Pregled posta

Prepisal sem...

Baš sad pajdöši zovu na pijaču pa nëmrem napisati kaj sem štel pa budem prepisal kaj sem prvi put na drugomu mestu napisal...z oproštënjem Vaš lovec v mutne vode II.

I kao INTERNET
- Ti buš pisal za INTERNET - moja Bara më zaskočila a baš sem mislil da ne sluša kaj govorim. Stäla jë prëd ménum ko Regica kad se svädi z Preisvétlem.

- Jë, pak bum - rëčem jä skoro ko Dudek.

- Pak jä nés mislila da svaki bedäk može za INTERNET pisati?

- A lépo mišljënjë ti imaš o svojëmu mužeku, Bara dräga.

- Joj, nésem jä tak mislila, samo sem si gruntala da né tak lehko za INTERNET pisati i da čovek möra nekakvu višu škölu imati ili imati pär meséc tečaja vu Opatije kaj firma pläča.

Poglëč, gruntam si jä, né ni tikva mojë Barë tak šupla kak bi čovek mogel misliti. Al u svëzi glëdë ovoga dobila jë krivu informäciju.

- Barek, a dö ti jë rëkel da së za pisajnë na Internetu möra vu Opatiju iti? - glëč, glëč, morti Bara ima kakvi skriveni fond pa bu financérala mužekovë ambicijë?!

- Suseda Štefanija jë rëkla da nëzin sin, onaj kaj déla v državne firme, svaki mesec idë na të svojë družbë i da jë on veliki i stručni informatičar. Z drugë stränë skoro svaki put kad on ode k nëgve žëne döjdë onaj njihov sused studënt da očisti nëgov kompjuter od bolesti. Mëne jë to skröz blësavo, ak jë on stručnjak, zakaj mu mäli čisti mašinu?

- Jë Bara dräga, morti jë on tak veliki stručnjak da drugi za njém čistë, on je valda gospon informatičar, a mäli je seläk informatičar pa möra čistiti. A može biti da on čisti nëzinu mašinu? - namegnul sem Barë.

- Tëbe stälno nekakvi vräg bëdastöče po glävë nagäjna - Barek je zabädäva glumila, skužil sem jä nju da misli kaj i jä al nëčë priznati.

- Čuj, a kaj buš ti pisal, o čëmu?

- O sečemu, kaj god mi na pamet opadnë.

- Joj nëbuš valda, pa tëbe samo bedastöče po gläve drčiju i nagäjnaju së. Valda ne buš intimnë stväri z našega bräka pisal? Jä sem pri frizérke čitala da jë muškemi célo vréme sex na pameti.

- Jë Barek dräga, unda nëbumem pisal o našem bräku, jä së ne séčam kad je zäjdni put sexa bilo.

- Jä së séčam, sem to i na kalendäru zatefterila.

- Barek dräga, pa nési ti prasica pa da trébaš znati kad së budeš previčala. A možda si i to zračunala. Dëj mi taj kalendär da vidim kad mi së budë posrëčilo.

- Vräg të zël, tëbë i tvoju srëču - Bara se kakti rasrdila, vëć së mislila okrenuti i otiti al päk je jë spomënuti vräg jëzik zavërglal - Nëjdë mi u glävu kak buš ti to pisal'. Da su to nekë našë domäčë novinë još bi i razmela, ali INTERNET?!

- Barek dräga, pisana réč je pisana réč, svëjëdno jël jä nu pisal z olofkum, tipkal na mašine ili ju bum spišal na snégu, to je moja réč i gotovo. Kaj ti misliš da jë vredneja réč na internetu od mojë réči spišanë na snégu? A i jëdna i druga su krätkoga véka: ova na Internetu jë dok ima strujë a moja na snégu dok ima snega.

- A zäto buš ti pisal' za Internet - zgruntala si jë moja Bara - muči të prostata pak nëmreš više pišati po snégu?!


Post je objavljen 14.05.2004. u 14:44 sati.