Ča san ono nikidan napisa, da se Vinka još ne zna privalit sa leđa na drobčić. Tako mi i triba, ka da san gata ... e pa savladala je gradivo :-( sve me je straj da ću joj morat uz čučin stavljat i kacigu. Onu ka iz američkoga fuzbala. Dite je bilo malo živahnije i nastavilo se okrićat, ali je kauč bija kratak ... srića i Bog, dobro je prošla, malo plača i sve je bilo u redu ... ali je to sinjal da se nije više za zajebavat. Njanci poč se popišat pa je ostavit samu. I to se izvrnila iz one male ka gingalice, neznannijakakosezove ... jučer smo jon, glede toga, namistili i katrigu u auto ... nije jon se baš svidilo, ka ča se vidi i na slici. Sve gleda kako će uteć, ali onda, kad je vidila da nima di, počela grintat pa smo je morali izvadit vanka. Rekla jon je istoimena baba da onako sapeta u katrigi pari astronaut :-) nima veze, naučiće se na katrigu. Lipo ću je montirat izad mene, ionako tamo ne more niko sidit, jer me, fala Bogu, jema bokun, i na balanci i na metru :-)
Post je objavljen 05.10.2004. u 09:45 sati.