Ocean

utorak, 26.04.2005.

Praznici br. 2

Eto tako po redu, malo san bija s mojin papon i cinili smo gradele-party, ma mi je camera ostala bez baterije - grijota... Onda smo se dogovorili s cilon ekipon za uspet sa na Imber.

Dan prije je puvala buretina pa do zadnjega momenta nismo znali ocemo li uopce krenit. Onda je ipak to jutro bilo lipo suncano vrime s pinkicu bure koja je poslin skroz pristala.

Autima smo dosli povise Borka, natrpali u ruksake vodu, spizu i jakete. i saputili se uzbrdo...
Iako je put bia naporan svi smo gustali.
Imber je planina u Omiskoj Dinari koji je 853m nadmorske visine, a to van je ka 3 Commerz Banke.

Evo nas ekipa isprid sklonista, tu smo popili caj i malo se odmorili:

ali ova kucica je na 650m nadmorske visine. Gori su vec bili neki veliki planinari, cini mi se iz Rovinja. Neki su isli skroz do vrja, mi nismo jerbo je s nama bia i mali Jakov, on se bidan bia skroz umoria a tata ga nije moga vise potezat uzbrdo. Osim toga put je ti zadnji 203m skroz strm i na nika mista kamencici se odronjavaju..Ja cu ipak poc jedan drugi put s Papon i Mamon jerbo oni znaju napamet sve te pute uzbrdo.

Mi smo trkali okolo i igrali se na kukalo, pripremili drva za gradele u jednome starome sklonistu sta je bilo malo dalje, onda su veliki gradelavali a mi smo sve poili.

Bilo nan je stvarno lipo. Kad smo se penjali slika san ovi Omis za blogic:

Samo sta su nas noge puno vise bolile kad smo se vracali nego kad smo se penjali...

Posli smo svi isli na kaficu i kolace kod prijateja.

Tu je vecer i Papa umra.

- 20:12 - Komentari (11) - Isprintaj - #

ponedjeljak, 25.04.2005.

Praznici br.1

Bia san lipo obeca da cu napisat kako nan je bilo u praznicima za Uskrs, sad san taman napisa postic i tia stavit veliku fotografphiu, a mama me zblesila i sve mi se poilo pa moran ponovo pisat.
kako nan je bilo na festi o Bakinoga i Didovoga vincanja je vec moja Pescafonda sve napisala pa ja ne triban puno govorit, samo da nan je bilo svima puno lipo, a najvise su gustali Baka i Dida.

Ja san se ka i svaki put lipo igra i vata frisku ariu okolokolo kuce i bas san gusta jerbo se nije tribalo ujutro rano dizat iz posteje.

Bia san i na planini sta mi je Mama bila obecala, ma nismo uspili poc na Korculu jerbo je zapuvala bura pa je mamu bilo straj da necemo stic na avion.

Jedan dan san vodia Mamu u grad i sve san jon lipo pokaza sta mi je vec prije bila utuvila u glavu. Sve po redu: di su zlatna, srebrna, zeljezna i drvena vrata o grada, di je Dioklecijan obidvava, di je cinija diradu prije spavanja, di je pozdravja svit i di je drza uje i vino... sve san jon lipo objasnija, ona je samo rekla: "materino dite".
I svidja mi se kako se oni Buvina sitija ucinit cilu Bibliju na onin vratima za jude sta nisu znali citat.

Cesto bi isli prodirat po gradu, Mama je opet malo bila po butigama o postoli, ali nije bilo tako lose jerbo su butigice male i smisne, i oni internet caffee "MRIZA" je skroz dobar, mama je tribala pogledat maile a ja san malo bia gleda blogove.

Bas smo gustali... sad mi se spava jerbo ovo pisen vec drugi put, pa cu nastavit sutra.

Laku noc svima!
vas Oceancic

- 20:02 - Komentari (4) - Isprintaj - #

ponedjeljak, 18.04.2005.

Evo me...

Fala Bogu napokon sve opet funkcionira, jerbo mi je mestar najboji na svitu. Pozdravjan te Ivane i puno, puno ti FALA!!!

Sad mi se stvarno spava, sutra bi vise pisa kako nan je bilo u praznike.
Ovo mi je sada malo gust klapat po mome Computeru pa cu samo napisat moj domaci o danas.

Problem 21:
za ulaznice o neke feste se dobilo 3920 kn.
Ulaznica za Velike je kostala 5kn, a za Dicu 3kn.
I za Dicu i za Velike se prodalo jednako Ulaznica.

Koliko je ulaznica prodano dici?
Koliko je ulaznica sve skupa prodano?

Meni je bia bas zabavan ovi Problem, a tata o moga prijateja iz razreda je sve zivo izbuca...

- 22:36 - Komentari (4) - Isprintaj - #

<< Prethodni mjesec | Sljedeći mjesec >>

<	travanj, 2005					>
P	U	S	Č	P	S	N
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30