U malom dalmatinskon mistu, kasno navečer, baba i prva susida na TVu gledaju Batmana… Susida: Ajme ča će nan sad bit lipo, ča ćemo sad uživat – samo mi ženskinje a?! Baba: A je, je – oni moj odlučija ranije poć leć, a i boje je da nas dvi same uživajemo! A ča je ovo u ovem filmu? Ča se tot događa, ča veliš sucida? Kad će se pojavit ON? Susida: E, a sad bi triba – oli si zaboravila, tot je ćovik-šišmiš! On gonjeza ove beštije od judi, ove ča pošćenom narodu nedaju živit! On gonjeza onega vraga, PTUJ,PTUJ, božemiprosti, onega ča mu je sve smišno, onega Đokera…
Iz susjedne sobe se čuje šuškanje, škripa, lipljenje selotejpa… one ne čuju jer kokodaču…
Baba: Evo ga! Evo ćovika-šišmiša! A ča je ovo na se metija, božesaćuvaj sav se u crno zavija ki donAnđelko nedljon na misu! Ma vid kako sređiva oven beštije, ma kako ih samo mlati – ma vid šesan li je… a lipo li ga je vidit gospemoja!! Sav mi je lip ko pratar!! Susida: A je, je – ma vid mu mišica, sav se napeja, more bit da puno vježbaje – ajme ča mi je zgodan, ča mi je lip!! Kako se samo prekobacije, preskaće i leti… a je se sićaš kako su ono i naši muški onod davno skaćali…hi-hi? Baba: Aaaa eeeee, a kako se ne bin sićala, hi-hi – moj Tonko bija mladić, hi-hi, a nismo ni mi bile loše…aaaa eeee… Susida: Eeeeeee aaaaaaaaa!!! Dobro veliš, aaa eee! Hi-hi-hi!!!
U vrtu ispod prozora nešto šuška, čuje se lom grančica i nečiji koraci… netko se šunja…
Susida tiho šapjući: Ajme,a ča se ovo čuje pod ponistron!?! AJME, AJME a ča je ovo, neko se šunja, AJME ČA ĆEMO SAD!! Nije maška – preveliko je!! AJME – MANJIJAK!! Manjijak je to garant, evo nas je doša napast! Baba: AJME GOSPEMOJA!!! Gospepomozi nan sad! Šunja nan se manjijak pod prozoron! Doša je krest! Eno mi sve pomidore u vrtu izgazija! Susida: A ča ćemo mi jadne slabe ženskinje? Evo nas manjijak doša vazest, doša nas napasovat!!! Baba: Sucida, sa´ ćemo mi njegan sa ovin PITARIMAN na ponistri, evo ja ću vazest ovi od jubičica… Susida: A ja ću vazest ovi većin od paprika… Baba: Ti sa liva paprikam – a ja ću ga jubičicam sa desna…sirkonkrizirano na moj znak…SAD!!! Susida: Sad? SAD!!! Baba: Tuc´ ga sucida U GLAVU!!! Udr´ vanpira – EVO TI NA, NA , NA I JOŠ NA, EVO TI NA!!! TIŠ MOJE POMIDORE KREST!!!
CRASH!!!TRES!!!
ON: Ftani!!! Ftan.. ja..!! Susida: EVO TI NA!!! UDRIMO GADA! On bi nas voajira!! EVO TI NA OPET! Pe-ve-ntit! Seksu-lani manjijak!!! EVO TI NA, NA I NA!!! Baba: NEŠ MOJE POMIDORE!!! NA TI, EVO TI NA!!! UDRI MANJIJAKA!!! UDRI LOPOVAA!!! ON: Ftani!!! FTANI!!! U pfomof!!! U PFOMOF!!! Ja fan Lufe – JA FAN TO!!! Ubife fte me, gotof fam – polomile mi dentfjeru!!! Polomile mi fube!!! Ajmeeeeee….. Baba: Tonko? TONKO moj??? Oli si to ti???? Susida: AJMEEEE!!! ČA JE OVO - CRNE VRIĆE ZA SMEĆE!!!??? Dida: Gotof fam!!! AJUJU-JU-JU, AJMEEEE, AUUUUUU!!!! Moja glafa, moji fubi, ća bfoliiii!!! AJUJU-JU-JU!!!! Baba: AJME UBILE SMO GA! GREMO NA ROBIJU!!! Susida moja zovi ´bulantu!!! ´Bulantu zovi ubili smo ga, ubili smo mojega Tonka!!! Susida: ´BULANTA!!! ´BULANTAAA!!! ´BULANTAAAA!!! AJME - VRIĆE ZA SMEĆE – CRNI MI SE PRID OČIMAN…AAAAA!!!
CRASH!!!TRES!!!
Baba: Ma mislila san na televon, zovi na telev…!!! AJ ĆA – PRIKOVRN´LA SE!!! Ošla u a´fekat! A ČA ĆU SAD BIDNA TI SAN, još mi je samon to falilo!!! A ti, TIIIII – VRAG TI SRIĆU IZIJA!!! Crna nesrićo crnja od najcrnjeg javla – a ča te spopalo gospemoja usrid noći pod ponistru se šunjat!!!! Evo si nan i sucidu ušokira´!!!
Ča si na se ote vriće o´smeća metija???!!! I mrčilon o´postola se opitura… a ča ti je to na leđim´ – kriloo´šatora!!!????!!! Dida: AJUJU-JU-JU…!!!Lufe, Lufe moja – ftija fan te ifnenadit, ftija fan ti bit Bfetmen - ćofik fifmif! Baba: A jadna ti san! Dida: AJUJU-JU-JU….