Večeras, subota, šesti desetoga, je bija prvi party mašogradskoga portala ...
Ne mora uvik bit da se prvi mačići učidu plivat ... zborno misto Sokolana ... svašta je @grgur u pozivnici nadrobija, a i sam san pratija razvoj situacije, povirija bi i bacija koju koščicu, tu i tamo ...
Ča se mene tiče, okasnija san, po običaju, ali vidin da nisan bija jedini koji jema takove navike ...
@umorno_oko, @acivi, @gregor
... kad san stiga, deboto smo svi mogli stat za jedan stol.  Na moju veliku žalost, mora san rano poć ča, jerbo mi je malo trokira baka_servis ... primila je danas blokadu u nogu, a likar je pita da čin se ona bavila kad je ovako satrala kolino. Sva srića da ja nisan bija sa njon u likara jerbo bi mu reka da je igrala livo krilo sa Macon Maradonon ... ali nema veze, mater me ionako ne bi razumila  ionako je izgubljena za ovu sezonu.
Još dokle san ja bija, podilile su se nagrade, majice i još ništo utvrdo ča nisu slikali, sa "Osobu lita", našega Ramba Gumenoga ...
@rambo_gumeni, @gregor
... a i @toji, za posebne zasluge za inovacije na području litnje zabave u Mašogradu, da ne rečen "Noć vatrepola" (prepisano sa plakata).
@tojo i @gregor
Zli jezici bi kazali da će sad napokon @toyo moć nosit majicu koju nije užica, vengo koju je pošteno, i to debelo pošteno, ponavljan, zaslužija ... I da ne zaboravin, danas san ga vidija kako na benzinskoj pumpi nije tija stat jednoj prilično provokativno obučenoj autostoperki, i reka san da ću ga za to pofalit ženi. A kako mu ne znan mobitel od Zakonite, evo, napisa san ovde, jerbo je @denči izjavila da redovito čita moj blog, pa neka ovo svati ka obavijest 
Nije se zaboravilo ni na @iskrenoga, kojega je, kako je reka @grgur, zapravo bilo svugdi ovo lito, ajde, nije spomenija ono za otvorit paštetu, ali to je visilo u zraku 
@iskreni i @gregor
Doša je na red i @acivi, koji je pokrenija velike bure i vatrene oluje na Portalu vatrogasaca Hrvatske na kojemu smo svi tražili najfriškije informacije o vatrogasnin pitanjima i odgovorima, pogotovo tijekom Kornatske tragedije ...
@gregor i @acivi, za divno čudo na desnoj strani slike :-)
E, onda san već pomalo mora partivat, posli je, ka ča je i red, došla na red i torta ...
... ka i na svakome pravome partiju, a i ekipa se, kako piše @gregor, polako počela okupljat. Jema bit da ipak većinu članov Mašogradskoga portala čine noćne ptice, a ne kokoše ka ča san ja koje moradu rano poć spavat, makar iz opravdanoga razloga ...
E, a koji je moj opravdani razlog?
O tome, nadan se, vrlo skoro ...
Zdravi i veseli bili 
P.S. Skoro da san zaboravija napomenit, zafaljijen za slike @gregoru, adminu sa mašogradskoga portala jerbo su meni, velikome tehničaru, dotekle baterije jušto za jednu sliku. Amen!
|
