...ko je kriv!?..
...jema bit da se svi to pitaju.... e vidite, a ja nisan. Mislin, moja jubav je uvjerena da san ja izazva prekid, vi koji čitate se pitate ko je?, a ja......ja ne......ja ovod pišen da se vidi kako je bilo i ča je bilo......ko je kriv ili nije kriv, šta se mene tiče je potpuno nebitno, bitan je brak, familija, ali.....ali tega više nima, pa je sve nebitno. Nisan ja ovod da i Vi koji čitate sudite, ne ja san ode da pišen i da oni koji se pripoznaju učidu na mojin greškan i da ji ne ponavljaju, jer ja, ......ja bi se pri par godin kleja životon u moju Ružu, a sad, ma i sad bi opet jer ja nju i dalje volin, neka me ne šljivi ni dva boba....skupa je s menon pod istin krovon, spava eno na kauču u dnevnon boravku, stan je već iznajmila i plaća stanarinu, ali ne gre ća jer nima uvjeta za stat u stanu, a ja da san muško davno bi je špedija, ali nisan......kad odu meni će ostat 50 ijad kun kredita, 15 ijad kreditne kartice, dajnersa 40 ijad, minusa pet ijad, dug za struju 5 ijad,.....i sve ću ja to vratit....., a štaš kad nisan muško i moš mislit, još mi zakonita reće da jesan li ja svjesan da ću morat plačat alimentaciju, e još san zaboravija i dičiji već godinama gre na njen račun 2 ijade kun....
E sad....kad ovo sve se pročitat, odma bi judi minjali karte i rekli:..ma vidi kurbetine ča zajebaje poštenog čovika, ali nije tako, istina je negdi u sredini. Svako ima svoja nika objašnjenja za i protiv. Ja mislin (hm ja mislin, neš ti mene...) da nije tribalo ovako završit, ali ništo na šta ne mogu utjecat, šta ću sad...Mislin, utjecaj na život dice je bespovratan, oni friž na srcu ča ćega nosit dok su živi me najviše boli, ja ta sva četri na svon nosin i još i peti, oni njezin......ali nekako opet se ponavljan, Bog je tako zamislija, neka tako i bude...
A ja nikako da počnen priča prva, priča druga....doša san do osamneste, a jeman ji 43, ovin tempon za deset godin ćete skužit ča je bilo, ako budete živi, hahha....Inat, hm, vrlo zajebana stvar,.
Oznake: deep night
06.03.2016. u 00:08 | 1 Komentara | Print | # | ^