... da ne zamirite, i ja san, davno, obaša cilu županiju, i šire, sa mlaznicon u ruci i brentačon na kostima, ma koliko mi šutjeli o tome ...
E, i zaboravija san napisat, član sam DVD "Mladost" čin san uspija nagovorit mater da mi se potpiše na pristupnicu, od 1977. godine.
Ča bi napisa, a da nisan napisa lani, na prvu godišnjicu
Ča se prominilo, od prošle godine? Ništa se još rasvitlilo nije, bidnoga Slavicu su pustili vanka prežuna, i mislu oni da je ujija vuk magare ... Premijerka je bila položit vijence onako, ka da gre, uz dužno štovanje, prijateljici iz škole ocu na greb ... i to je sve???
Oli Van godišnji odmori ne dopuštadu da se barenko protokolarno pojavite tamo di triba?
Ali, ča se čudin, proklet smo mi svit. Nikidan san seja jednoga bivšega susida, da ne čeka autobus ... i kroz priču on mene udre besidon, ka macon po glavi, da neš ti vatrogasac, oni su se ionako upisali u društvo da moredu dobit mukte cisternu vode.
Idući put neka čeka autobus
Svojedobno su neki govorili i da je u našen društvu kupljen kompjuter da se ja mogu igrat u domu
Di su granice ljudske gluposti???
Ljudi moji, ljudi su poginili, veliki dil od nji je tamo bija DOBROVOLJNO, niko i nije natira ...
Je li žalosno da jedinu sliku kojon ovo mogu ilustrirat donosin ka autorsko djelo skupine koje svi mi, i ja puno puti, držimo ka skupinu pijanih, razularenih i nadrogiranih budala.
Ali koji, za razliku od onih kojima je to u opisu radnoga mista, jemadu bar malo SRCA! Pa neka je i HAJDUČKO
Svima ovima, koji bi tribali malo više računa povest o ovome ča se dogodilo i da se više nikad ne ponovi, opet jedna pjesmica za kraj ...
... i zato, u ime istine, poživi nan Frane Lučiću još dugo, nadživi ove ča su ti usta začepili, i progovori
Da završin u stilu Branimira Dopuđe, pozdrav svin gasiteljima na svitu, ma gdje bili ... i neka vas Bog sačuva onakve kornatske sudbine!
Update, 30.08.2009.
Zanimljivo, gledan danas po televizijan komemoracije, sviman su usta puna tragedije ... a niko ne daje odgovor na jedno pitanje koje viri iz svega ovega: A zašto nimamo deset kanaderi?
Jer ... da i je bilo toliko, ono bi se nazad dvi godine poškropilo iz zraka i, kako se reče u mome selu, svršila Mare zavit.
Nji dvanaest među nama i Frane zdrav i čitav ...
ča su ti usta začepili, i progovori 
