Marketing
DA SE NE ZABORAVI - MULTA
Javja se meni moj kompanjo, pita za zdravje, di san sta, sve ga interesira. Pita me ako gren van kuće. Odgovaran mu da gren na limfnu drenažu. Ca će ti to, je ti to baren ca pomaže, ca ti ni pametnije stat doma u ovon ludilu od Korone? Sada bi samo falilo da Koronu pokupiš. Stoj doma, porucuje meni moj kompanjo. Vidiš ka „multa“ ceka onih ki se ne pridržavaju mjera ke je doni stožer.
Zasta san malo kada je izgovori besedu „multa“ za koju ni sam ne znan kada san je zadnji put cu.
- Ca si ferma govorit Bebiću? - reagira moj kompanjo.
- Smela me beseda ku si sada reka.
- Ka beseda?
- Pa ta multa.
- Ca si zaboravi ca je multa?
- Nisan zaboravi, ali to je beseda koja je skroz iščezla iz paškog dijalekta.
Multa je beseda koja dolazi od talijanskog jezika. Non sono mai stato preso, neanche una multa. Ca bi u prevodu značilo: Nikada nisam uhvaćen, nemam ni kaznu za parking.
Novčane kazne ke se zoveju „multa“ se određuju na kraju sudskog procesa i mogu biti izrecene u zatvorsku kaznu.
Una multa di 50 lire, o tre mesi in prigione - Novčanom kaznom od 50 lira ili tri mjeseca zatvora.
Papa Pio IX doni je 1873, godine bulu „Et si multa“ di je prvi put proglasi masonstvo delon Sotone. Ton bulon su određene kazne za one katolike ki su bili članovi masonske loze.
Stožer za Koronu naglašava:- da širenje lažnih vjesti koje bi dovele do uznemirenosti građana je prekršaj protiv javnog reda i mira, i za to je zapriječena novčana kazna ali i alternativno i zatvor od 30 dana.
Siti san se pokojne pranane Telerovice kada je rekla:“platiti će te vi svoju multu, ja van govorin“, - nakon ca se sused doša materi žalit da smo mu u Malin krali grozje.
Paški govor zbog svojih specifičnosti ima svoju lipotu i vridnost te se tribamo trudit da ne pade u zaborav kao beseda multa.
(fotografije:2,3,4, izvor: internet)
Post je objavljen 02.12.2020. u 11:47 sati.