.A šjor Roko bi to sve lipo nakraju zalija sa par čaša crnjaka,zapalija duvan i pročita slobodnu dok ga nebi fijaka natirala da pogne glavu i odkrmi koju uru......
A vridna Ane ko ko svaka fina ženska u našem mistu pospremila bi stol što tiše da nebi probudila Šjor Roka.I uzela bi njegovu slobodnu da je pogleda par minuta na miru dok se Roko ne probudi.
Ali ovoga puta Šjor Roko je zaspa pravo priko novine,i Ane koliko je god tila, da izvuče novinu što tiše i ne probudi svoga Roka,ni uspila....
Djava je ima neke druge planove...
Uto se novina rasporila i Ani je lakat pogodija bocu i ona se je razbila u iljadu komadi...
U celoj kaleti narod ni ču toliko besida to popodne....
Evo već je šest dan je prošlo Šjor Roko još ni riči progovori s našon Anom......
Ča je bilo malo će ti ga znati ki reći....
Ali nebi bilo loše reći da više od dvajset godin Šjor Roko je iša u butigu po kruh,škatulu Opatije i slobodnu pa kod Duje po butilju crnjaka.. i nebi bilo lose reći da je dvajset godin Šjor Roku u Duje liva butilju od 1,20 l a za koju je govorija da je od litre.....
Više od dvajset godin....
A.
komentiraj (2) * ispiši * #
