Praznici br. 3
Ajme svitu sta me je namucia ovi post, vec mi ga je dva puta poilo, a prin nisan moga pisat kako san bia obeca jerbo san ima stress radi testova u skuli pa san ceka weekend.
Bia san jos svugdi, ma mi je bilo lipo kad smo Mama i ja jedan dan poslin obida isli malo prosetat.
Dida i Baka su bili zaspali, a mi smo isli opet malo uzbrdo. Mama mi je rekla da cemo vidit puno malih crkvica usput i da provan upatint koliko hi je.
Ova se zove "Sv. Ivan na Grebenu". Tu bude misa dva puta u lito kad je sveti Ivan, prvi put je kad je najduzi dan i najkraca noc u godini, pa se onu vecer prije pali vatra i svi priskacu priko vatre i mama govori da stari judi pivadu: Ivana do Ivana dee, da me glava, ruke, noge ne bolee. Sican se ja te vatre i priskakanja kad sa bia mali, a sad od kad gren u skulu ne mogu bit kod Bake u to vrime, griota bas.
A malo daje je jedan pravi, pravcijati izvor. Ime mu je "Vrbica", i skroz je interesantno da one godine kad Februar ima 29 dana u njemu nema vode. Uopce mi nije kjaro kako to more bit, ili to mozda ima kakve veze sa Misecon kako i plima i oseka.
Onda mi je Mama pokazala skulu u koju je Baka odila.
A bidne skule, isto mora bit da je bila lipa onda kad se zivilo ovde, Baka je pricala da su sve uz put bile ruzice i da su lipo vonjale i da je bilo puno cvica.
Bilo nan je puno lipo, pa smo trazili kraci put, pa smo se morali vracat jerbo se radi pozara sve isprominilo...
Bili smo vidili sve skupa 6 crkvica.
Druge dane san se jos igra na nason plazi:
A najboje o svega je sta san upozna Tetu Kasetu. Uspili smo se trefit na kafici i pagicu i to mi je bilo puno, puno drago.
Ovo su nas fotografirali niki judi kad smo bili isli ca. To smo: moja mama (ona nema Blog) Teta Kaseta, Peskafonda i ja.
Ja san jos fotographira ovu grubu plasticnu kesu u moru na Bacama. Isto san objasnija nikoj tamo dici sta su govorila njemacki da se tu igra picigin zapravo.
Eto tako mi je bilo puno lipo, a onda opet u skulu...
Snerva me ovi post i ovi Image Shack i sad drito gren u posteju.
Laku van noc svima!
vas Oceancic :°
|
