Marketing
SRETNO NOVO LETO
SRETNO NOVO LETO
/zagrebacki suvenir-philatz/
Bok Jalžika.
Fanika pri telefonu.
Kak si kaj?
Spremaš se kam na doček Novog Leta?
Kaj veliš? Štef te pelja v Westin.
To je tak nobl. Bute v restoranu na vrhu?
Na 17tom katu?
Bu romantično, a vidi se i celi Zagreb.
A može se tam i tancati?
Veliš da može. Baš fajn.
Moraš se lepo zbigecati. Dugu klajdu i špičok štikle.
Nećeš dugu klajdu i štikle?
Morti imaš prav. To bu duga večer i hoćeš biti gemitlih.
A frizura? Ideš kod naše frizerke v gradu?
Buš napravila i pramenove?
Za Novo Leto se ne špara, makar su frizeri skupi.
Baš buš zgledala kak prava herzig puca.
A ja?
Onaj moj i ja bumo doma. Sami, bez pajdašije.
Nekak nam se neda van.
Sve sam abštaubala. Ne volim đumbus.
Moramo bedinati i cucka. Cvika kad pucaju. Dobro ga pokrijemo da tak jako ne čuje pucanje i pošmajhlamo.
Alzo, napravila bum francusku salatu, spekla frišlinga i napravila finu tortu. Ja sam maher za torte, sve ajnfah i apetitlih. Bumo si požlempali en fraklec žestokog i šampanjac. Već se hladi. Mi smo prav za prav fajn šmekeri. Bumo se upicanili, a ja bum metle i rinčice. Nedamo se pošeremetiti, čak i ak buju preveč rondali.
Tak Ti je to. Kužiš lepa moja. Fakat, dost blebetanja jer bumo v cajtnotu. Fajrunt. Kušlec.
Uživajte.
Naj kaj zameriti. Prosim lepo.
Javi , kak je bilo.
Sretno Ti Novo Leto.
Post je objavljen 29.12.2025. u 16:30 sati.