Stovani stioci,
Steta ca na ovomen kompjuteru nima harvaskih slov pa da me morete tocno razumit ca van to povidin po visku. Ma, necete puno falit ako vazmete zdravo za gotovo da nima ni ch ni sh ni zh vengo c s i z i da se svaka ric rastize ka zvoka.
E, homo pocet. Parvo, ka ca san piso u prethodnu libru, sakupila se mola banda iz sridnje tehnicke skule u Splitu, ca smo hodili zajedno u razred. Dugo se nismo vidili, mozda 9 godisc, a duh zive zafrkoncije je jos osta. Cin smo se nasli, poceli su navirot u memoriju sve one smisne stvori ca smo ih ka dica paricoli i izvodili u skulu. Bilo je tamo i vezanih za cabla posli velikeg odmora, bilo je slomjenih zub posli trulih kobila i tako daje i tako daje. Za ne falit, mi smo odlucili ucinit ovi susret priko vikenda, mislec da ce nas domacin bit slobodan, jer atroke nesto cini priko sedmice. A ispalo je obratno. On je bi toliko zauzet sa svojin "hobijima" da nas ni stiga posteno ni vidit. Zato smo vazeli stvor u svoje ruke i poceli istrozivat motorinon ovi prekrasni otok sa svojin skojin. Bilo je puno lipo, tocavali smo se u Srebrenu, positili Titovu spiju, provali gledat Italiju sa Huma, jili u posebnoj domacoj atmosferi kod Darka u Zenu Glovu, smijali se tovaru koji ulazi u restoran ka da mu je doma i pasu koji se vece voli mazit sa furestima vengo tirat koze nase u ogradu. Jucer smo jemali neocekivanu avanturu koja je, sricon, dobro zavrsila. Tili smo hodit parvo u Molu Trovnu, koja je s vrimenon postala mantra ovoj mojoj vlaskoj sempji. Mola Trovna pa Mola Trovna, svako 10 minuti je ponavja u ova tri dona. Nasa ju je bez ikakovih instrumenti, iako nikad ni bi tamo. Tribalo je hodit dosta vrimena pa smo odustali i tili poc u Stinivu, harvasku verziju The Beacha, di je sniman oni film sa Visnjicen i kumpanijon. Posli nekoliko falivenih mista, konacno smo nosli di se gre za tu valu. Parkiroli smo motor, krenuli puton i skoro svatili da smo puno falili i da smo dosta daleko. Ajde, lipo je vrime, ajmo mi ca puton do prve vale, pa cemo onda uz more do Stinive. Dosli smo do vale i nismo izdarzali hitit se u more, koje je bilo neopisivo cisto i lipo. Posli smo se uvatili hodit po stinam i usrid nicega nasli dvi smisnice kako cakulajedu na sikama. Pustili smo jih jer se nase pentranje i savladavanje stina pretvorilo u tiho natjecanje ko more vece hodit bez ruku. A tribalo je skokat, hodit po strminama, pazit da ne padnes u more sa opremon itd. Posli dvi vale, konacno smo nasli tu lipotu od Stinive i stvarno je nesto. Samo, posli smo vidili - jema jedon moli problem. Mores joj pjeske doc samo s jedne strone, a to ni bi nas put. Uskoro smo sidili na vrhu 15-metarske stine koja se okomito spuscala u more i mogli smo se jedino hitit sa stvarima u more. Gori se ni moglo, jerbo je dosta strmo ili jema puno gustega garmja kroz koje triba proc. Posli "vjecanja" odlucili smo ipak poc niz garmje. Posli jedne ure dobroga tempa, izasli smo na put, cili izgranfani i isfrizoni od hodenja niz vegetaciju. Jemali smo osjecaj ka da smo se sa fronte vratili, a ne sa ploze. Posli smo otisli u Komizu i tamo se okripili veceron. Voznja motoron nase u Vis je bila dokaz kako se covik more smarznit u minut usrid Dalmacije. Nisan dobro spi proslu noc, gren ubit oko, na trajektu za Split san mora slusat puno necega ca mi ni bilo po gustu. A i domacini u Vis su nas ubili spizon, ka projci smo dosli u 3 dana...
Post je objavljen 20.09.2004. u 15:29 sati.