Marketing
DA SE NE ZABORAVI - ŠJALPA
Ki po ovoj buri more izać iz kuće a da ne stavi šjalpu oko vrata? Govoriju da je šjalpa odjevni predmet. Ona se ne dupera svaki dan kako brageše ili majica. Niti je šjalpa del robe ku svi judi duperaju.
U šibenskom leksikonu pronalazim da su šjalpu nosili samo gradski muškići, državni činovnici i nježnije žene, jerbo je njima grlo ćutilo svaki vitrić, težaci i ribari ni po najgoroj buri nisu zabotunavali gornji botun, a šjalpu nisu duperavali ni za sprovode po najvćoj zimi.
Sada znamo ki su onoga puta duperivali šjalpu. Danas nema onoga ki ne nosi šjalpu. Ona je postala i ukrasni predmet.
Beseda šjalpa dolazi iz talijanskog jezika (tal. sciarpa) i po njihovom tumačenju je to odjevni predmet ki se nosi oko vrata.
Ne more se na ovu hladnoću bez toplog kapota ili skafandera, debeli đemper a oko vrata pletenu šjalpu. Jer naši judi su znali reć da je boje umrit od tepline nego od studene zime. I ja se tin slažen.
(fotografije 2,3-izvor: internet)
Post je objavljen 15.01.2021. u 14:57 sati.