Evo mene tek sad…ajme nima ništa nova zaozbilj, al evo će mi večeras doć jedan (kešovan ;) ),a sutra ujutro drugi (bivši susid iz ulice).
Jutros san onemu bivšemu odnila neke stvarčice….on je ka ono betežan i rekonvalescent,a ja još luda majka Tereza….,pa san sad trpala još miljun stvari (e to vala neću JA teglit više)…
I onda za ne falit,taman kad san tila sest i odmorit se uz kavu… kad u prolazu vidin u mali wc neku vodu na tleju…idem čačkat oko onega nesritnjega filtera za vešmašinu i ….uffffff…ode puna makinja vode.
Ajme majkooooo koja vodurinaaaaaa…upala do gležnja…pa trč da ne ode dalje,bacaj sve po tleju (jerbo oni glupi projektant ča je čak dobi nagradu za ovo naselje,nije predvidia u banjima oni otvorić za vodu .jeben i njega i onega ko mu tu nagradu da).
Pa sad kad sam već u tim govnima,žensko ludo ko žensko,ajde usput obriši pod u dnevni,u hodnike…i evo mi jezik do poda.
I tek sad malo predahnjivam uz tu davno skuvanu kavicu i dok sve ovo lipo ispišem i još malo navratin do moje forumske ekipe da vidin:
- ko se kara,pljuca i beštima na politici-jel se mrzi više Srbe oli Slovence-jesmo li svi norci ili gotovine
-ko je isproba najluđi seks i di, jel bolji duži i uži il obratno, ko jema jubavnika oli jubavnicu,ča to judima triba i jel to moralno,pa onda opet pljuc jedan drugega
-dokle su došli oni ča filožofiraju o svin vrstama bogova i religije –i jel koja pravija od druge,pa i oni pljuc,pljuc jedan na drugega (a sve ka neki veliki vjernici i filožofi)
-pa oni moji pajdaši Zagorci kaj ispijaju u svratištu kod gavrana(aj dovro,ima i Slavonaca)-eee,tu nima pljuc,pljuc,lipo se družidu i onako ka pijuckaju i pivaju
-a ne ka ovi moji Dalmoši-ča smo mi zajeban svit…svi moredu organizirati te forumske kavice…samo se mi nikako izdogovarat-eno ćedu se pri Imoćani sastat nego mi ovdi u Split
- pa onda da malo proćirin ko ide ,a ko je doša s godišnjega jerbo je sad ka ono sezona (a bome je podbacilo ove godine)
- koga je obrisa moderator pa se dotični najidi i opet pljuc,pljuc
- pa malo poezije-jelte,ja sam poetska dušica i volin ubaciti koji stih i lipe slike postirati-eee,ni tu nima pljucanja,sve fini neki judi (ajme nisan ni znala da ima toliko svita ča voli poeziju i ča je čak sam piše-ma bravo)
-ono o sportu preskočin – nisam ja za to (aj fala bogu da tu ne trošin vrime)
-ajme volin viceve…tu se lipo nasmiješ ka čovik…a naravski da su mi najdraži o M & H
(jel znate najtužniji vic-umrli Mujo i Haso)-ne moran reć da nima pljuvanja- jedino more bit ako se ko od smija zašpruca
-nekad zavirim na onu temu o kopjuterima jerbo ima nekih dobrih savita,a i inače je ekipa cila dobra jerbo si pomažemo jedni drugima ako koji čakod ne zna-to opet lipi kulturni svit bez pljucanja
Ajme ča san se raspisala…a ovi još malo pa ćedu doći vidit stan
Znači večeras opet moran noćarit dok sve ono gore ispregledan…ajmeeee,a još ovo na bloguuu!!!
Adio lipi moji,volin vas puno,vi ste mi sad druga familija…
Post je objavljen 24.07.2004. u 20:00 sati.