tud i ja, tralalala !!!
Vidila ja kako svi nešto minjaju izgled bloga, pa reko...ajd i ti malo, al ne nešto naprasno ka one ženjskinje ča idu povećat sise il usta pa in se posli vide sa 100 km...a jok, brale, ja san ZA one sitnije borice okolo očiju (ha, sad će moja milkica oma mislit da ja mislin na nju), za one groooozne na čelu (nije, milkice, mislin na MOJE) il one okolo usta ča su cigarete krive (a ne godine-ako to mislite, božemiprosti)...
I tako se ovdi nećete baš afanavat da bi pali po tleju jerbo JA mislin na vaše zdravje (CIBA i PLIVA nisu ovdi u suradnji)...
(A to ča ja u stvari ne znan ta čuda radit ...pssst, o tom ni riči drugima !)
Khm, khm...kako mi je ovi brojčanik naglo poveća broj na priko 100.000 (dok su trajali radovi na korerektivnoj kozmetici), morala san angažirat onega malog ča je popravja staro auto da to smanji na normalu...Kad judi vide tolku brojčinu, oma se pripanu i misle da je to neka stara ofucana raga i neće je ni pogledat...bem ti miša ča svi volidu mlade ždribice !!!
Zato ja nabijen ove gore očale i sve mi liiiiiipo...
liiiiiipo li je...lipo li jeeeee
O ovome u okviriću drugi put.
|
