Zadnja beseda
- Moja žena mora vajka imet zadnjo besedo
- Da je poli mene samo to, moja želi imet i zadnjo kuno...
Prez jedinega šoldina
Mesec don pokle ca so se prvi put videli , mladić gona mlode:
- Lepo voko moje, otkada son te prvi put vide, više ne moren ni jes, ni pit, ni fumat ni poć vonka s kumpanijo...
- Ma ca propio toliko radi me imaš?
- Ne, nego više niman ni vrajžega šoldina va takujine!
Tovar
Od Ivića mat je komoć i dva docekala da maestra pofoli Ivića pred celo klaso:
- Ca ti je maestra rekla?
- Rekla je: si ste vi tovari, ma Ivić je najveći!
" Labinjon"
Za vreme Labinske republiki Labinjani so oteli, koko i saka država, da jimajo svoji beci.
Pokle dugeh pensiri jedon ot njeh je ote da se domoći beci zovejo "Labinjon"
- Ne, to ne more- di drugi. Koko bi bilo da gremo na Vlašijo kupit tovara
i da nan oni, kat budemo pitali koliko košto jedon tovor rišponde:
Dvajsti Labinjani!
***
manje poznate riječi: šoldin- novčić; gona- govori; fumat- pušiti; takujin- novčanik;
komić- jedva; beci- novac; koliko košto- koliko košta; rišponde- odgovore
fotka : net planeta
|