Marketing
Magla je ... magla nije
Čudno je vrime jutros bilo. Samo ča nisan ingleški progovorija 
... vidiću oće li me oko pet ure pozapodne vuć da popijen čaj, da vidin sanjan li oli je ovo zapravo 
Kad san krenija na posal odozdal, iz Zapadni Kaštili, nije se vidila ni Gomilica, atroke Mosor ...
Mislija san da je u Mašogradu kiša, ali ne, magla, gusta ka da je Josipa Lisac gostovala u našemu kinu ...
Odozgara namrgođeni sv. Jure kroz koprenu od oblaka gleda na svoje selo, i nikako se načudit di su mu to kmetovi pobigli pri par stotin godin ...
... cili Kozjak je deboto zabilija ...
... a dok san ja primija dojavu za ovu pojavu od kolegice, dok san saša po fotoaparat u portpaku „Kobile Suzi“, dokle san se namistija za slikavanja ... oblaci su već deboto nestali ...
... pa je sv. Jure odozgara, s visoka, moga čiribimbit naš Mašograd, ne pristajuć se zlamenjivat, odakle ovoliko magluštine. Kad će litoooooooo?!
Zdravi i veseli bili!!! 
Post je objavljen 19.02.2021. u 14:16 sati.