U malon dalmatinskom mistu, nakon što je odgledala Dnevnik, baba se zaključala u WC i iza zatvorenih vrata nariče i kukuleleče… Baba: AJME JUDII KOJA TRANGEDIJAAAA!!! AJME JUDII MA ČA JE OVO, MA ČA JE OVO JUDI MOJI GOSPEMOJAAAA!!! ČA JE OVO OVEN SVITU DA JE VAKO POLUDIJAAAA – AJME JADEN NEBIJA ČA ĆEMON BIDNI SA, A ČA ĆEMON A KAKO ĆEMON, EVO UMIREN, UMIREEEN, A KOĆE MEN SPASIT!!! AJUJUUUUUU!!!
Dida s druge strane vrata: A Luce moja ča se zbilo!?! Ča se sa zbilo??? Ča si sa u Dnivnik vidla?? Ča si sa vidla soko moje okolovo, oko moje ćoravo, ča te sa´znemirilo, aaa??? Baba: AJMEEEE MENIN NE PITAJ, NE PITAJ MOJU NEVOJUUU, NE PITAJ MOJEGA KRIŽAAA, AJME NAMIN SVIMAAA!!! AJUJUJUUU!!! Dida: A ča si sa vidla, nu mi rec!! Ča si sa vidla ka ti je i dotur bija reka da Dnivnik više ne smiš gleat – ka te Dnivnik vaik zašokira!!! Ča si sa išla gleat, kapulicu ti trdoglavu, aa?? A da ti oto nije ča su one buve cilo selo izile?? A da nije oto?? Baba: A NIJE OTO, AJMEEE KOJA TRANGEDIJA, AJME ČA JE OVO SUSVIT SVITA SVITE MOJ, AJMEEE!!! Dida: A da nije oto ča je našega Videla polomlo,a? A da nije oto?? Baba: A NIJE OTO, AJME BIDANTIJE JADAN NEBIJA I MI TUTE SANJIZIM, AJUJUJUUUU!!! Dida: A da oto nije ča je zemju u Japan treslo a?? Baba: A NIJE OTO, AJUJUJUUUU NESRITNJACI SMON SVI, AJMEEEE!!! Dida: A da nije ča su oni bidni judi u Kinu, pod zemju u rudnik ostali, a?? Baba: A NIJE NI OTO, GOSPESINJSKA I SVISVECI POMAGAAAAAJ!!! Dida: A da nije ča su u Inrak ukreli oni 380 toni sploziva? Da nije oto?? Baba: A NIJE, NIJE NI OTO, AJME BIDNITISMO SVISKUPA AJMEEEE!!! Dida: A da nije ovi našizin šover u Inrak ča se bidan zagubija, mere da je bidan i glavu zgubija, aa?? Da nije oto?? Baba: A NIJE, NIJE NI OTO, AJME BIDAN TIJE SKOČIMU SVI SVECI i ANGELI UPOMOĆ, A ČAĆEMO MI I KUĆEMO MI JADNANAN MAJKA SVIMAZIN, AJMEEEEE!!! Dida: Pa ča je unda?? Pa ča unda´iše mere bit!?! A koji je unda javal – vrag mu sriću izija??? Baba: MA NEZNAJEŠ TI OTO, NIJE JAVAL NEG IGORE O´CRNEG JAVLA, NIJE JAVAL NEG – DUŠMANJIN!! DUŠMANJIN JE OTO, AJMEEEE NAMIN SVIMAN SKUPA!!! Dida: Dušmanjin??? Ma koji sa´dušmanjin takot Is´sa!?! Baba: PA DUŠMANJIN NA DVANESTERCU, A DAKOJI ĆE BIT!!!
DUŠMANJIN NA DVANESTERCU NAŠEG MIJON-MIRA POKOSIJAAA!!! AJME NAMIN SVIMAN KOLKO NAS SVIJU IMA AUUUUU!!! A MIJON-MIRE MOOJ, VANJSKOSTRANJSKI MINJISTRU MOOJ!! POKOSIJA GA, POKOSIJAAA!!! A TAKI JE DOBAR BIJA, TAKI JE VRIDAN BIJA, TAKI JE KI ONIZIN SI-SI IZ SANTEBARBARE BIJA, MA KI ANGEL JE BIJA, A VID ČA GA SA DUŠMANJIN O´ČIRA POKOSIJA I U BOLNICE KI VRANJU ODVEZLO, AJMEEE!!! Dida: A e, biće ča je malo puno – ljobira. Baba: A PUNE JE VRIDAN BIJA, ČIN GA U DNIVNIK METILO – MORA DA JE TAKI BIJA, UDMA JA TO ZNAN, SE JA ZNAN!!! ČIN GA JE U DNIVNIK METILO!!! AJMEEEE A KAKO ĆEMON MI BREZ NJEGA, AJUJUUU KAKO ĆEMON MI RVATI BREZ NJEGA – JADNITISMON SVIMI SKUPA, AJUJUJUUUU!!! A KAKO ĆEMON - NIKAKO, NIKAKO, ETO KAKO – SE JA ZNAN!!
EVO BREZ NJEGA UDMA NEMEREN NI IST, NI PIT, NI PIŠAT…
Dida: A unda ka ti nemereš – izlaz otale i pušć mene
da se ja ovega svojega dušmanjina rišin, jerbo nemeren ´iše trpit, jes čula!! Baba u šoku: A Tonko moj – a oli iti imaš dušmanjina ka i Mijon-mir?? Pa ča unda nisu i tebe namečili u Dnivnik?? Oli i ti tvoj dušmanjin nije od drževneg intereša??? Dida: Tote ti je Luce moja takozin jer je dušmanjin drževneg crijevca vaik veći od dušmanjina narodne - proštate!
A sa me Luce pušć više unutri, da se ka čovik olaškan.