Taka bi mi ruku i podraga vlasi, ma nimaš kuraja.
Vrime biži 'jube.
Nećemo bit mlaji, nima više straja.
Nema ni partence a ni mojih briga
sve užance prošle
vrime nam deštriga
a kad bura dere i škure nam ginga
nas dvoje sami, za stolon
gledamo se priko pjati
i mislimo
di su dica nam rasuta
ima li kogod njima pijat stavit
ne tribaš mi dragat ni ruku ni vlasi
umeja me život ,a duša se lako
vrimenom gasi