SE LIPOTE,ČUDA SVITA NISU SJENA KRAJA MOJGA

četvrtak, 31.08.2006.

MALO SAN RAZMIŠLJAL

Ćakulan ja neki dan z jednin prijatelon z Rike....i on mene moli ala hodi s manun do El Ria...tamo se moran nać s jednun divojkun ka mi se ful pijaža ali će doć i prijatelice njezina pa će mi bit belaja da dojden sam.........ja velin ala dobro....ali samo radi potpore ako mi dopizde gren ća......i usput ti plaćaš pijače......partyparty
I bili mi tu večer va El Riu, ja sidin pijen biru pomalo...one kasne on živčan...ja se smijen i nastavljan pit...i prijdu one...istini za voju ni jedna nij loše zgjedala...nisu baš moj tip ali sejedno....i sedu one do nas ja se predstavin i počne ćakula.....ja san samo naslišal on ih je zabavljal....a ja se pital su Cok i Balki negdi va blizini pa da se zaletimo nekamosmijehsmijeh...i dobro šli prijatelj i njegova divojka tancat a ova počela povedat s manun.....ono povedamo o pizdarijami...ali ono totalnimi...ja povedan takove pizdarije da ih ni pas z maslon ne bi pojilnutnutnut a ona se semu smije....ja velin a dobro....i nakon nekoga vrimena ona mi veli...čuj dečko zabavan si ali nisi baš moj tip.....ja velin nima problema nisi ni ti moj.....ona ostala i bledo me pogjedala...ja se čudin ča je tako ostala...a ona meni počne neč srat kako nju vavik puno dečkih napada da bi bili s njun..pa da onda ne serenludludlud ja san se počel smet ona još više popizdela......ja se digal od stola pital prijatela je se u redu...on veli savršeno a ja zval Coka i Balkija da dojdu po me...i okrenen se a ona mala hodi prema meni i pita me zač mi se ne pijaža.....ja joj velin da ne shvaća niš osobno...jednostavno nij moj tip...ona opet počela pizdet i bog zna ča još ne.....fala bogu tad su došli Balki i Cok pa smo šli ća....
I sad ja vas pitan ča da čovik stori s takovun maletinun? Mislin ča san joj rabel reć....kad mi se nij pijažala? Mislin ne kužin ča j toj maloj va glavi......morda samo seno.....mislin...a ne zna ča već....o tomu san bil ovi dani razmišljal.....a ča je još najboje od sega...i ona j meni rekla da ja nisan njezin tip.....trebali smo ostat na temu i gotovo...ah ta gradska dica...sa su neboga smućena...ča više reć?

MALA ZAMOLBA....
Molin vas dajte malo podrške jednoj maloj ka j konačno napisala post na domaćen zajike...a kuliko san videl va komentarimi dosta njih ju zajebava zbog tega.....pa ako morete joj ki komentarić podrške hitit...hvala naprvo.....imate je u va linkimi pod GROBNIŠĆICA...hvala
- 22:42 - Komentari (38) - Isprintaj - #

petak, 25.08.2006.

VRAŽJE ŽENSKE!!!!

E ovako...baš va zadnji dani razmišjen o ženskami...mislin našal san divojku i prvi put zijden bez nje...evo 10 malic potiču oko mene zajebavaju se z manun moral san ih z šćapon tiratyesyesnaughty.....ma mislin ne smeta to meni nego to ča dok nisan imel divojku ma nebi mi divojka prišla.....ma prije bi svit propal nego da bi neka lipo došla zela me na stranu i se ča gre s tinnaughtynaughty.......a sad ono....prava napast....
Ali to nij samo meni nego sakemu muškemu kega znan....dok smo slobodni....nima divojak....morda ka za zatancat ali ono....ala da buden pošten tu i tamo ka naleti....ali u biti ih je malo....a kad ujdeš va vezu zajedno te opsjedaju...i sad ča da nebog čovik napravi???
Mislin to ovisi od čovika do čovika....neki judi će zajedno ćapat te malice...dok drugi(va ovu skupinu spada moja malenkostmahmah) neće preverit divojku ma ča god bilo......je da će drugi dan navijat z glavun va zidheadbangheadbangheadbangali se to ipak više isplati....aš baren ja nisan jedan od tipih ki će hodit z bilo kakovun.......moja divojka je prava ženska......sad daje neću govorit aš san imel previše konkurencije i ne rabi mi je jošsmijehsmijeh
Pa da se vrnen na temu....ženske kad ovo pročitaju siguro će se požalet da se i to njimi događa..ali ja van zajno velin da to baš ne prihvaćan zato aš ženske moraju samo malo mrdnut z riticun i zajno će mac muških viset i slinit oko njih.....to ča one to ne vide...a ča ću in ja moren.....a pa sad ča vi mislite???
Usput imel san par molbih va komentarimi da rečen ki san.....e pa......Ja se zoven Ivan....ali me tako samo mat zove...si drugi me zovu ili Ive ili Ivić....bivan va dražicah i iman 18 let....zihajan sakuda...i slušan metal stari rock...ali najviše volin domaću muziku...i sad ako vas još ča zanima pitajte
- 22:00 - Komentari (43) - Isprintaj - #

subota, 19.08.2006.

A ČA ĆEŠ....

Bil ja va oštariji povedal z Balkijen(ki inače tamo dela)....i ujde Tito bled ko krpa....nij nas ni pozdravil kad reče Balkiju...daj mi rakiju i to brzo....popije ju na ex i zajedno naruči još jednu...ja i Balki se smijemo i pitamo ga ča je bilo......on nami poveda....došle su mi od Tine(njegova žena) neke kujine na ljetovanje...malice imaju 10 let....ili tako negdi....a odkad su došle kuća mi j pravi rusvaj od njihovih časopisih va zahodu mi ih je mac va njihovoj kamari još više a va dnevni više ne moreš uć od tih pizdarij....a ča je najgore čuvaju ih ko zlato....
Ja pitan a ča j va timi časpoisimi..a on mi veli da su samo neke pizdarije o modi slavnimi i bog zna ča još ne......i da te dve malice samo pizde o tomu....ne zijdu ni van ne poznaju nikega živega...ali znaju ki kega oprostite na izrazu va holivudu jebe......i još mi se detaljno objašnjavaju.....mi se još smijemo....on veli dojdite do mene pa ćete videt...ja govorin ala ja gren...a balki doć ću kad finin z delon
I dojden ja pul njega i upozna me s kujinami.....i čovik ima potpuno pravo...nismo ni progovorili dve besede kad se one meni počnu žalet kako Titota niš ne zanima...pa mi počnu srat o bog zna čemu ne....kako Eminem jebe neku babu...kako j kafeno va modi ovu jesen....a mene počela bolet glava...povedju brzo i ne reču niš pametno...malo se okrenen a Tina i Tito gjedaju z kuhinje i smiju mi se....pas in mater.....dobro aš je Tina dobra ženska pa mi j donesla bocu rakije da se poslužin.....aš bez toga siguro bin počel nabijat z glavun va zid
Ja stvarno ne znan ča je timi ljudimi...koda mene boli kurac ča se neki va holivodu oženil rastavil ili napil.....da kega od njih poznan onda bin još i poslušal ali ovako.....ma....ča reć....
Ti judi koda nimaju pametnijega dela...još da ki muški to kupuje razumel bin...to mu j za kućnu upotrebu ali ovako...ženske te s tin samo zadave......i ča reć...današnji mladi se ne znaju zabavit mislin side pred televizjun igraju igrice......mulac od 8 let zna više o kompjuterimi nego ja.....ali kad rebi zić van..neeee! Nača j svit spal? Strah me j pomislet ča će bit z judimi ako na mladimi svit ostaje
- 21:56 - Komentari (32) - Isprintaj - #

utorak, 15.08.2006.

JEDNA KANCONICA!!!!

Judi ko prvo...drago mi j ča se slažete s manun oko posta prije.......hvala na temu.....
Evo sad san napisal jednu pjesmicu...točnije prepisal je pa mi recite kako van se pijaža...

ŠEST ŽEN!!!

Šest žen san imel
od kako san živ
i sih je šest krepalo
al nisan ja kriv

Prva j bila lipa
imela j veli nos
poprezala bi vraga
a ja san hodil bos

Dopejal san drugu
jaču leh krokodil
Bog dragi je bil predobar
pa nas je razdružil

Treća j bila prava
još lenija leh krava
za misec dan je dobri Bog
izbavil me i vraga tog

Četrta j bila mlada
nju saki j imel rada
večer bi prošla van
i vrnula se drugi dan

Došla bi jutro kod da bi s pira
pejajuć kakova kavalira
našminkana i krmežljiva
i ne baš preveć sramežljiva

Za tri dani opet dojde
ta prokjeta vražja baba
ja palicun puf po glavi
rastegla se j baš kot žaba

Peta i šesta su mi bile
dve sestrice kod dve vile
prokjete in kosti bile
one su me naredile

Krepale su obedve
va miseca tri i pol
ne smin reć ka j to bol
aš bin vredjal krasni spol

Ma ka bi od vas sada rada
imet muža tako mlada
ta će morat k meni doć
na provu bar jednu noć

Ala pa mi recite ča mislite!
- 22:33 - Komentari (27) - Isprintaj - #

petak, 11.08.2006.

ALI J TO GRDO!!!!!

Moran van reć da mi j grdo.....složili se vi s manun ili ne....kad čujen nekoga mulca ili malicu ka j z Grobnika Kastva Matujih Lovrana ili bilo kega domaćega mesta pa da reče da j z Rike....to j meni koda se sramiš svoga kraja...aš ča god bilo ja nisan ričanin...ja san Grobničanpartypartypartyi s tin se ful ponosin....
Kadi god da dojden ja ću reć ja san z Grobnika......a mislin da bi i tako drugi judi rabeli reć..
I još mi j isto grdo kad čujen da roditelji ne uče svoju dicu domaćen jeziku...mislin ča j to neka sramota....pa tako su naši stari od vavik povedali....ča mislite da su oni prišli v Riku i va butigi pitali.....gospođice imate cipele broj četrdest i dva?...kurac od ovce su.....ja se još spametin pokojnoga nonića kad je šal va butigu...lipo bi došal...znel kapu i pital prodavačicu....ej šinjorina imaš mi morda postol otprilike velik ko moja noga.....smijehsmijeh...morda i to nij najpristojnije ali ča ćeš.....sejedno nono mi j bil pravi čovik.....da se vrnen na temu....dica tako više ne govore...čul san čak da ih i va školi kazne ako počnu govorit po domaći...mislin baren kad san ja šal va školu... a bog i vrag znaju da j to bilo pred dva-tri miseca....mene su si pustili da povedan po domaći...čak i na hrvatskemu jeziku......a ako me nisu ča razumeli pitali su.....nij bilo nikakovih kažnjavnj....
A i kad malo čovik boje pogjeda....koda se samo čakavski zabranjuje....mislin na sakoj ovoj novijoj seriji....npr bitange i prinveze naša mala klinika...si govore kajkavski....na onoj sanji...dohajaju samo godti z zagorja i tega kraja....na Big Brotheru su samo kajkavci i štokavci...niman ja niš kontra tega...ali bilo bi lipo da je i ki naš......ili na ovimi talk-showimi....samo tamburice dopeju da sviraju...zač ne malo harmonikaši....i ča je onda čudno da naš jezik pomalo odumire.....i ča se dica srame povedat tako.....
Mislin recite vi ča ćete ali mene to stvarno muči....namcornamcornamcor
ALA UŽIVAJTE!!!!
- 00:56 - Komentari (19) - Isprintaj - #

ponedjeljak, 07.08.2006.

BILO SRANJA!!!!

Ko prvo molin vas lipo da ako ki put pasate uz brod ANTON ki je usidren va ričkoj luci popljuvajte ga va moje ime...i to doslovno mislin....
Ja počel delat utorak aš TREBA DELAT...i doživel takova sranja kakova va životu nis od nikega....ja kad san se prijavljeval za delo rekal san čoviku da niman uopće iskustava na brodu on je rekal ne brini polako ćeš naučit...i ja rekal dobro....2 ure potli on mi je se pičkaral rekal da san govno i da niamn blage...on je mene tretiral koda iman 10 let iskustav...ja san mučal delal i mislel san da će se smirit....i tako prošlo zapolne oko 8 se on defešto napil i i mene va slobodno vrime počel zajebavat....došal mi j va kabinu i rekal da z broda moran maknut lumbrelu žileti i grickalicu za nokti aš to nosi nesriću na brodu....ludludludpo njegovoj logiki na brodu bi si trebali imet brade do kolena i nokti kod pul orlih....idiot...i oko pol noći mene veli da gremo sredit neki kurac va makini...ja velin dobro da bi skužil da j alat rashital po celon brodu i prije nego ča smo počeli san ga JA moral skupljat do tri ure jutro i tek smo oko 5 finili...i onda san moral sav alat pospravit i to j potrajalo do 5i 30...i onda se žali ča san pospan jutro na 7 kad mi j bilo vrime za dignut se....i tako j pasal prvi dan....uza se ča smo delali on mi j non-stop vređal mene familiju prijateli....e izdržal san dos petka po noći i onda me j potiral zato aš san nakon finjenog radnog vrimena popil jednu sportsku pivu...rekal mi j da san alkoholičar i da se kupin...ja san ga poslal va tri pičke materine i šal do,a....da bi drugo jutro to govno od čovika imelo obraz pitat me bin se vrnul nazad aš onda neće moć isplovit........ma ki ha jebe...neka crkne......zato vas molin da...KAD VIDITE TAJ PROKJETI BROD POPLJUVAJTE GA.....A NI VA KON LUDILO NEMOJTE POĆ DELAT NA NJEGA MA ČA VAN OBEĆALI....AŠ TO J NEJGORE ČA MORETE STORIT!!!!!!!
- 00:57 - Komentari (10) - Isprintaj - #

utorak, 01.08.2006.

VA SPOMEN!!!!

Ovaj Post pišen va spomen DAVORU LOKARINU najbojemu najveselijemu i najpoštenijemu čoviku kega san znal......Nisan van ga još spominjal zato aš je poginul pred 4 leta....čera je bila maša za njega pa je već vrime da čujete za njega.......on mi je bil ko stariji brat....vavik vesel vavik za kumpaniju takov se čovik rađa jedanput va hijadu let i ja san imel čast da me j smatral za prijatelja....
On je prvi ki me j počel zimat s sobun na fešte.....iako j bil 4 leta stariji od mene......poginul je kad je imel 20 let...još je bil mladić.....
Si judi ki su ga znali su ga voleli nikad niki mu nij niš grdo zamiril ono ča je delal je postalo legendarno među našun kumpanijun....bil je srce i duša naše kumpanije.....PRAVI GROBNIČAN......kako je vavik govoril za se.....Ja san rojen i odgojen na Grobniku i ja san Grobničan nikakov ričanin ni nikakov halubajac......inače otac mu j z Rike a mat z Viškova doselili su se na Grobnik dok se on još nij bil ni rodil.....bil je vavik prvi na feštah ali ih je volel a bome je volel i rock.......on me je također prvi upoznal s sviton rocka.....ma kad je trebalo poć na feštu odjebal je za čas rock i se živo.....bil je harmonikaš kakovoga više neće bit....pravi čovik......
Mogli smo ga zvat i va pol noći ako nan je ča rabilo zajno bi nan došal pomoć.......jedanput se sjećan da je bil z jednun malicun za ku je govoril da će se oženit za nju....i Coku j bilo loše pa j finil va bolnici......zajedno je pustil malicu bez pardona bez ičega i šal prijatelu va bolnicu....hehehe...kakov je čovičina bil.....
A kuliko j volel maškare iako nikad nij bil va zvončarih nikakovimi.......ne govoril je ja san maškara i tako ću se maškarat da me niki neće znat....i stvarno kad se j omaškaral niki živ ga nij mogal prepoznat.....
Bil je stvarno pravi čovik.....budući da ne znan ča da storin kako bi ga si zapamtili......stavit ću ovu pjesmu.....niman prikladnije....a i on ju je bil jako volel

Watching Over Me

[Schaffer]

I had a friend many years ago
One tragic night he died
The saddest time of my life
For weeks and weeks I cried
Through the anger and through the tears
I've felt his spirit through the years
I'd swear, He's watching me
Guiding me through hard times

[chorus]
I feel it once again
It's overwhelming me
His spirit's like the wind
The angel guarding me
Oh, I know, oh, I know
He's watching over me
Oh, I know, oh, I know
He's watching over me

We shared dreams like all best friends
Blood brothers at the age of ten
We lived reckless, he paid the price
But why? Why did he have to die?
It still hurts me to this day
Am I selfish for feeling this way?
I know he's an angel now
Together we'll be someday

I feel it once again
It's overwhelming me
His spirit's like the wind
The angel guarding me
Oh, I know, oh, I know
He's watching over me
Oh, I know, oh, I know
He's watching over me

POČIVAJ VA MIRU PRIJATELU!!!!!!!!!
- 20:19 - Komentari (11) - Isprintaj - #

<< Prethodni mjesec | Sljedeći mjesec >>

< kolovoz, 2006 >
P U S Č P S N
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      


Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv

Opis bloga

  • Za si judi ki vole zakantat zatancat i zabavit se uz domaću muziku

Linkovi

Dve tri kancone!!!!!

  • ROJENI SAN GROBNIČAN!!!

    I otac i mater tu su se rodili
    I nono i nona su Grobničani bili
    I si su puno lumpali i pili
    I veliku su starost doživili

    Rojeni san Dondolaš

    I naši pranonići vavik su zvonili
    I otac i nono su Dondolaši bili
    I si su puno lomili i pili
    Za maškarami sakud su hodili

    Kad zazvone Dondolaši
    Se se trese se se praši
    Si kantaju si tancaju
    Zvonci jako dondolaju

    Kuda projdu Dondolaši
    Se se lomi se se praši
    Teški zvonci kreče škinu
    Potres trese Grobnišćinu

    Kad se spuste Dondolaši
    Prema Riki uz Ričinu
    Pomest će po Fijumeri
    I po korzu su prašinu

    Kad obajdu Dondolaši
    Se i jednu oštariju
    Strašit će po Grobnišćini
    I po Riki mulariju

    Kad zazvone Grobničani
    Se se trese od žestine
    Odvavik su Dondolaši
    Ponos naše Grobnišćine

    Rojeni san Grobničan


    TU JE JUBAV MOJA
    Kad ja obajden moju Grobnišćinu,
    I z okon kad dotaknen stari grad,
    I kad te ja zagrlin uz Ričinu,
    Moju ti jubav dajen srcen rad,


    A kad se misec digne nad Primorjen,
    I kad mi oko prvin snon zaspi,
    Vrnjan se vavik dragom kraju svome,
    Nigdi na svitu za me lipjeg ni


    Tu je jubav moja i klapa stara,
    A lipi kanat naš leti va noć,
    Sope armonika, prati gitara,
    Meni još vrime ni za doma poć


    Kad se Kvarnerom zasrebrne žali,
    I Platak kad potone već va noć,
    I kad si škoji podragaju vali,
    Ne moren drugo leh opet nazad doć

    Tu je jubav moja i klapa stara, A lipi kanat naš leti va noć,
    Sope armonika, prati gitara,
    Meni još vrime ni za doma poć

    Meni još vrime ni za doma poć

    Tu je jubav moja

    Tu je jubav moja

    ALA HOMO ČA POPIT
    Saki dan naslišan vjesti
    ča je bilo ča će bit
    ča se j novo dogodilo
    kamo gre ovasti svit
    Ma govore bit će boje
    samo rabi se strpit
    a ja ćutin da pomalo se gre v rit

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    Šla je benzina opet gori
    se će drugo poskupit
    samo režije i špeža plaću će mi potrošit
    zadnju kunu ča ostane neću va kalcetu skrit
    nego z vami poć ću žmuj vina popit

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    Žena stalno neč mi njurga
    i ne misli se fermat
    ča kadi i s kin san delal se ona bi tela znat
    svit takov je ča se more
    teško ga je prominit zato još
    jednu ću turu naručit!!

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT