Pregled posta

Svi smu mi v kurcu

Gledim dnevnik. Republika Srpska. Plakät. "Svaki je srbin Radovan." Odnekud mi jë poznato. Prosim Bläža da mi to prëvëdë na hrvacki.

"Svi smo mi Mirko Norac", veli on.

"Svi smu mi v kurcu", velim jä.

"Zglëda da su Radovan i Mirko zëli jëdnu te istu PR agenciju koja ima problema z kreativnosti pak su jem napravili slični program", veli Bikek.

"Koji jë političar näjglasnejši kad së skupë kak bi Radovanu podršku dovali?" Pita Bläž.

"Zäkaj, kakvë to vëzë ima z Radovanom i Mirkom", pital sem ga jä.

"Pa taj bu sigurno nihov növi prëcednik vlädë, to ti tak idë v ovém balkanskem cirkusu." Bläž je aludiral na našega prëcednika od Vlädë.

"On jë jäko vikal protiv toga da naši generäli idu v Haag, a sad jë kaput preokrënul i odu generäli na piknik. Čital sem v novinami da jë opet zaštöpal prikazivanjë emisijë koja jem né pasala. Spominek jë bil baš ovaj oko generälöv. Né smeti näroda podsečati z kakvum elegancijum së mišlënja preokreču kak kokotiček na vetru." Bläž si jë zdenul i pröbal malo vručë rakijë.

Bikek jë lovil svoju priliku da veli koju réč: "A jëstë čitali kak së kriminäl povëčal otkak jë adeze na vlästi? Morti su si löpovi premislili da su sad nijovi došli na vläst pak opet moreju delati kaj očeju?"

"Bikek, niš ne razmeš. Kriminäl së povëčal zäto kaj su nesposobni rukovoditelji v policije pak jih zäto adeze möra meknuti kak bi sposobnë vrgel na prävo mesto." Hitil sem loptu Bikeku na volej da vidim jël ju budë pogodil.

"Ak su bili nesposobni zäkaj jë läni kriminäl bil mejni? A steroidë za kriminäl su mogli dati samo ovi kaj su prije koji mesec došli na funkcijë. Tu svoju pripovest prëcednik vlädë možë mäčku na rëp obesiti. Segdo dö i malo razmišla vidi kak jë prëdnik glupost zvalil." Bikek jë dobro odigral.

"A né on jedini", Bläž jë pokäzal na novinë kaj un stälno čita. "Tu pišë kak jë urednik informativnoga programa na hrtu, VR (nésu leta napisali) rëkel kak së "dosljednost neke stranke treba mjeriti od kada je ta stranka na vlasti" i da jë zabränjeni prilog v kojem së vidi kaj su aktualni vladäri govorili o izletu u Haag dok su bili v opozicije, pitanjë arheologijë a në novinarstva."

"Jä së ž njém släžem", malo sem zastal, a unda sem videl kak su më Bläž i Bikek poglëdali pak sem nastavil, "smätram da jë i moj dug za struju, vodu i komunalnu naknadu, a posebno möj kredit i još dvä kojemi sem bil jamac, isto tak pitanjë arheologijë i në znam koji kurac më i dalë zajebävaju i šeleju opomenë kad su i krediti i dugovi leto-dvé starejši od onoga o čëmu së govori v zabränjenem prilogu."




Post je objavljen 07.07.2004. u 23:56 sati.