... ja se raskokodaka o sebi, a o djetetu ni beside ... baš san pravi gudin, rekli bi zli jezici. I jesan, ali više za bilo vengo za crveno ... mislin meso ... ja san van više za čvarke učinit ... ma pustimo to, a ča je Vinka učinila u ova dva miseca? Da učinila! Već san počeja sakrivat ono ča se more mašit sa tleja, jerbo kad krene u patrolu po podu, za minut je sve na tleju ... počela je puzat, najpri par dan na rikverc, dokle nija uspila ušaltat u prvu brzinu, a onda je cili dnevni boravak njezin :-) Neće više njanci šefica da sidi ili da je držimo po rukan, vengo oće da stoji na nogan i drži se za stol. Bogami, još malo pa mi neće tribat djeta za smršavit, kad je buden vata okolo. Neka! Iznajmiću je malo bakici, kad mi spomene djetu, pa ni njoj neće tribat. Mislin djeta!
Počela je bižat i od fotoaparata. Ovo san ej tija slikat kako puže, pa se bržebolje okrenila i biž u hodnik! I još se smije, ka ono: jesan te, a!
I jesi me, ćerce, da znaš, i nije mi krivo! Neka, triba nadoknadit propušteno. Danas san otkrija još jednu stvar: ka prava ženskica, gušta poć u šoping. Sednen je u kolica u butigi, i mogu je tri dana vozat da ne zagrinta, i još se smije i priča sa svima okolo ... nisan moga virovat. Žensko, ne more falit!
Post je objavljen 20.03.2005. u 23:44 sati.