Zašto mi je pala napamet legendarna scena partije pokera braće Dalton, kad su sva četiri imali u rukan poker asi, a jedino je najvećemu i najglupljemu od nji palo na pamet reč onu čuvenu rečenicu, napisanu u naslovu ...
E, pa valjda zato, radi ovega MEME ili kako se već zove, koji mi je već seja navr glave. I to više puti ...
Zato, pri svisti, pod punon moralnon i materijalnon odgovornošću,
MOLIN
KUMIN
PREKLINJEN
svekoliko blogersko pučanstvo, da me ne upliće u nikakve štafete, oli pancire da ne rečen lance sriće, pa bija to ko zna koji svetac u pitanju.
Ne volin to.
I ne moran to puno objašnjavat.
Ne volin lagat.
Osin kad san na to primoran 
Pišen puno na blogu, ali ne želin ovde ka na oglasnoj ploči reč nike stvari.
Ako želin nekome nešto povjerit, napravit ću to osobno.
Šta ću kad san konzerva. Ne more mi niko pomoć ...
Zato još jedan put molin da me niko ne nominira, oli kako se to već zove, jer NE ŽELIN to pisat, a još manje želin bilo koga uvaljivat u to ča i sam NEĆU radit.
Ubijte me, meknite me na IGNORE listu, ali takvi san, i ne mogu sad nanovo se odgajat ...
A ča se tiče sastanka blogeri, neće bit izvješća. tako smo se dogovorili mi ča smo bili. A oni svi koji nisu došli, neka se grizu ... ne mogu in pomoć.
Nisan se odavna tija javit, jerbo je Prinčipesa opet krenila u vrtić, tj, jaslice, opa da ne gatan ...
Eto, izdržala je cilu šetemanu, doduše sad se tužila da je ka ništo malo uvo boli, ali ništa ča malo kapljic ne more rješit. Narodni ljekovi činu čuda, ka i "grupni" odgoj u vrtiću, ono ča joj mater i otac, sve babe i dide ne moredu dat, ma koliko se trudili ...
Dunkve, vidila je kako druga dica gredu u kondut (WC, za sjevernjake), pa gre i ona ... grupna "terapija" je grupna terapija, ma koliko mi šutjeli o tome ...
Stojte mi dobro ... i čujemo se skoro ... selidba uskoro, pa bi se lako moglo dogodit da sljedeće javljanje bude sa nove adrese. Dovidova! 
|
