SE LIPOTE,ČUDA SVITA NISU SJENA KRAJA MOJGA

četvrtak, 04.05.2006.

ISPRAVAK

Moram se izvinit zbog onih stvarih ča san čera napisal o Rijeci....ko objašnjenje moran dat da je blog bio napisan prije nego j utakmica uopće počela....sad u ispravku moran htio-ne htio....izviždat Rijeku zbog one sramote ku su nan storili va VŽ-u....
Ko prvo sramota j da su zgubili 5-1.....i to uz 2 pogodka poništena(varteksova).....istina j da su igrači varteksa bili va opsajdu ali sejno....bili su puno boji nadigrali su Rijeku va sakon pogledu....skoro da j šteta ča oni nisu osvojili Kup......ispričavan se Armadi ali tako stvari stoje
Po meni čista srića j spasila Rijeku...svaka čast Vugrinecu.....
Mislin čovik nima ča reć na tu blamažu.....iskreno žal mi je ča Armada nij izviždala Rijeku potli utakmice.....zbog toga se nima ča veselit...
Čista katastrofa.....lako ča Skočić govori da su bili umorni zbog 3 uzastopne utakmice....to sejno nij opravdanje.....
Ko zaključak moren samo ovo reć
VARTEKS SVAKA ČAST......RIJEKA SRAMI SE!!!!!!!!!!!!!!!!
- 22:32 - Komentari (0) - Isprintaj - #

<< Arhiva >>

< svibanj, 2006 >
P U S Č P S N
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        


Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv

Opis bloga

  • Za si judi ki vole zakantat zatancat i zabavit se uz domaću muziku

Linkovi

Dve tri kancone!!!!!

  • ROJENI SAN GROBNIČAN!!!

    I otac i mater tu su se rodili
    I nono i nona su Grobničani bili
    I si su puno lumpali i pili
    I veliku su starost doživili

    Rojeni san Dondolaš

    I naši pranonići vavik su zvonili
    I otac i nono su Dondolaši bili
    I si su puno lomili i pili
    Za maškarami sakud su hodili

    Kad zazvone Dondolaši
    Se se trese se se praši
    Si kantaju si tancaju
    Zvonci jako dondolaju

    Kuda projdu Dondolaši
    Se se lomi se se praši
    Teški zvonci kreče škinu
    Potres trese Grobnišćinu

    Kad se spuste Dondolaši
    Prema Riki uz Ričinu
    Pomest će po Fijumeri
    I po korzu su prašinu

    Kad obajdu Dondolaši
    Se i jednu oštariju
    Strašit će po Grobnišćini
    I po Riki mulariju

    Kad zazvone Grobničani
    Se se trese od žestine
    Odvavik su Dondolaši
    Ponos naše Grobnišćine

    Rojeni san Grobničan


    TU JE JUBAV MOJA
    Kad ja obajden moju Grobnišćinu,
    I z okon kad dotaknen stari grad,
    I kad te ja zagrlin uz Ričinu,
    Moju ti jubav dajen srcen rad,


    A kad se misec digne nad Primorjen,
    I kad mi oko prvin snon zaspi,
    Vrnjan se vavik dragom kraju svome,
    Nigdi na svitu za me lipjeg ni


    Tu je jubav moja i klapa stara,
    A lipi kanat naš leti va noć,
    Sope armonika, prati gitara,
    Meni još vrime ni za doma poć


    Kad se Kvarnerom zasrebrne žali,
    I Platak kad potone već va noć,
    I kad si škoji podragaju vali,
    Ne moren drugo leh opet nazad doć

    Tu je jubav moja i klapa stara, A lipi kanat naš leti va noć,
    Sope armonika, prati gitara,
    Meni još vrime ni za doma poć

    Meni još vrime ni za doma poć

    Tu je jubav moja

    Tu je jubav moja

    ALA HOMO ČA POPIT
    Saki dan naslišan vjesti
    ča je bilo ča će bit
    ča se j novo dogodilo
    kamo gre ovasti svit
    Ma govore bit će boje
    samo rabi se strpit
    a ja ćutin da pomalo se gre v rit

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    Šla je benzina opet gori
    se će drugo poskupit
    samo režije i špeža plaću će mi potrošit
    zadnju kunu ča ostane neću va kalcetu skrit
    nego z vami poć ću žmuj vina popit

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    Žena stalno neč mi njurga
    i ne misli se fermat
    ča kadi i s kin san delal se ona bi tela znat
    svit takov je ča se more
    teško ga je prominit zato još
    jednu ću turu naručit!!

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT

    ALA HOMO ALA HOMO ČA POPIT
    I NA BRIGE POZABIT
    ALA HOMO ALA HOMO ČA POPIT
    MALO BOJE ĆE NAN BIT