Nisan umra, samo san linčina. A šta ću, ne moreš sad staroga pasa učit novin trikovima ... dosta se toga dogodilo otkad san se zadnji put udostojija napisat koju besidu, ali ja mislin da nan je svima u sjećanju osta oni dan kad je nacipalo sniga priko svake mire ...
Ja ne znan ko je snig nazva dječja radost? More bit jedino oni limari ča napravjadu aute oli likari i oni ča činu gips za popravjat slomivene ruke i noge ... To mi je bija i osta rekordni snig okad znan za sebe ... izaša san sa auton iz garaže i bidan se Punto odma sam od straja vratija nazad. A na posal san iša tek sutradan. Kako ne znan vozit po snigu, još manje znan i odat po njemu. Neka naše Janice Kostelić i ostale ekipe, ali ja ga volin (snig) samo na razglednici. Je li mi se dida zva Marin oli Janez? Mislin da smo se razumili.
Bilo je tega još, da sad ne priskačen, i maškare i pokladni utorak i evo još koji dan korizma za očistit i okajat ono ča smo proždrli i popili ...
Ćuti se vonj prolića, sve je nikako živnilo, ka i ja, jeli :-) pa san se i sitija da bi moga napisat dva tri reda ...
Fala bogu, napisa san i četri reda u ova deboto tri miseca okad se nisan javlja ... ča onoga našega lista od maškar, Mašogadur, pa do uređivanja školskoga lista naše osnovne skule, Mašopis ...
Post je objavljen 20.03.2005. u 23:22 sati.