Oo, Klara, book, ideš male k svojima? Aha, je, je, treba češče dojti roditelje pogledati. Im su već dost stari, mogli bi ti hmrijeti, pogotove zdej gda nas još i tije vražji virus zajebava. A kak si mi ti? E si f penziji ili još moraš delati? A da, još si premlada za penziju. Još pet lijet se moraš strpeti. A ja? Ma ja sam ti od Nove godine f penziji, al mi je penzijica tak mala da sam si našla f metropole tri gospođe kaj im idem saki tjeden male pomoči skuhati, viješ spijeglati i hižu počistiti, pa si zaradim još koju kunu. Baš sem denes tepihe usisavala i posteljinu mijenjala pa me zdej male križa boliju. A niš, bum si spila jenega brufena gda dojdem dime, pa ideme dalje.
A kak mi je na poslu? Jooj, moje ti gospođe hočeju da nosim masku i dok čistim. A čim toga vraga denem na nos mam se zadavim, nemrem opće zraka udahnuti. I nič praf ne vidim jer mi te smijeta! I još na te moram naočale deti gda treba neke male detaljnije obrisati ili paučinu pokupiti. Jooij! Vrag ti stvoril tu koronu!! Baš me zanima gdo se sve obogatil na tim maskicama, sredstvima za dezinfekciju, rukavicama, onim nazuvkima za cipele, zaštitnim odijelima, onim plastičnim naočalama, vizirima i pregradama i tak daljše i tak daljše. A kulike buju tek penez zgrnuli proizvođači cepiva! A jesi se ti cijepila? Ja jesam, neki dan su me zvali iz ambulante. A ti nisi još došla na red? Aha, samo Seka i Mama? Da, da, ti si mlađa od nas. Još nisi na redu. Jooj, jooj, jooj!! E ti vidiš ke sme dočekali!? Zdej su počeli govoriti da bumo trebali imati i nekakve kovid putovnice. Ke im pak te je!? I ke sme te doživeli da se ljudi bojiju da negdo kraj njih ne kihne. I ne smeš se više z nikim pošteno pozdraviti, niti rukovati, niti zagrliti niti izljubiti. Još male pa ne bumo smele ni z mužima f istom krevetu spati. Kak budu onda mladi ljudi decu napravili? Buju si išli na umjetnu oplodnju!? Baš lijepe!! Još same treba usavršiti umjetnu maternicu! Baš neki dan sem iskala neke na internetu pa sam negde pročitala da su znanstvenici već uspeli napraviti i testijerati umjetnu maternicu koja bi trebala biti sposobna održavati na životu prerano rođenu decu. Zdej te testijeraju na janjcima tak da maloga janjčeka deneju f „biovreću" koja ima ulogu maternice i inkubatora. I piše da se znanstvenici nadaju da bu taj novitet bil od velike pomoći vu spašavanju života prerano rođene dece. I veliju da bi ispitivanja na ljudima mogla započeti u roku od tri godine. Baš krasne!! Im nam onda prava maternica ne bu više niti trebala??!!
Post je objavljen 10.03.2021. u 14:47 sati.